Zeremi 23:10 - WẼNNAAM SEBRE 2014

¹⁰ Bala, tẽngã pida ne yoaadba. Kãab-wẽngã kɩtame tɩ tẽngã be sũ-sãan-kãseng pʋga. Rũmsã wãbneg zĩis sẽn be we-raoogã pʋgẽ wã kʋɩɩme. Bãmb zoet n dabda wẽng maanego. Bãmb sũur keemame tɩ maan sẽn kis bala.

SEBR SÕNGO

¹⁰ Tẽnga pida ne yoaadba. B fãa zoet n pʋgda wẽnga. B pa yɛɛd ne tʋʋm wẽns ye. Yaa rẽ la tẽnga yãbd a neba kʋʋre, yaa rẽ la yamd kʋɩ rũmsa wãbneg zĩisẽ.

Zeremi 23:10 Iomraidhean Croise

Esdras 10:18

Ad Maan-kʋʋdbã neb nins sẽn peeg bu-zẽmsã kamb n maan b pagbã: A Yotsadak biig a Zozoe ne a saam-biisã kamb sʋka, yaa a Maaseza, a Eliyezɛɛre, a Yariibi, ne a Gedaliya.

Yɩɩn‑sõamyã 107:34

Bãmb n leb n tõe tɩ zĩig ning sẽn sakd bɩle lebg ware, b tẽngã nebã wẽnemã yĩnga.

A Ezayi 24:6

Rẽ n kɩte, tɩ kãab-wẽngã sãamd tẽngã, la tẽngã nebã tog n paama sɩbgre. Bõn-kãng n kɩt tɩ bugum dɩ tẽngã nebã, la sẽn kell-bã sõor ka leb n yaa wʋsg ye.

A Ezayi 5:18

Toog bee neb nins sẽn tɛt yel-wẽnã ne zãmb wĩyã, la sẽn tɛt yel-wẽnã wa b sẽn takd terok ne wĩirã zugu.

Zeremi 12:11

B kɩtame tɩ tẽngã lebg zĩ-vɩʋʋgo. Tẽngã bee sũ-sãang pʋga. A sãamame n be mam taoore. Tẽngã fãa sãamame, la ned kae n yãbd-a ye.

Zeremi 14:2

Zʋʋda nebã bee sũ-sãang pʋga. Bãmb tẽmsã sãamdame. Bãmb nebã gãee tẽng ne sũ-sãanga. Zeruzalɛm kelemsã zẽkd n kuiisa saasẽ.

Zeremi 6:13

Bala, kom-bãoonegã ne nin-kẽembã fãa baooda b mens nafr bala. No-rɛɛsdbã ne maan-kʋʋdbã fãa yagda zĩrẽ.

Zeremi 7:9

Rẽ yĩnga, yãmb tõeeme n zuud la y kʋʋda, la y yooda, la y wẽend zĩrẽ wẽenego, la y yõogd wisd n kõt wẽn-naandg a Baalle, la y waoogd bu-zẽms wẽnnaam-dãmb yãmb sẽn ka mi,

Zeremi 9:10

Mam na n kɩtame tɩ Zeruzalɛm lebg kug-rʋre, la we-baas yiri. Mam na n kɩtame tɩ Zʋʋda tẽmsã lebg zĩ-vɩɩdo, tɩ ned ka leb n zĩnd beenẽ yɛs ye.

Zeremi 9:12

La Sẽn-Ka-Saab yeela maam yaa: «Yaa bãmb sẽn bas m tõog ning mam sẽn kõ bãmba, n ka kelg m noorã yĩnga.

Zeremi 9:2

Bãmb rõnega b zɛlmã wa tãpo, n yagd zĩrẽ. Bãmb sẽn tar pãng tẽngã pʋgẽ wã ka sɩd la b maand ye. Bãmb tʋʋmd yaa wẽng woo wẽng maanego, la bãmb ka mi maam ye. Maam a Sẽn-Ka-Saab n yeele.

A Ooze 7:4

Bãmb fãa yaa yoaadba. Bãmb wẽnda wa wʋng bur-wẽed sẽn wɩnge, t'a sã n nag zomã n sɛ, a basdame n ka leb n tusd bugmã, hal tɩ zom-nagdgã wuki.

A Zowɛlle 1:10

Pʋtã fãa sãamame, tẽn-gãongã bee sũ-sãang pʋga. Bala, b sãama koodã, reezẽ rãam ka leb n beẽ ye, kaam ka leb n beẽ ye.

Maan‑kʋʋre 5:1

Ned tʋbr sã n wʋm yelle, wall a nif sã n yãnd tɩ ned n maan yelle, la yẽnda sã n wʋm tɩ b kotame tɩ b wa kɩs yellã kaseto, t'a ka kẽng n tɩ kɩs kasetã, yẽnda maana yel-wẽnde.

Sofoni 3:4

Bãmb no-rɛɛsdbã yaa bi-beese, la zãmb dãmba, bãmb maan-kʋʋdbã rẽgemda bũmb nins sẽn welg toor Wẽnnaam yĩngã, la b kɩɩsd tõogã.

Malasi 3:5

Saasẽ-Pãng-Soabã yetame: «Ade, mam na n wa y nengẽ, n wa kao y bʋʋdo. M na n yika tao-tao n mong nin-bãmbã bʋʋm: yaa bagbã, ne yoaadbã, la neb nins sẽn ka pidsd b pʋlengã, la sẽn zãmbd-b b tʋmtʋmdba, ne pʋg-kõap la kɩɩbse, la b maand sãamb pãnga, n ka zoet maamã.

1 Tɩmote 1:10

la yĩng ratem yembse, la raop bɩ pagb sẽn gãe taaba, la yemb-koaasdba, la zĩrẽ yagdba, la zĩrẽ kaset rãmba, la bũmb nins a taab sẽn kɩɩsd koe-sõngã maandbã yĩnga.

Ebre rãmba 13:4

Bɩ nebã fãa waoog kãadem, la bɩ ned ne a pag pĩir da zĩnd dẽgd ye. Bala, Wẽnnaam na n sɩbga raglem-dãmba la nin-yoaadbã.

Zake 4:4

Yãmb sẽn yaa nin-yoaadbã, yãmb ka mi tɩ dũni nonglem yaa beem ne Wẽnnaam la? Dẽ, ned sã n dat n yɩ dũni zoa, a yɩta Wẽnnaam bɛyã.