Zeremi 23:11 - WẼNNAAM SEBRE 2014

¹¹ No-rɛɛsdbã ne maan-kʋʋdbã rẽgma b mense. Baa mam doogã pʋga, mam yãta b tʋʋm-wẽnsã. Maam a Sẽn-Ka-Saab n yeele.

SEBR SÕNGO

¹¹ Bãngdba wa maan-kʋʋdba, b fãa lebga bi-beese. B tol n talla b manes wẽnsã n wa Soaala-Wẽnd roogẽ. Yaa Soaala n wilg-m rẽ.

Zeremi 23:11 Iomraidhean Croise

2 Kibayã 33:5

A Manaase mee tẽn-kug yĩngr ãdsã fãa yʋʋr yĩng n ning Sẽn-Ka-Saab roogã zags a yiibã pʋse.

2 Kibayã 33:7

A Manaase ninga wẽn-naandg Wẽnnaam doogã pʋga, a mengã sẽn dag n kɩt tɩ b naane. La Wẽnnaam yaool n dag n goma ne a Davɩɩd ne a biig a Salmo n yeele: «Yaa ro-kãngã pʋga, ne Zeruzalɛm tẽnga pʋga, la mam yãk Israyɛll buudã fãa sʋka, n na n kɩt tɩ m yʋʋrã zĩnd be wakat sẽn kõn sa yĩnga.»

2 Kibayã 36:14

La maan-kʋʋdbã taoor dãmbã ne tẽngã nebã fãa me maana sẽn ka zemse, bãmb maana yel-beed nins fãa buud a taabã sẽn maandã, n dẽgem Sẽn-Ka-Saab roogã b sẽn da welg toor Zeruzalɛmã.

Esdras 10:18

Ad Maan-kʋʋdbã neb nins sẽn peeg bu-zẽmsã kamb n maan b pagbã: A Yotsadak biig a Zozoe ne a saam-biisã kamb sʋka, yaa a Maaseza, a Eliyezɛɛre, a Yariibi, ne a Gedaliya.

Zeremi 11:15

Bõe la mam nebã mam sẽn nongã leb n baood mam doogã pʋgẽ? Bãmb tẽedame tɩ b tõe n maana pʋleng ne maoong n gɩdg b sãoongã bɩ? Bãmb tagsdame tɩ b tõe n maana woto n põs la?

Zeremi 23:15

Woto yĩnga, ad Saasẽ-Pãng-Soabã sẽn yet no-rɛɛsdbã wɛɛngẽ: «Mam na n kõo bãmb rɩɩb sẽn yaa toog liga tɩ b rɩ, la m kɩt tɩ b yũ koom sẽn tar zẽnem. Bala, Zeruzalɛm no-rɛɛsdbã kɩtame tɩ tẽngã fãa pid ne rẽgdo.»

Zeremi 32:34

Bãmb ninga b yel-beedã roog ning b sẽn boond mam yʋʋrã a pʋgẽ wã pʋgẽ, n dẽgm-a.

Zeremi 5:31

No-rɛɛsdbã yagda zĩrẽ, la maan-kʋʋdbã maanda b sẽn date, tɩ mam nebã me nong rẽnda. La yãmb na n maana bõe bõn-kãens loogr zugẽ?

Zeremi 50:6

Mam nebã rag n yaa wa piis sẽn meneme. Bãmb pe-kɩɩmbã rag n kẽesd-b-la moogo, b rag n basa bãmb tɩ b gilimd tãmsã zutu. Bãmb dag n kɩtame tɩ b yeebd tãmsã ne kunkubã zutu, n wa yĩm b vʋʋsg zĩigã yelle.

Zeremi 6:13

Bala, kom-bãoonegã ne nin-kẽembã fãa baooda b mens nafr bala. No-rɛɛsdbã ne maan-kʋʋdbã fãa yagda zĩrẽ.

Zeremi 7:30

Maam a Sẽn-Ka-Saab yetame yaa: «Zʋʋda nebã beega maam. Bãmb dɩka b bõn-naands nins mam sẽn kisã n ning roog ning b sẽn boond mam yʋʋrã a pʋgẽ wã pʋga, n dẽgm-a.

Zeremi 8:10

Yaa woto yĩnga, tɩ mam na n dɩk b pagbã n kõ neb a taaba, la neb a taab na n deega bãmb pʋto. Bala, kom-bãoonegã ne nin-kẽembã fãa baooda b mens nafr bala. No-rɛɛsdbã ne maan-kʋʋdbã fãa yagda zĩrẽ.

Kʋʋr yɩɩla 2:20

Sẽn-Ka-Saabo, tags-y n ges-y-yã. Yaa ãnda la yãmb sẽn maand woto wã? A zemsame tɩ pagbã wãb kamb nins b sẽn dogã bɩ, kom-bãooneg nins bãmb sẽn sɩd nongã? A zemsame tɩ b kʋ maan-kʋʋdbã ne Wẽnnaam no-rɛɛsdbã Zu-soabã sɛk-zĩigã pʋgẽ bɩ?

Ezekiyɛl 23:39

Bãmb dɩka b kom-dibli n maan maoong n kõ b wẽn-naandsã, la badaar bala, bãmb kẽng n tɩ rẽgma mam zĩig ning sẽn welg toorã. Yaa a woto la bãmb maan mam doogã pʋga.

Ezekiyɛl 44:10

Sẽn kẽed ne Leevi neb nins sẽn zãag b mens ne maamã wɛɛngẽ, wakat ning Israyɛll nebã sẽn kẽ moogo, n wẽnemd n bas maam n pʋgd b wẽn-naandsã, bãmb kongrã na n lʋɩ b mens zutu.

Ezekiyɛl 7:20

Bãmb wuka b mens ne b fan-teedã, bãmb ninga b yel-beedã ne b yel-yoodã naand b fan-teedã zutu. Yaa rẽ tɩ m na n kɩt tɩ b lebg bõn-dẽgd b yĩnga.

Ezekiyɛl 8:11

La Israyɛll buudã kãsem-dãmb pis-yopoe n dag n yɛs beenẽ, la a Safan biig a Yazaniya dag n yasa bãmb taoore, la b fãa rag n zãada wisd tʋgdo, tɩ wisdã bug-zõos nukdẽ.

Ezekiyɛl 8:16

Bãmb leb n talla maam n kẽng Sẽn-Ka-Saab roogã zak pʋgẽ, la Sẽn-Ka-Saab roogã rignoore, zãongã ne tẽn-kugrã sʋka, raop sõor sẽn kolg pisi la a nu n dag n wẽnemd b poor n tees Sẽn-Ka-Saab roogã, tɩ b nensã get yaanga. Bãmb dag n wõgemdedame n teesd yaang n waoogd wĩntoogã.

Sofoni 3:3

Bãmb nanambsã sẽn be b sʋkã wẽnda wa gɩgmã sẽn kelemde, la b bʋ-kaoodbã yaa wa zaabr rigd-n-yĩidsi, bãmb ka yõkd n wãb n kell beoog yĩng ye.

Sofoni 3:4

Bãmb no-rɛɛsdbã yaa bi-beese, la zãmb dãmba, bãmb maan-kʋʋdbã rẽgemda bũmb nins sẽn welg toor Wẽnnaam yĩngã, la b kɩɩsd tõogã.