Zeremi 23:2 - WẼNNAAM SEBRE 2014

² Woto yĩnga, ad Sẽn-Ka-Saab sẽn yaa Israyɛll Wẽnnaamã sẽn yet nanambs nins sẽn zãad bãmb nebã: «Yaa yãmb n kɩt tɩ mam nebã sãeeg n looge. Yãmb dig-b lame n ka ges b yell ye. La moasã, mam na n gesa yãmb yell y tʋʋm-wẽnsã yĩnga.» Maam a Sẽn-Ka-Saab n yeele.

SEBR SÕNGO

² Dẽ n so tɩ Soaala, a Israyɛl Wẽnnaam, gomd woto ne pe-kɩɩmbã: Yãmb basa m piisa tɩ b menemdẽ la b sẽegdẽ, y pa ges b yell ye. Mam yẽ na ges y yelle n sɩbg y manes yoodã.

Zeremi 23:2 Iomraidhean Croise

Yikri 32:34

Moasã, kẽng n tɩ tall nebã tɩ b ta zĩig ning mam sẽn wilg foomã. La ade, mam malɛɛkã na n lʋɩɩ fo taoore. Baoosgo, mam sũ-kãbrã daare, mam na n sɩbga bãmb b kongrã yĩnga.»

Zeremi 10:21

Bala, tõnd nebã nanambs yaa zɩtba. Bãmb ka sok n bãng Sẽn-Ka-Saab yam ye. Yaa woto n kɩt tɩ bãmb ka tar bãngre, la woto me n kɩt tɩ b nebã fãa sãeege.

Zeremi 11:22

Rẽ kɩtame tɩ Saasẽ-Pãng-Soabã yetẽ: «Ade, mam na n sɩbga nin-kãense. Bãmb ra-sãmbã na n paa tãpẽ, la kom na n kʋʋ b kom-dibli wã ne b kom-pugli wã.

Zeremi 13:17

Yãmb sã n ka kelge, mam na n yãba m yembr y tɩtaamã yĩnga. Mam nintãm na n daagame. Mam na n yãba nintãm, b sẽn na n tall Sẽn-Ka-Saab nebã n kẽng yembdã yĩnga.

Zeremi 13:20

Zeruzalɛm nebã, zẽk-y y neng n gese. Ges-y neb nins sẽn yi tẽng ning sẽn be wĩndg sẽn lʋɩtẽ nug-rɩtg n watẽ wã. Neb nins mam sẽn kõ yãmb tɩ y gʋʋl wa piis tɩ rag n yaa y waoogrã bee yɛ?

Zeremi 13:21

Fo sẽn kɩt tɩ neb nins minim foom n lebg fo sõsd-n-taasã sã n wa yik n dat n soog foom, fo na n yeelame tɩ bõe? Yaa toog bal n na n wʋm foom wa pag sẽn kũmd dogem.

Zeremi 17:10

Maam a Sẽn-Ka-Saab n feesd ninsaal sũuri, n mi a sẽn tagsd bũmb ninga, n keood ned kam fãa wa sẽn zems a yel-manesmã, la a tʋʋmã biisi.

Zeremi 21:12

A Davɩɩd yagense, Sẽn-Ka-Saab yetame: Bʋ-y bʋʋdã tɩrg yibeoog fãa. Fãag-y b sẽn fãad a soabã namsdã nugẽ, tɩ y tʋʋm-wẽnsã ra wa kɩt tɩ m sũurã yik wa bugum, tɩ ned ka be sẽn na n kiis-a ye.

Zeremi 23:34

La no-rɛɛs wall maan-kʋʋd bɩ ned a to sã n yeel tɩ Sẽn-Ka-Saab sɩbgr koɛɛgã la woto, mam na n sɩbga yẽnda ne a zakã rãmb fãa.»

Zeremi 44:22

Sẽn-Ka-Saab yam dag n yii ne yãmb tʋʋm-wẽnsã ne yel-beed nins yãmb sẽn maanã. La yãmb tẽngã lebga raboogo, la zĩ-vɩʋʋgo, ne kãab-beedo, tɩ ned ba a yembr ka leb n be beenẽ ye. Yaa rẽ n kɩt t'a ya a woto hal tɩ ta rũndã.

Zeremi 5:29

Mam kõn sɩbg nin-bãmbã buud sɩda? Mam kõn dok m sũur ne bu-kãngã sɩda? Maam a Sẽn-Ka-Saab n yeele.

Zeremi 5:9

Maam a Sẽn-Ka-Saab yetame: «Mam ka tog n sɩbg neb a woto buud sɩda? Mam ka tog n dok m sũur ne buud a woto sɩda?

Zeremi 8:12

Bãmb sẽn maan yel-beedã yãnd tar-b lame bɩ? Baa bilfu! Bãmb ka mi yãn-zoeer ye. Woto yĩnga, bãmb na n naaga neb nins sẽn lʋɩtã n lʋɩ. Mam sã n wa sɩbg-ba, b na n lʋɩɩme. Maam a Sẽn-Ka-Saab n yeele.

Ezekiyɛl 34:5

Woto, pe-kɩɩm sẽn ka be wã yĩnga, piisã sãeegame n lebg we-rũms fãa rɩɩbo.

A Ooze 2:13

Mam na n kɩtame tɩ yẽnda kɩdengã ne a tigã la a ki-paalã ne a vʋʋsg rayã la a tig a taabã fãa sɛ.

A Miise 7:4

Bãmb sʋkã neb nins sẽn são-b b taabã yaa wa gõose. La bãmb sʋkã nin-tɩrsã wẽnda gõ-payãndse. Gũudbã sẽn dag n gomd daar ning yellã taame, yaa daar ning fo sẽn na n yals n togs f yɛlã fãa wã. Moasã, bãmb na n paama yãnde.

Zakari 10:3

«Mam sũurã puuga ne pe-kɩɩmbã, mam na n sɩbga boeesã. Saasẽ-Pãng-Soabã gesa Zʋʋda buudã sẽn yaa bãmb piisã yelle. Bãmb kɩtame tɩ b lebg b weef sẽn tar ziir zabr zĩigẽ.

Zakari 11:16

Bala, mam na n yãka pe-kɩɩm tẽngã pʋga. La yẽnda ka na n tɩ gẽes rũms nins sẽn menemdã ye. Yẽnda ka na n bao peosg ning sẽn meneme, a ka na n tɩp peosg ning sẽn pogle, a ka na n ges peosg ning sẽn tar laafɩ wã yell ye. Yẽnda na n wãbda pe-nobdsã, la a fʋgsd b nao-bendã.»

A Matiye Sõng 25:36

Mam dag n yaa beelle, la yãmb kõo maam fuug tɩ m yeelge. Mam dag n yaa bãada, la yãmb waa n gesa maam. Mam dag n bee bi-bees roogẽ, la yãmb waa n gesa maam.»

A Matiye Sõng 25:43

Mam dag n yaa sãana, la yãmb ka sik maam y yir ye. Mam dag n yaa beelle, la yãmb ka kõ maam fuug tɩ m yeelg ye. Mam dag n yaa bãada, la mam zĩnda bi-bees roogẽ tɩ yãmb ka wa n ges maam ye.»

Zake 1:27

Ba a Wẽnnaam taoore, wẽn-tũudum sẽn yaa yɩlemde, n ka tar wada, yaa tɩ kẽng n ges kɩɩbse la pʋg‑kõap b yel-pakr pʋse, la tɩ gũus f meng ne dũni rẽgdo.