Zeremi 23:3 - WẼNNAAM SEBRE 2014

³ «Mam mengã na n kɩtame tɩ m neb nins sẽn ketã yi tẽms nins fãa mam sẽn dig bãmb tɩ b kẽngã n lebg n wa yiri. La bãmb na n doga kamba, la b na n fɩɩgame n lebg wʋsgo.

SEBR SÕNGO

³ Ade, mam meng n na n tigim piis niynsi sẽn ket-bã, m na n tigim-b-la m sẽn sẽeg-b tẽns niynsa fãa. Maam n na n tall-ba n kẽng b wãbneg zĩigẽ. B na n noba sõma, la b na n doga wʋsgo tɩ b sõora paase.

Zeremi 23:3 Iomraidhean Croise

Yɩɩn‑sõamyã 106:47

Sẽn-Ka-Saab sẽn yaa tõnd Wẽnnaam, fãag-y-do! Yiis-y tõnd bu-zẽmsã sʋka, n lebs n tigim-du, tɩ d tõe n balem yãmb yʋ-sõngã, tɩ tõnd zu-zẽkrã yɩ yãmb waoogr yĩnga!

Zeremi 16:15

Bãmb na n wẽena ne Sẽn-Ka-Saab sẽn vɩ wã yʋʋre, soab ning sẽn yiis-a Israyɛll nebã nug-rɩtg tẽngẽ wã, la tẽms nins fãa mam sẽn kɩt tɩ b sãeeg n kẽngã pʋgẽ wã! Mam na n kɩtame tɩ b lebg n wa tẽng ning mam sẽn dag n kõ b yaab-rãmbã pʋgẽ.»

Zeremi 29:14

Maam a Sẽn-Ka-Saab yetame: Mam na n basame tɩ y yãnd-ma, la m na n leb n manega yãmb yellã. Mam na n kɩtame tɩ y yi soolem ninsi, la tẽms nins fãa mam sẽn dag n dig yãmb tɩ y kẽngã. Mam na n talla yãmb n lebg n wa zĩ-kãngã m sẽn dag n kɩt tɩ b yiis yãmb n tɩ kẽes yembdã.

Zeremi 30:10

Sẽn-Ka-Saab leb n yetame: ‹La foom a Zakoob sẽn yaa mam tʋmtʋmdã, da zoe rabeem ye! Israyɛll nebã, da bas-y tɩ y pɛleng yɩk ye! Bala, mam na n fãaga yãmb tẽn-zãrg ning y sẽn beẽ wã, la m fãag y yagensã tẽng ning b sẽn be yembd pʋgẽ wã. Israyɛll nebã na n lebg n waame, la b na n leb n zĩnda yam-gãneg ne vɩ-bãan pʋga, la ned kõn zĩnd sẽn na n kẽes-b rabeem ye.

Zeremi 30:3

Maam a Sẽn-Ka-Saab yetame: ‹Wakat n wate, tɩ mam na n maneg Israyɛll ne Zʋʋda nebã yellã tɩ lebg sõama. Mam na n tall-b lame n lebg n wa tẽng ning mam sẽn dag n kõ b yaab-rãmbã pʋgẽ, tɩ b soog-a.› Yaa maam a Sẽn-Ka-Saab n yeele.»

Zeremi 31:7

Bala, ad Sẽn-Ka-Saab sẽn yeta: Kaas-y ne sũ-noog a Zakoob yagensã yĩnga. Kɩdm-y n yɩɩg-y buud toay-toayã fãa! Zẽk-y y koees n pẽg Sẽn-Ka-Saab n yeele: Sẽn-Ka-Saabo, fãag-y y nebã! Fãag-y Israyɛll bu-kellã!

Zeremi 31:8

Mam tara bãmb n yit wĩntoog sẽn lʋɩtẽ dɩtg tẽngã n watẽ. Mam yiisa bãmb dũniyã kɩremsã fãa n wat n na n tigme. Bãmb sʋkã, zoense, koms-rãmba, pagb sẽn tʋte, ne pagb sẽn kũmd dogem na n zĩnda be. Yaa bu-kãseng n lebg n wat zĩ-kãngã.

Zeremi 32:37

«Mam na n yiis-b-la tẽms nins mam sẽn dag n dig-b ne m sũ-yikrã la m sũ-puug-kãsengã tɩ b kẽngã, n wa tigim zĩ-kãngã. Mam na n kɩtame tɩ b zĩnd ne bãane.

Zeremi 46:27

La sã n yaa ne foom a Zakoob sẽn yaa mam tʋmtʋmdã, da zoe rabeem ye! Israyɛll nebã, da boog-y y raood ye! Bala, mam na n fãaga yãmb tẽn-zãrg ning y sẽn beẽ wã, la m fãag y yagensã tẽng ning b sẽn be yembd pʋgẽ wã. A Zakoob yagensã na n lebg n waame, la b na n leb n zĩnda yam-gãneg ne vɩ-bãan pʋga, la ned kõn tol n kẽes bãmb dabeem ye.

Zeremi 50:19

Mam na n talla Israyɛll nebã n lebg n wa b tẽngẽ wã. Bãmb na n dɩɩ Karmell ne Basã koodã, la b na n dɩɩ Efrayiim soolem ning sẽn be tãms sʋkã ne Galaadã bɩle n tɩge.

Zeremi 8:3

La bu-wẽn-kãng neb nins fãa sẽn ket n be dũniyã zugã, zĩis nins fãa mam sẽn na n dig-b tɩ b tɩ kẽngã, b na n yeelame tɩ b sẽn kiid n são. Saasẽ-Pãng-Soabã n yeele.»

Ezekiyɛl 11:17

Yaa rẽ tɩ Zu-soab a Sẽn-Ka-Saab yetẽ yaa: «Ade, mam na n tigsa yãmb buud a taabã fãa sʋka, mam na n yiisa yãmb tẽms nins yãmb sẽn sãeeg n tɩ beẽ wã, la m leb n kõ yãmb Israyɛll tẽngã.

Ezekiyɛl 36:11

Mam na n kɩtame tɩ y nebã ne y rũmsã fɩɩg n lebg wʋsg n paase. Bãmb na n fɩɩgame n lebg wʋsgo. Mam na n kɩtame tɩ y pid tẽngã wa pĩnda, la mam na n maana yãmb neer n yɩɩd pĩnda. Woto, yãmb na bãng tɩ mam yaa Sẽn-Ka-Saabo.

Ezekiyɛl 36:24

Mam na n yiisa yãmb bu-zẽmsã sʋka, mam na n tigim-y-la tẽmsã fãa pʋs n tall-y n lebg n wa y tẽngẽ wã.

Ezekiyɛl 36:37

Ade, maam a Zu-soab a Sẽn-Ka-Saab yetame: «Mam na n leb n basa Israyɛll buudã tɩ b kos maam sõngre, la m na n leoka b kosgã, n kɩt tɩ b fɩɩg n lebg wʋsg wa piisi.

Maan‑kʋʋre 26:9

Mam na n wẽnemd n gesa yãmb yelle, la m na n kɩtame tɩ y paam dogem, la m kɩt tɩ y lebg wʋsgo, la mam na n vigla m kaoolã ne yãmba.

A Miise 2:12

N-yẽe, mam na n tigma yãmb fãa sẽn yaa a Zakoob yagensã, la m tigim Israyɛll bu-kellã. Mam na n tigma bãmb wa piis sẽn be yãgr pʋgẽ, la wa rũms sẽn be b wãbneg zĩigẽ. B na n leb n wʋma neb rãamd tẽngã pʋga.

A Miise 7:12

La badaare, neb na n yii sẽn sɩng ne Asiiri, la Ezɩpt tẽmsã, la sẽn sɩng ne Nill kʋɩlgã n tãag Efrat kʋɩlgã, la sẽn sɩng ne ko-kãsengã noor n tãag a to, sẽn sɩng ne tãng a yembr n tãag a to n wa fo nengẽ.