Zeremi 23:1 - WẼNNAAM SEBRE 2014

¹ Maam a Sẽn-Ka-Saab yetame: «Toog bee nanambs nins sẽn kɩt tɩ mam nebã sãamdẽ la b sãeegdẽ wã zugu!»

SEBR SÕNGO

¹ Yell na n paka pe-kɩɩmb niynsi sẽn get m buuda yellã, yaa Soaala-Wẽnd n gomde. Ad-y b yaa pe-kɩɩmb wẽnse. B basdame tɩ piisa kiid kom la b menemdẽ.

Zeremi 23:1 Iomraidhean Croise

Zeremi 10:21

Bala, tõnd nebã nanambs yaa zɩtba. Bãmb ka sok n bãng Sẽn-Ka-Saab yam ye. Yaa woto n kɩt tɩ bãmb ka tar bãngre, la woto me n kɩt tɩ b nebã fãa sãeege.

Zeremi 12:10

Rũm-kɩɩmb wʋsg tabda mam reezẽ pʋʋgã n sãamdẽ. Bãmb kɩtame tɩ pʋʋg ning mam sẽn nongã lebg we-raoogo, b kɩtame t'a lebg zĩ-vɩʋʋgo.

Zeremi 13:17

Yãmb sã n ka kelge, mam na n yãba m yembr y tɩtaamã yĩnga. Mam nintãm na n daagame. Mam na n yãba nintãm, b sẽn na n tall Sẽn-Ka-Saab nebã n kẽng yembdã yĩnga.

Zeremi 2:26

Israyɛll nebã na n paama yãnde. Bãmb ne b rĩm-dãmbã la b nanambsã ne b maan-kʋʋdbã la b no-rɛɛsdbã na n paama yãnde, wa wagdr b sẽn lingi.

Zeremi 2:8

Maan-kʋʋdbã ka sok tɩ Sẽn-Ka-Saab bee yɛɛnẽ ye. Tõogã karen-saam-dãmb ka mi maam ye. Taoor dãmbã zãgsa maam. No-rɛɛsdbã togsa pĩnd-n-bãngr goam ne Baall yʋʋre, n waoog bũmb sẽn ka tar yõodo.

Zeremi 22:22

Sebg na n dɩka y nanambsã, la b na n wʋka neb nins sẽn nong yãmbã n tɩ maan yembse. La yãmb na n paama yãnd ne paoogr y wẽngã fãa yĩnga.

Zeremi 23:2

Woto yĩnga, ad Sẽn-Ka-Saab sẽn yaa Israyɛll Wẽnnaamã sẽn yet nanambs nins sẽn zãad bãmb nebã: «Yaa yãmb n kɩt tɩ mam nebã sãeeg n looge. Yãmb dig-b lame n ka ges b yell ye. La moasã, mam na n gesa yãmb yell y tʋʋm-wẽnsã yĩnga.» Maam a Sẽn-Ka-Saab n yeele.

Zeremi 50:6

Mam nebã rag n yaa wa piis sẽn meneme. Bãmb pe-kɩɩmbã rag n kẽesd-b-la moogo, b rag n basa bãmb tɩ b gilimd tãmsã zutu. Bãmb dag n kɩtame tɩ b yeebd tãmsã ne kunkubã zutu, n wa yĩm b vʋʋsg zĩigã yelle.

Ezekiyɛl 13:3

Ade, Zu-soab a Sẽn-Ka-Saab yetame: ‹No-rɛɛsdb nins sẽn yaa yalemb n togsd b mens tagsgo, n yaool n ka yã baa fɩ wã na n paama toogo!›

Ezekiyɛl 34:1

Sẽn-Ka-Saab goma ne maam n yeele:

Ezekiyɛl 34:21

Bala, yãmb a pe-nobdsã tusa pe-wagã ne y lʋga, la y bãgdo, la y tã bãmb ne y yɩɩlã halɩ tɩ b fãa yi bãgrẽ wã n sãeege.

Ezekiyɛl 34:31

N-yẽe, yãmb a piisã m sẽn kɩɩmdã, bãng-y tɩ y yaa ninsaalba, la mam yaa yãmb Wẽnnaam! Yaa Zu-soab a Sẽn-Ka-Saab n yeele.»

Ezekiyɛl 36:38

La tẽms nins sẽn yaa raboodã na n pida ne nebã, wa rũms sẽn welg toore, wa Zeruzalɛm sẽn dag n pit ne maand rũmsã to-to tigã wakatã. Woto, b na n bãngame tɩ mam yaa Sẽn-Ka-Saabo.»

Zakari 10:3

«Mam sũurã puuga ne pe-kɩɩmbã, mam na n sɩbga boeesã. Saasẽ-Pãng-Soabã gesa Zʋʋda buudã sẽn yaa bãmb piisã yelle. Bãmb kɩtame tɩ b lebg b weef sẽn tar ziir zabr zĩigẽ.

A Matiye Sõng 15:14

Bas-y-ba. Bãmb yaa zoens sẽn tat zoense. Zoang sã n tat zoanga, bãmb b yiibã fãa na n lʋɩɩ bokẽ.»

A Matiye Sõng 9:36

A Zeezi sẽn yã neb kʋʋngã, b nimbãaneg yõka bãmba. Bala, nin-kãens da yɛɛme tɩ b nensã yeege, n yaa wa piis sẽn ka tar pe-kɩɩm ye.

A Zã Sõng 10:10

Wagdr sã n wa n watẽ, yaa tɩ zu, n kʋ, la a sãame. La mam waame tɩ piisã na paam vɩɩm, la tɩ b na paam-a sõama.

A Zã Sõng 10:12

La ned ning b sẽn dɩk t'a gũud piisã, n ka pe-kɩɩmã la a ka so piisã, a sã n yãnd we-baag sẽn wata, a basda piisã n zoe. We-baagã kẽeda piisã n yõg-ba, la a sãeeg-ba.

A Zã Sõng 10:8

Neb nins fãa sẽn deng maam n wa wã yaa wagda la fãadba. La piisã ka kelg-b ye.