Zeremi 23:12 - WẼNNAAM SEBRE 2014

¹² Yaa rẽ n kɩt tɩ b sorã na n yɩ sals ne lika. B na n tusa bãmb tɩ b lʋɩ, bala, yʋʋmd ning b sẽn na n sɩbg bãmbã, mam na n kɩtame tɩ toog paam-ba. Maam a Sẽn-Ka-Saab n yeele.

SEBR SÕNGO

¹² Dẽ n so tɩ b soya na n pid ne salse. B na n kẽnd n fãooda taab likẽ la b pãsd n lʋɩtẽ, m sã n wa tool yel-beedã, m sã n wa yik ne bãmba. Soaala n gome.

Zeremi 23:12 Iomraidhean Croise

A. Zoobe 18:18

B yiis-a-la vẽenem pʋgẽ n kẽes likẽ, n dig-a n yiis tẽng zugu.

Yɩɩn‑sõamyã 35:6

Sẽn-Ka-Saab malɛɛkã sã n wa rigd-ba, bɩ b sorã lebg lik bida, la salse.

Yɩɩn‑sõamyã 73:18

N-yẽe! Yãmb ningda bãmb soay sẽn yaa sals zutu, yãmb tusd-b lame n lubd sãoong pʋga.

Yɩɩn‑sõamyã 82:5

Bãmb ka tar bãngre, b ka tar yam ye. Bãmb kẽnda lik bida pʋgẽ. La tẽn-gãongã yẽbgr fãa rigimdame.

Yikri 32:34

Moasã, kẽng n tɩ tall nebã tɩ b ta zĩig ning mam sẽn wilg foomã. La ade, mam malɛɛkã na n lʋɩɩ fo taoore. Baoosgo, mam sũ-kãbrã daare, mam na n sɩbga bãmb b kongrã yĩnga.»

Yelbũna 4:19

La nin-wẽnsã sor yaa wa yʋngo, bãmb ka mi bũmb ning sẽn na n lub bãmbã ye.

A Ezayi 8:22

la bãmb na n sulg n gesa tẽnga, n mik tɩ yaa sũ-sãanga, lik bida la yel-pak-kãsems bala. B na n tusa bãmb n kẽes lik bida pʋga.

Zeremi 11:23

Yʋʋmd ning mam sẽn na n sɩbg Anatot nebã, mam na n kɩtame tɩ toog paam-ba, la ned ba a yembr ka na n kell ye.»

Zeremi 13:16

Waoog-y Sẽn-Ka-Saab sẽn yaa yãmb Wẽnnaamã, tɩ b ra wa kɩt tɩ lik bida wa, tɩ y naoor wa lak tãmsã zĩ-sobdã pʋg ye. Yãmb na n gũu vẽenem, la b na n kɩtame tɩ vẽenem lebg lika. B na n kɩtame t'a lebg lik bida.

Zeremi 48:44

Sẽn zoet-a n dat n põs pelen-yɩkã na n lʋɩɩ bog-zulungã pʋga, la bẽdg na n yõka sẽn tõog-a n yi bog-zulungã pʋgẽ wã. Bala, mam na n kɩtame tɩ bõn-kãensã fãa paam Moaab nebã, yʋʋmd ning mam sẽn na n sɩbg bãmbã pʋgẽ. Maam a Sẽn-Ka-Saab n yeele.

Zeremi 50:27

Kʋ-y bãmb gãndaadã wa lols b sẽn tar n dabd kʋʋb zĩigẽ. Toog bee bãmb zugu! Bãmb daarã taame, bãmb sɩbgrã daar taame.

Zeremi 8:12

Bãmb sẽn maan yel-beedã yãnd tar-b lame bɩ? Baa bilfu! Bãmb ka mi yãn-zoeer ye. Woto yĩnga, bãmb na n naaga neb nins sẽn lʋɩtã n lʋɩ. Mam sã n wa sɩbg-ba, b na n lʋɩɩme. Maam a Sẽn-Ka-Saab n yeele.

Kʋʋr yɩɩla 2:20

Sẽn-Ka-Saabo, tags-y n ges-y-yã. Yaa ãnda la yãmb sẽn maand woto wã? A zemsame tɩ pagbã wãb kamb nins b sẽn dogã bɩ, kom-bãooneg nins bãmb sẽn sɩd nongã? A zemsame tɩ b kʋ maan-kʋʋdbã ne Wẽnnaam no-rɛɛsdbã Zu-soabã sɛk-zĩigã pʋgẽ bɩ?

A Miise 7:4

Bãmb sʋkã neb nins sẽn são-b b taabã yaa wa gõose. La bãmb sʋkã nin-tɩrsã wẽnda gõ-payãndse. Gũudbã sẽn dag n gomd daar ning yellã taame, yaa daar ning fo sẽn na n yals n togs f yɛlã fãa wã. Moasã, bãmb na n paama yãnde.

A Zã Sõng 12:35

A Zeezi yeel-b lame yaa: Vẽenemã ket n bee yãmb sʋk wakat bilf yĩnga. Yãmb sẽn tar vẽenemã wakate, bɩ y kẽne, tɩ lik bida da wa n ling yãmb ye. Sẽn kẽnd-a lik bida pʋgẽ ka mi a sẽn dabdẽ ye.

Yaoolem 32:35

Bãmb sã n saad n yuusdẽ, sũ-dokr bee ne maam, tɩ m na n dol ned kam fãa! Bala, bãmb sãoong daar kolgame. Bũmb ning sẽn segl bãmb yĩngã wata tao-tao.

1 Zã 2:11

La ned ning sẽn kis a ba-biig bee lik bida pʋgẽ. Yẽ kẽnda likã pʋgẽ, n ka mi a sẽn dabdẽ ye, bala likã kɩtame t'a ninã ka ne ye.

A Zʋʋde 1:13

B yaa wa ko-kãseng ko-pɛm sẽn yikd ne pãnga, n yiisd b yãnd puudu, b yaa wa ãd-saadse, tɩ Wẽnnaam bĩng-b lik bida pʋgẽ, wakat sẽn kõn sa yĩnga.