Zeremi 23:5 - WẼNNAAM SEBRE 2014

⁵ Sẽn-Ka-Saab yetame: «Ade, wakat n wate, tɩ mam na n kɩt t'a Davɩɩd yageng a yembr sẽn yaa nin-tɩrg lebg rĩm n dɩ naam, n soog nebã ne yam, la a kaood buudã ne zemsg la ne tɩrlem tẽngã pʋgẽ.

SEBR SÕNGO

⁵ Ade, daar n wate, Soaala n gomde, mam na n kɩtame tɩ nin-sõngo, nin-tɩrga, yi a Daviid meng buudẽ. Na n yɩɩ dĩm sẽn mi naam dɩɩbo, sẽn zãad a soolma rãmb sɩd la zemsg pʋgẽ.

Zeremi 23:5 Iomraidhean Croise

2 Sãmwɛlle 23:3

Israyɛll Wẽnnaamã gomame, Israyɛll pĩig kugrã yeela maam yaa: ‹Ned sã n soog neb ne tɩrlem la Wẽnnaam rabeem zoeese,

Yɩɩn‑sõamyã 45:4

Tãb-bi-gãndaoogo, sẽbg f zabr sʋʋg f sɛɛgẽ, fo pɩndame n tar da-sãnde.

Yɩɩn‑sõamyã 80:15

Saasẽ-Pãng-Soab a Wẽnnaam, lebg-y n wa-y-yã! Zĩnd-y y sẽn beẽ wã saasẽ n gese! Bɩ y wa n sõng reezẽ tɩ-kãngã!

Yɩɩn‑sõamyã 99:4

Bɩ nebã waoog rĩmã sẽn nong tɩrlmã pãngã! Yãmb n vigl tɩrlem. Yãmb n kɩt tɩ zemsg ne tɩrlem zĩnd a Zakoob yagensã sʋka.

A Ezayi 33:5

Sẽn-Ka-Saab zẽkame n yɩɩd fãa, bala, bãmb bee hal yĩngri. Bãmb pidsa Sɩyõ ne zemsgo la tɩrlem.

A Ezayi 4:2

Badaare, Sẽn-Ka-Saab sẽn na n kɩt bũmb ning bul n yi wã na n waa ne neerem la ziiri. Tẽngã koodã na n paama waoogr la ziir Israyɛll bu-kellã yĩnga.

A Ezayi 42:6

«Maam a Sẽn-Ka-Saab n bool foom tɩrlem yĩnga, la mam gãda fo nugu, la m gũuda foom n na n kɩt tɩ f yɩ kaool buud a taabã yĩnga, la f yɩ vẽenem bu-zẽmsã yĩnga,

A Ezayi 45:24

B na n goma mam yell n yeel tɩ yaa Sẽn-Ka-Saab b yembr nengẽ bal la tɩrlem la pãng be. La neb nins sũyã sẽn dag n yik ne Sẽn-Ka-Saabã na n lebg n waa bãmb nengẽ ne yãnde.

A Ezayi 52:13

Ade, mam tʋmtʋmdã na n tɩlgame. A na n yikame, a na n dʋʋme n kẽng yĩngri.

A Ezayi 53:10

Sẽn-Ka-Saab n yãk yam n na n sãam b tʋmtʋmdã ne namsgo. Sã n yaa tɩ yãmb dɩka bãmb tɩ b yɩ sugr kũun maoongo, bãmb na n paama yagense, la b na n vɩɩmd n kaoosame, tɩ Sẽn-Ka-Saab tʋlsmã paam pidsg bãmb maasem yĩnga.

A Ezayi 53:2

Bãmb bɩɩ Sẽn-Ka-Saab taoor wa tɩ-bi-polle, bãmb yii wa yẽgend sẽn tob n yi tẽn-koɛɛng zugu. Bãmb dag n ka tar ra-sãnd wall neerem, tɩ tõnd dat n ges-b ye, la bãmbã yasrã rag n ka tar bũmb tõnd sẽn dat ye.

A Ezayi 9:5

Bala, b roga biig n kõ-do, b kõo tõnd bi-ribla. B kõo yẽnda noor t'a na n soog soolem. La b na n boonda yẽnda tɩ sagend sẽn yaa sõama wʋsgo, Wẽnnaam sẽn tar pãnga, ba sẽn paad wakat sẽn ka sɛta, la vɩ-bãan naaba.

A Ezayi 9:6

Yẽnda naamã na n yalgame, yẽnda na n waa ne vɩ-bãan sẽn ka sɛta, a Davɩɩd naam geerã ne yẽnda soolmã yĩnga. Yẽnda na n paasa a soolmã pãnga, la a na n zã-a-la ne zemsgo la tɩrlem, sẽn sɩng ne moasã la wakat sẽn kõn sɛ yĩnga. Saasẽ-Pãng-Soabã nonglem-kãsengã n na n kɩt t'a yɩ a woto.

A Ezayi 9:7

Sẽn-Ka-Saab tʋma koɛɛg a Zakoob yagensã yĩnga. Koɛɛgã siga Israyɛll soolmã zugu.

Zeremi 22:15

Fo tagsdame tɩ yaa f sẽn maneg f roogã ne sɛɛdr tɩɩs raadã yĩng n kɩt tɩ fo yaa rĩm bɩ? Fo ba wã rag n tar n dɩtame la a yũuda, la ne rẽ fãa, yẽnda rag n maanda sẽn zemse, la sẽn yaa tɩrga, tɩ bũmb baa fɩ ka paoog-a ye.

Zeremi 22:3

Ade, Sẽn-Ka-Saab yetame: «Bʋ-y bʋʋdã tɩrg n fãag b sẽn fãad a soabã namsdã nugẽ. Ra maan-y sãambã ne kɩɩbsã la pʋg-kõapã pãng ye. Ra maan-y-b wẽnga, la y ra raag bʋʋm soab zɩɩm zĩ-kãngã ye.

Zeremi 22:30

Sẽn-Ka-Saab yetame: «Gʋls-y rao-kãng wa ned sẽn ka paam biiga, la wa ned sẽn ka na n tol n paam tõogr a vɩɩmã pʋgẽ ye. Bala, yẽnda ka na n tol n paam yageng sẽn na n zaoond a Davɩɩd naam geerã n soog Zʋʋda ye.» Maam a Sẽn-Ka-Saab n yeele.

Zeremi 23:6

Yaa yẽnda wakat la Zʋʋda nebã na n paam fãagre, tɩ Israyɛll nebã zĩnd ne bãane. B na n boola rĩmã yʋʋr tɩ Sẽn-Ka-Saab sẽn yaa tõnd tɩrlem.»

Zeremi 29:11

Bala, maam a Sẽn-Ka-Saab yetame: ‹Mam mii saagr ning m sẽn saagd yãmb yĩngã. Ka saagr sẽn na n wa ne toog yãmb zug ye, yaa vɩ-bãan saagre, sẽn na n yɩlẽ tɩ y beoog vɩɩmã yɩ neere, la tɩ y paam tẽeb pidsgu.

Zeremi 30:3

Maam a Sẽn-Ka-Saab yetame: ‹Wakat n wate, tɩ mam na n maneg Israyɛll ne Zʋʋda nebã yellã tɩ lebg sõama. Mam na n tall-b lame n lebg n wa tẽng ning mam sẽn dag n kõ b yaab-rãmbã pʋgẽ, tɩ b soog-a.› Yaa maam a Sẽn-Ka-Saab n yeele.»

Zeremi 30:9

Bãmb na n tʋma maam a Sẽn-Ka-Saab sẽn yaa bãmb Wẽnnaamã, ne a Davɩɩd mam sẽn na n yãk t'a yɩ bãmb dĩmã yĩnga.

Zeremi 31:27

Maam a Sẽn-Ka-Saab yetame: «Wakat n wate, tɩ mam na n pids Israyɛll ne Zʋʋda tẽmsã ne neb la rũmsi.

Ezekiyɛl 21:27

La bagrã bãnd ning sẽn dag n be a rɩtg nugẽ wã yãka Zeruzalɛm, tɩ b na n yãk zab-teed nins b sẽn tar n tãad rot n lubdẽ wã n tɩ zab ne-a, n kɩt tɩ sãoong zĩndi, tɩ b kaas zabr kaasg a yĩnga. B na n tilga zab-teed nins b sẽn tar n tãad rot n lubdẽ wã n tees a rignoyã, b na n zama tom dʋya, la b tu bok n gũbg-a.

Ezekiyɛl 34:16

Mam na n baoo peosg ning sẽn menem-a wã, mam na n talla sẽn kẽ-a moogã n wa. Mam na n tɩbsa karg sẽn kaoog-a wã, m na tɩpsa sẽn bẽed-a wã, n kɩt t'a sãoog n paam pãnga. La mam na n kʋʋ peosg ning sẽn nob n tar pãngã. M na n kɩɩma mam piisã ne tɩrlem.

Ezekiyɛl 34:29

Mam na n kõo bãmb pʋt sẽn yaa sõama, la kom kõn leb n yõk bãmb tẽngã pʋg ye. La buud a taabã kõn leb n paoog bãmb ye.

Ezekiyɛl 45:8

Zĩ-kãng na n yɩɩ naabã zĩiga, la a soolem Israyɛll pʋgẽ. Mam nanambsã kõn leb n wẽg mam nebã ye. Bãmb na n basa tẽngã tɩ Israyɛll buudã sooge, wa sẽn zems Israyɛll buud toay-toayã.

A Dãniyɛlle 9:24

Ade, b yãka yʋʋm a yopoe naoor pis-yopoe, fo nebã ne tẽn-sõngã yĩnga, n na n kɩt tɩ tʋʋm-beedã ne kongrã sɛ, tɩ yel-wẽnã me tõe n paam pekre, sẽn na n yɩlẽ tɩ tɩrlem puk wakat fãa, tɩ vẽnegrã ne pĩnd-n-bãngr goamã paam pidsgu, la b welg zĩig sẽn welg toor n yɩɩdã toore.

A Ooze 3:5

Dẽ poore, Israyɛll nebã na n lebg n waame. Bãmb na n baoo Sẽn-Ka-Saab sẽn yaa bãmb Wẽnnaamã, la a Davɩɩd sẽn yaa bãmb dĩmã. Wakat n wate, tɩ bãmb na wa Sẽn-Ka-Saab nengẽ ne rabeem, n bao bãmba, la b bao b sõmblmã.

A Amoose 9:11

Badaare, mam na n lebsa a Davɩɩd soolmã sẽn yaa wa roog sẽn dat n lʋɩ wã n me. Mam na n yẽda a võyã, n lebs n me a raboodã, Mam na n lebs n me-a lame, t'a leb n yɩ wa a sẽn dag n yaa-a soab pĩndã.

A Miise 5:3

La yẽnda na n yikame n ges a nebã yell ne Sẽn-Ka-Saab pãnga, wa pe-kɩɩm sẽn dɩlgd a piisi. Yẽnda na n gesa b yell ne Sẽn-Ka-Saab sẽn yaa yẽnda Wẽnnaamã yʋʋr sẽn tar ziirã, la yẽnda nebã nan zĩnda be. Bala, moasã, bãmb na n yɩɩ kãseng dũniyã tɛk fãa.

Zakari 3:8

Maan-kʋʋr kãsem a Zozoe, mam kot-f lame tɩ f kelge, bɩ fo tʋmd-n-taasã sẽn zĩ fo taoorã me kelge, bala, nin-bãmbã yaa bãnde. Ade, mam na n kɩtame tɩ bõn-bullã sẽn yaa mam tʋmtʋmdã wa.

Zakari 9:9

Sɩyõ tẽn-neere, kɩdem ne sũ-noogo! Zeruzalɛm tẽn-neere, bɩ f kilsi! Ade, fo rĩmã wata fo nengẽ. Bãmb yaa tɩrlem soaba, la tõaagda, n yaa sik-m-meng soaba, n zao bõanga, bãmb zaoo bõan-bila, bõan-yãang biiga.

A Matiye Sõng 2:2

Zʋɩf-rãmbã rĩmã sẽn nan dogã bee yɛ? Bala, tõnd yãnda bãmb ãdg yaanga, la tõnd waame n na n waoog bãmba.

A Zã Sõng 1:45

A Filip yãnda a Natanayɛll n yeel-a yaa: «Dao ning a Moyiis tõogã ne Wẽnnaam no-rɛɛsdbã sẽn gom a yellã, tõnd yãnd-a lame. Yaa Nazarɛt dao a Zeezi, a Zozɛf bi-riblã.»

A Zã Sõng 1:49

Dẽ, a Natanayɛll yeelame yaa: «Karen-saamba, yãmb la Wẽnnaam Bi-riblã! Yãmb la Israyɛll Rĩmã!»

1 Korẽnt rãmba 1:30

Yaool n yaa Wẽnnaam n kɩt tɩ yãmb be a Zeezi Kiris pʋgẽ, Wẽnnaam kɩtame tɩ Kiris lebg tõnd yam, la d tɩrlem, la d welg-toore, la d fãagre,

Ebre rãmba 8:8

Wẽnnaam goamã wilgame tɩ b lenga b nebã. B yeelame yaa: Sɩd me, Zu-soabã yetame tɩ day n wate, tɩ bãmb na n maan kaool-paalg ne Israyɛll buudã la ne Zʋʋda buudã.

Vẽnegre 19:11

Dẽ poore, mam yãnda arzãn sẽn pake, la mam yãnda wed-moaag sẽn yaa pɛɛlga. Ned ning sẽn zao-a weefã yʋʋr la a Sɩd-maanda, la a Sɩd-sɩda. Bãmb bʋʋda bʋʋdã ne tɩrlem, la b zabd ne tɩrlem.