Zeremi 23:8 - WẼNNAAM SEBRE 2014

⁸ Fo na n yeelame: ‹Mam wẽenda ne Sẽn-Ka-Saab sẽn vɩ wã yʋʋre, soab ning sẽn dag n dig-a Israyɛll nebã tɩ b kẽng rɩtg sẽnẽ ne tẽms a taabã pʋsẽ, n yaool n lebg n tɩ tall bãmb n wa tɩ b zĩnd b tẽngã pʋgẽ wã.› »

SEBR SÕNGO

⁸ Woto la b na n wẽen marsã: «M wẽen ne Vɩɩm Naaba-Wẽnd sẽn yiis Israyɛl buudu, nug goabg rãmba soolmẽ, la zĩis niyns fãa b sẽn da sẽegẽ, tɩ b na n le vɩɩnd b tẽngẽ.»

Zeremi 23:8 Iomraidhean Croise

A Ezayi 11:11

Badaare, Sẽn-Ka-Saab na n leb n tẽega b nug n fãag b buud ning sẽn kellã, yaa neb nins sẽn pa Asiiri ne Ezɩptã, la sẽn pa-b Patroos ne Kuusã, la Elam ne Sineyaar la Hamatã, ne tẽms nins koom sẽn gũbg tɩ b be ko-kãsengã sʋkã.

A Ezayi 14:1

Bala, Sẽn-Ka-Saab na n zoe a Zakoob yagensã nimbãanega, bãmb na n leb n yãka Israyɛll n kõ-b vʋʋsg b tẽngẽ wã. Sãamb n na n naag bãmb tɩ b tɩ lagem a Zakoob roogã nebã.

Zeremi 16:14

Rẽ kɩtame tɩ Sẽn-Ka-Saab yetẽ: «Wakat n wate, tɩ ned ka na n leb n wẽen ne Sẽn-Ka-Saab sẽn vɩ wã sẽn yiis Israyɛll nebã Ezɩpt pʋgẽ wã yʋʋr ye.

Zeremi 16:15

Bãmb na n wẽena ne Sẽn-Ka-Saab sẽn vɩ wã yʋʋre, soab ning sẽn yiis-a Israyɛll nebã nug-rɩtg tẽngẽ wã, la tẽms nins fãa mam sẽn kɩt tɩ b sãeeg n kẽngã pʋgẽ wã! Mam na n kɩtame tɩ b lebg n wa tẽng ning mam sẽn dag n kõ b yaab-rãmbã pʋgẽ.»

Zeremi 23:3

«Mam mengã na n kɩtame tɩ m neb nins sẽn ketã yi tẽms nins fãa mam sẽn dig bãmb tɩ b kẽngã n lebg n wa yiri. La bãmb na n doga kamba, la b na n fɩɩgame n lebg wʋsgo.

Zeremi 29:14

Maam a Sẽn-Ka-Saab yetame: Mam na n basame tɩ y yãnd-ma, la m na n leb n manega yãmb yellã. Mam na n kɩtame tɩ y yi soolem ninsi, la tẽms nins fãa mam sẽn dag n dig yãmb tɩ y kẽngã. Mam na n talla yãmb n lebg n wa zĩ-kãngã m sẽn dag n kɩt tɩ b yiis yãmb n tɩ kẽes yembdã.

Zeremi 30:10

Sẽn-Ka-Saab leb n yetame: ‹La foom a Zakoob sẽn yaa mam tʋmtʋmdã, da zoe rabeem ye! Israyɛll nebã, da bas-y tɩ y pɛleng yɩk ye! Bala, mam na n fãaga yãmb tẽn-zãrg ning y sẽn beẽ wã, la m fãag y yagensã tẽng ning b sẽn be yembd pʋgẽ wã. Israyɛll nebã na n lebg n waame, la b na n leb n zĩnda yam-gãneg ne vɩ-bãan pʋga, la ned kõn zĩnd sẽn na n kẽes-b rabeem ye.

Zeremi 30:3

Maam a Sẽn-Ka-Saab yetame: ‹Wakat n wate, tɩ mam na n maneg Israyɛll ne Zʋʋda nebã yellã tɩ lebg sõama. Mam na n tall-b lame n lebg n wa tẽng ning mam sẽn dag n kõ b yaab-rãmbã pʋgẽ, tɩ b soog-a.› Yaa maam a Sẽn-Ka-Saab n yeele.»

Zeremi 31:8

Mam tara bãmb n yit wĩntoog sẽn lʋɩtẽ dɩtg tẽngã n watẽ. Mam yiisa bãmb dũniyã kɩremsã fãa n wat n na n tigme. Bãmb sʋkã, zoense, koms-rãmba, pagb sẽn tʋte, ne pagb sẽn kũmd dogem na n zĩnda be. Yaa bu-kãseng n lebg n wat zĩ-kãngã.

Zeremi 32:37

«Mam na n yiis-b-la tẽms nins mam sẽn dag n dig-b ne m sũ-yikrã la m sũ-puug-kãsengã tɩ b kẽngã, n wa tigim zĩ-kãngã. Mam na n kɩtame tɩ b zĩnd ne bãane.

Zeremi 8:3

La bu-wẽn-kãng neb nins fãa sẽn ket n be dũniyã zugã, zĩis nins fãa mam sẽn na n dig-b tɩ b tɩ kẽngã, b na n yeelame tɩ b sẽn kiid n são. Saasẽ-Pãng-Soabã n yeele.»

Ezekiyɛl 28:25

Ade, Zu-soab a Sẽn-Ka-Saab yetame: «Mam sã n wa yiis Israyɛll buudã nebã sẽn sãeeg n be buud a taabã sʋkã n wa tigim-ba, mam na n wilga m pʋ-peelmã ne bãmb buud a taabã fãa nifẽ. Bãmb na n zĩnda b tẽngẽ wã, tẽng ning mam sẽn dag n kõ m tʋmtʋmd a Zakoobã.

Ezekiyɛl 34:13

M na n yiisa bãmb buud a taabã sʋka, n tigim bãmb tẽmsã fãa pʋsẽ, n tall bãmb n wa b tẽngẽ wã. M na n wãbnega bãmb Israyɛll tãmsã zutu, la bãg-faansã pʋse, la tẽngã zĩis nins fãa sẽn tõe n zĩndã pʋse.

Ezekiyɛl 36:24

Mam na n yiisa yãmb bu-zẽmsã sʋka, mam na n tigim-y-la tẽmsã fãa pʋs n tall-y n lebg n wa y tẽngẽ wã.

Ezekiyɛl 36:35

La b na n yeelame: ‹Tẽn-kãngã sẽn dag n lebg zĩ-vɩʋʋgã lebga wa Edɛn zẽed zĩiga. Tẽn-bãmbã sẽn dag n lebg raboodo, n yaa zĩ-vɩɩdo, n sãam zãngã fãa lebga pãng zĩisi tɩ neb be b pʋsẽ!

Ezekiyɛl 37:25

Bãmb na n zĩnda tẽng ning mam sẽn kõ m tʋmtʋmd a Zakoobã pʋgẽ, tẽng ning yãmb yaab-rãmbã sẽn dag n zĩnd a pʋgẽ wã. Bãmb ne b kambã la b yagensã na n zĩnda beenẽ wakat fãa yĩnga, la mam tʋmtʋmd a Davɩɩd n na n yɩ bãmb naab wakat fãa yĩnga.

Ezekiyɛl 39:28

Mam sã n wa sãeeg bãmb buud toay-toayã sʋka, mam na n leb n tigim-b-la b tẽngẽ wã. Mam ka na n bas bãmb sʋkã ned ba a yembr beenẽ ye. Woto, bãmb na bãng tɩ mam yaa Sẽn-Ka-Saab sẽn yaa bãmb Wẽnnaam.

A Miise 7:15

Mam na n wilga bãmb tʋʋm-kãsemse, wa wakat ning mam sẽn dag n yiis bãmb Ezɩpt tẽngã.

Sofoni 3:20

Wakat-kãnga, mam na n tall-y lame n lebg n wa, Wakat-kãnga, mam na n tigm-y lame. Bala, mam na n kɩtame tɩ yãmb yʋʋrã yi, la m kɩt tɩ y paam waoogr dũniyã buud fãa sʋka. Wakat ning mam sẽn na n lebs yãmb y zĩigẽ wã, yãmb mensã nin na n yãndame. Yaa maam a Sẽn-Ka-Saab n yeele.