Zeremi 23:4 - WẼNNAAM SEBRE 2014

⁴ Mam na n kõo bãmb nanambs sẽn na n soog-ba, la rabeem ka na n leb n yõk bãmb ye. Ned kõn leb n yɛɛs bãmba, la bãmb ned ba a yembr kõn menem ye.» Maam a Sẽn-Ka-Saab n yeele.

SEBR SÕNGO

⁴ Mam na n baoo pe-kɩɩmb sõma n gũnug-ba. Ne pe-kɩɩmb kãense, b kõn yɛɛse, b kõn dig bũmb rabeem ye, ba a ye menga kõn le menem ye, Soaala gomde.

Zeremi 23:4 Iomraidhean Croise

A Ezayi 11:11

Badaare, Sẽn-Ka-Saab na n leb n tẽega b nug n fãag b buud ning sẽn kellã, yaa neb nins sẽn pa Asiiri ne Ezɩptã, la sẽn pa-b Patroos ne Kuusã, la Elam ne Sineyaar la Hamatã, ne tẽms nins koom sẽn gũbg tɩ b be ko-kãsengã sʋkã.

Zeremi 30:10

Sẽn-Ka-Saab leb n yetame: ‹La foom a Zakoob sẽn yaa mam tʋmtʋmdã, da zoe rabeem ye! Israyɛll nebã, da bas-y tɩ y pɛleng yɩk ye! Bala, mam na n fãaga yãmb tẽn-zãrg ning y sẽn beẽ wã, la m fãag y yagensã tẽng ning b sẽn be yembd pʋgẽ wã. Israyɛll nebã na n lebg n waame, la b na n leb n zĩnda yam-gãneg ne vɩ-bãan pʋga, la ned kõn zĩnd sẽn na n kẽes-b rabeem ye.

Zeremi 31:10

Buud toay-toayã fãa, kelg-y Sẽn-Ka-Saab goamã, la y moon-a tẽn-zãrsã sẽn be koom sʋkã nebã n yeele: «Soab ning sẽn sãeeg-a Israyɛll nebã na n lebg n tigim-b lame, la b na n gũu Israyɛll nebã wa pe-kɩɩm sẽn gũud a piisi.

Zeremi 33:26

Woto yĩnga, mam ka tõe n zãgs a Zakoob ne m tʋmtʋmd a Davɩɩd yagensã, n ka yãk a Davɩɩd yagensã sʋk neb nins sẽn na n soog a Abrahaam ne a Izak la Zakoob yagensã ye. Mam na n kɩtame tɩ b lebg n wa b tẽngẽ, bala mam zoeta b nimbãanega.

Ezekiyɛl 36:11

Mam na n kɩtame tɩ y nebã ne y rũmsã fɩɩg n lebg wʋsg n paase. Bãmb na n fɩɩgame n lebg wʋsgo. Mam na n kɩtame tɩ y pid tẽngã wa pĩnda, la mam na n maana yãmb neer n yɩɩd pĩnda. Woto, yãmb na bãng tɩ mam yaa Sẽn-Ka-Saabo.

Maan‑kʋʋre 26:9

Mam na n wẽnemd n gesa yãmb yelle, la m na n kɩtame tɩ y paam dogem, la m kɩt tɩ y lebg wʋsgo, la mam na n vigla m kaoolã ne yãmba.

A Miise 4:4

Ned kam fãa na n zĩnda a reezẽ tɩɩg ne a kankang tẽngre, tɩ ned ka be n tõe n kẽes-b rabeem ye. Yaa Saasẽ-Pãng-Soabã meng noor n yeele.»

A Miise 5:2

Yaa rẽ n kɩt tɩ Sẽn-Ka-Saab na n bas Israyɛll nebã, hal tɩ pag ning sẽn na n dog-a wã roge. Dẽ poore, yẽnda saam-biisã sẽn kellã, na n lebg n leba Israyɛll nebã nengẽ.

A Miise 7:14

Dɩk-y y dasaarã n tɛ y nebã, yãmb nebã yaa yãmb n so, Bãmb zĩ b yembr kãgrẽ, tɩ b pʋtã gũbg-ba. Tall-y-b wa pĩndã, n tɩ wãbneg Basan ne Galaad tẽmsã mo-maasẽ wã.

Sofoni 3:13

La Israyɛll nebã bu-kellã kõn leb n maan sẽn yaa kegre, la b kõn leb n yag zĩrẽ ye. Bãmb kõn leb n gom n tudg taab ye. Bãmb na n tõog n dɩɩme la b gũsi, tɩ ned ba a ye ka be sẽn na n yɛɛs-b ye.»

Sõadga 31:49

n tɩ yeel-a yaa: «Tõnd sõda tãb-biis nins tõnd sẽn so wã n mik tɩ ned ka paoog ye.

A Zã Sõng 17:12

Mam sẽn dag n be ne bãmbã wakate, mam dag n gũuda neb nins yãmb sẽn kõ maamã ne yãmb yʋʋre. Mam kogl-b lame tɩ ned baa a yembr ka menem ye, sã n ka sẽn dag n tog n sãam-a wã, tɩ yãmb gʋls-sõamyã paam pidsgã.

A Zã Sõng 18:9

Yaa sẽn na yɩl tɩ bãmb sẽn dag n yeelã pidsi: Neb nins yãmb sẽn kõ maamã, ned baa a yembr ka menem ye.

1 Pɩyɛɛr 1:5

yãmb tẽebã yĩnga, Wẽnnaam pãngã zãada yãmba, tɩ yãmb na paam fãagr ning sẽn segl n sɛ, n na n puk yaoolem wakatã.