Zeremi 23:6 - WẼNNAAM SEBRE 2014

⁶ Yaa yẽnda wakat la Zʋʋda nebã na n paam fãagre, tɩ Israyɛll nebã zĩnd ne bãane. B na n boola rĩmã yʋʋr tɩ Sẽn-Ka-Saab sẽn yaa tõnd tɩrlem.»

SEBR SÕNGO

⁶ A sã n wa rɩt a naama a Zɩɩda na paam fãagre, t'a Israyɛl vɩɩma ya laafi vɩɩm. Ad yʋʋr ninga b sẽn na n pʋd-a: «Bʋ-kaood tɩrg soaba Wẽnde.»

Zeremi 23:6 Iomraidhean Croise

Yɩɩn‑sõamyã 45:5

N-yẽe, fo sɩd tara ra-sãnde! Kẽnge! Zomb f zabr weefã, n tɩ zab sɩdã poorẽ, n kɩt tɩ sik-m-meng wa, n kɩt tɩ tɩrlem zĩndi. Bɩ fo nug-rɩtg tʋm tʋʋm-yɛɛsdse.

Yikri 9:26

La yaa Gosɛn tẽngã pʋg bal la sapɩlmã ka ni. Yaa beenẽ la Israyɛll nebã rag n be.»

A Ezayi 2:4

Bãmb na n yɩɩ buud toay-toayã bʋ-kaooda, bãmb na n yɩɩ neb kʋʋng zab-paasda. B na n dɩka b zabr sʋʋsã n kud wãgse, la b rɩk b kãnã n kud goeto. Buud kõn tol n leb n yik zabr ne a to ye. La b kõn leb n zãms zabr sẽn zabd to-to ye.»

A Ezayi 32:1

Dẽ, rĩma na n dɩɩ naamã ne tɩrlem. La nanambsã na n sooga soolmã ne zemsgo.

A Ezayi 32:18

Mam nebã na n zĩnda vɩ-bãan zĩig pʋga, n vɩɩmd rot sẽn tar gũudum pʋga, n zĩnd zĩis sẽn tar vʋʋsgo, la yĩn-maasem pʋga.

A Ezayi 33:22

Bala, Sẽn-Ka-Saab n yaa tõnd bʋ-kaooda, Sẽn-Ka-Saab n yaa tõnd naaba, yaa bãmb n yaa tõnd dĩma. Bãmb n yaa tõnd fãagda.

A Ezayi 33:5

Sẽn-Ka-Saab zẽkame n yɩɩd fãa, bala, bãmb bee hal yĩngri. Bãmb pidsa Sɩyõ ne zemsgo la tɩrlem.

A Ezayi 35:9

Gɩgmã ka na n leb n zĩnd so-kãng zug ye. Rũm-toos ka na n wa so-kãng pʋg ye, b kõn tol n leb n yãnd bãmb beenẽ ye. Yaa neb nins sẽn paam fãagrã bal n na n kẽn beenẽ.

A Ezayi 42:6

«Maam a Sẽn-Ka-Saab n bool foom tɩrlem yĩnga, la mam gãda fo nugu, la m gũuda foom n na n kɩt tɩ f yɩ kaool buud a taabã yĩnga, la f yɩ vẽenem bu-zẽmsã yĩnga,

A Ezayi 45:17

La Israyɛll paama Sẽn-Ka-Saab fãagr wakat sẽn kõn sa yĩnga. Yãmb kõn tol n leb n paam yãnde, y kõn tol n leb n paam paoogre.

A Ezayi 54:17

Zab-teoog ning fãa b sẽn maan n na n zab ne foomã kõn tol n tõog n maan foom bũmb ye. La ned ning fãa sẽn na n yik-a bʋʋd zĩigẽ n dõd foom, fo na n kɩtame t'a kong bʋʋm. Ad Sẽn-Ka-Saab tʋmtʋmdbã pʋɩɩr la woto, tɩrlem ning sẽn yit mam nengẽ wã. Maam a Sẽn-Ka-Saab n yeele.

A Ezayi 7:14

Rẽ kɩtame tɩ Zu-soabã meng na n kõ yãmb bãnde. Ade, pa-kuil na n dɩka pʋga, n dog bi-ribla, n pʋd a yʋʋr t'a Emanuwɛlle, sẽn dat n togs tɩ ‹Wẽnd-be-ne-do.›

A Ezayi 9:6

Yẽnda naamã na n yalgame, yẽnda na n waa ne vɩ-bãan sẽn ka sɛta, a Davɩɩd naam geerã ne yẽnda soolmã yĩnga. Yẽnda na n paasa a soolmã pãnga, la a na n zã-a-la ne zemsgo la tɩrlem, sẽn sɩng ne moasã la wakat sẽn kõn sɛ yĩnga. Saasẽ-Pãng-Soabã nonglem-kãsengã n na n kɩt t'a yɩ a woto.

Zeremi 29:11

Bala, maam a Sẽn-Ka-Saab yetame: ‹Mam mii saagr ning m sẽn saagd yãmb yĩngã. Ka saagr sẽn na n wa ne toog yãmb zug ye, yaa vɩ-bãan saagre, sẽn na n yɩlẽ tɩ y beoog vɩɩmã yɩ neere, la tɩ y paam tẽeb pidsgu.

Zeremi 30:10

Sẽn-Ka-Saab leb n yetame: ‹La foom a Zakoob sẽn yaa mam tʋmtʋmdã, da zoe rabeem ye! Israyɛll nebã, da bas-y tɩ y pɛleng yɩk ye! Bala, mam na n fãaga yãmb tẽn-zãrg ning y sẽn beẽ wã, la m fãag y yagensã tẽng ning b sẽn be yembd pʋgẽ wã. Israyɛll nebã na n lebg n waame, la b na n leb n zĩnda yam-gãneg ne vɩ-bãan pʋga, la ned kõn zĩnd sẽn na n kẽes-b rabeem ye.

Zeremi 31:23

Saasẽ-Pãng-Soabã sẽn yaa Israyɛll Wẽnnaamã yetame: mam sã n wa lebs n maneg Israyɛll nebã yelle, ad b sẽn na n leb n gom goam nins Zʋʋda tẽmsã pʋsẽ: Sɩyõ tãn-sõng sẽn yaa tɩrlem zĩiga, bɩ Sẽn-Ka-Saab ning fo zug barka!

Zeremi 32:37

«Mam na n yiis-b-la tẽms nins mam sẽn dag n dig-b ne m sũ-yikrã la m sũ-puug-kãsengã tɩ b kẽngã, n wa tigim zĩ-kãngã. Mam na n kɩtame tɩ b zĩnd ne bãane.

Zeremi 33:15

Wakat-kãng sã n ta, mam na n kɩtame tɩ nin-sõng yi a Davɩɩd yagensã sʋka. Yẽnda na n kɩtame tɩ tɩrlem ne bʋ-kao-tɩrg zĩnd tẽngã pʋgẽ.

Zeremi 33:16

Wakat-kãense, Zʋʋda nebã na n paama fãagre, la Zeruzalɛm nebã na n vɩɩmda ne bãane. B na n boola Zeruzalɛm tɩ «Sẽn-Ka-Saab n yaa tõnd tɩrlem.»

Ezekiyɛl 21:27

La bagrã bãnd ning sẽn dag n be a rɩtg nugẽ wã yãka Zeruzalɛm, tɩ b na n yãk zab-teed nins b sẽn tar n tãad rot n lubdẽ wã n tɩ zab ne-a, n kɩt tɩ sãoong zĩndi, tɩ b kaas zabr kaasg a yĩnga. B na n tilga zab-teed nins b sẽn tar n tãad rot n lubdẽ wã n tees a rignoyã, b na n zama tom dʋya, la b tu bok n gũbg-a.

Ezekiyɛl 28:26

Israyɛll buudã neb na n zĩnda beenẽ ne bãane, n me roto, la b sel reezẽ tɩɩse. Mam sã n wa sɩbg neb nins sẽn gũbg Israyɛll n dag n paoogd-a wã, Israyɛll buudã nebã na n zĩnda beenẽ ne bãane. Woto la b na n bãng tɩ mam yaa Sẽn-Ka-Saab sẽn yaa bãmb Wẽnnaam.»

Ezekiyɛl 38:14

Bõn-kãng yĩnga, ninsaala, togs pĩnd-n-bãngr goam n wilg Goog tɩ maam a Zu-soab a Sẽn-Ka-Saab yetame: «N-yẽe, wakat ning Israyɛll sẽn yaa mam nebã sẽn wat n zĩ ne bãanã, la fo na n bãng bõn-kãnga.

Ezekiyɛl 48:35

Tẽngã b sẽn mag n gilgã zãng yaa kãntɩɩg tus piig la a nii. La sẽn sɩng ne rũndã, tẽngã yʋʋr na n yɩ Adonayi-Sama, sẽn dat n togs tɩ ‹Sẽn-Ka-Saab bee ka.› »

A Dãniyɛlle 9:24

Ade, b yãka yʋʋm a yopoe naoor pis-yopoe, fo nebã ne tẽn-sõngã yĩnga, n na n kɩt tɩ tʋʋm-beedã ne kongrã sɛ, tɩ yel-wẽnã me tõe n paam pekre, sẽn na n yɩlẽ tɩ tɩrlem puk wakat fãa, tɩ vẽnegrã ne pĩnd-n-bãngr goamã paam pidsgu, la b welg zĩig sẽn welg toor n yɩɩdã toore.

A Dãniyɛlle 9:7

Zu-soaba, yãmb yaa tɩrlem soaba, la rũndã daarã, yãndã bee tõnd sẽn yaa Zʋʋda ne Zeruzalɛm nebã zugu, la Israyɛll gillã fãa neb zugu. Yaa sẽn pẽ-ba, la sẽn zãr-bã. Bãmb bee tẽms nins yãmb sẽn dag n dig-b tɩ b kẽngã pʋse, b sẽn kɩɩs yãmbã yĩnga.

A Ooze 1:7

La mam na n zoee Zʋʋda nebã nimbãanega. Maam a Sẽn-Ka-Saab sẽn yaa bãmb Wẽnnaamã na n fãag-b lame. La ka na n yɩ ne tãp wall zabr sʋʋga, wall ne zabr bɩ ne wiidi, wall ne saar-dãmba, la mam na n fãag bãmb ye.

A Ooze 2:18

Maam a Sẽn-Ka-Saab yetame: Badaare, fo na n boola maam: «M sɩda,» f kõn leb n bool maam tɩ: «M Baalle, m soaal» ye.

A abdiyas 1:17

Neb n na n põs n zĩnd Sɩyõ tãngã zugu. Sɩyõ na n leb n lebga zĩ-sõngo, la a Zakoob buudã na n leb n deega b sẽn so wã.

A abdiyas 1:21

Fãagdb na n dʋʋ Sɩyõ tãngã, n kao a Ezayu soolem ning sẽn be tãms sʋkã neb bʋʋdo. La Sẽn-Ka-Saab n na n dɩ naam.

Sofoni 3:13

La Israyɛll nebã bu-kellã kõn leb n maan sẽn yaa kegre, la b kõn leb n yag zĩrẽ ye. Bãmb kõn leb n gom n tudg taab ye. Bãmb na n tõog n dɩɩme la b gũsi, tɩ ned ba a ye ka be sẽn na n yɛɛs-b ye.»

Zakari 10:6

Mam na n kɩtame tɩ Zʋʋda buudã paam pãnga, la m na n fãaga a Zozɛf buudã. Mam na n leb n lebs-b-la b zĩigẽ wã, bala, mam zoeta b nimbãanega, bãmb na n yɩɩ wa mam dag n ka bas-b ye. Mam yaa Sẽn-Ka-Saab sẽn yaa bãmb Wẽnnaam, la m na n leok-b lame.

Zakari 3:10

Maam a Saasẽ-Pãng-Soabã yetame: Badaare, yãmb na n boola taab n kẽng y reezẽ tɩɩsã ne y kankamsã tẽngre.

Rom Dãmba 3:22

sẽn yaa tɩ tẽeb ne a Zeezi Kiris wata ne Wẽnnaam tɩrlem neb nins fãa sẽn tẽedã yĩnga. Bala, welgr ka ye:

1 Korẽnt rãmba 1:30

Yaool n yaa Wẽnnaam n kɩt tɩ yãmb be a Zeezi Kiris pʋgẽ, Wẽnnaam kɩtame tɩ Kiris lebg tõnd yam, la d tɩrlem, la d welg-toore, la d fãagre,

2 Korẽnt rãmba 5:21

Wẽnnaam kɩtame tɩ Kiris sẽn ka maan yel-wẽnã lebg yel-wẽn tõnd yĩnga, tɩ tõnd tõe n lebg nin-tɩrs Kiris pʋg Wẽnnaam taoore.

Filip rãmba 3:9

la m zĩnd bãmb pʋgẽ. Ka ne mam meng tɩrlem, mam sẽn sak tõog n paamã ye, la yaa ne tɩrlem ning ned sẽn paamda, a sẽn tẽed Kirisã yĩnga, tɩrlem sẽn yit Wẽnnaam nengẽ, la sẽn paamd ne tẽebo.