Zeremi 22:9 - WẼNNAAM SEBRE 2014

⁹ La b na n leok-b lame n yeele: Yaa tẽn-kãngã nebã sẽn bas Sẽn-Ka-Saab sẽn yaa bãmb Wẽnnaam kaoolã, n wõgemd n waoog buud a taab wẽnnaam-dãmba, la b sak-bã yĩng n kɩt tɩ yaa a woto.

SEBR SÕNGO

⁹ Dẽ marsã la b na n leok-ba tɩ yaa tẽnga rãmb sẽn wõgemd wẽn-naands taoore n waoog-bã. La woto b basame n ka pids b sẽn da kãab Soaala, bãmb Wẽnnaama ye.

Zeremi 22:9 Iomraidhean Croise

1 Rĩm-dãmbã 9:8

Ro-kãngã sẽn tar ziir to-to wã na n lebga raboogo, tɩ ned sã n pɩʋʋgd a sɛɛgẽ n loogdẽ bɩ a yɛɛse, n fɩɩle, n yeele: ‹Yaa bõe tɩ Sẽn-Ka-Saab maan tẽn-kãngã ne ro-kãngã a woto?›

2 Rĩm-dãmba 22:17

Bãmb sẽn wẽnemd n bas maam n yõog wisd n kõ wẽn-naandse, la b tʋm tʋʋm-wẽns buud fãa wã yĩnga, mam sũurã yika ne tẽn-kãngã n ka na n sig ye.

2 Kibayã 34:25

La yaa bãmb sẽn bas maam n yõog wisd n kõ wẽn-naandsã yĩnga, la b maan tʋʋm-wẽns buud fãa n beeg maamã yĩng n kɩt tɩ mam sũurã yik ne tẽn-kãngã, n ka na n tol n sig ye.»

Zeremi 11:10

Bãmb leb n maana yel-wẽn nins b yaab-rãmbã sẽn dag n kɩɩs mam noor n maanã. Bãmb baoo buud a taab wẽnnaam-dãmbã n waoog-ba. Israyɛll ne Zʋʋda nebã sãama kaool ning mam sẽn dag n maan ne b yaab-rãmbã.

Zeremi 11:3

Yeel bãmb tɩ Sẽn-Ka-Saab sẽn yaa Israyɛll Wẽnnaamã yetame: «Kãab-wẽng bee ned ning fãa sẽn ka sakd kaool-kãngã goamã zugu!»

Zeremi 16:11

Dẽ, bɩ f leok bãmb tɩ maam a Sẽn-Ka-Saab yetame: «Yaa yãmb yaab-rãmbã sẽn bas maam la b kɩɩs mam zãmsgã, n yaool n tũ bu-zẽms wẽnnaam-dãmb n wõgemd n waoog-bã yĩnga.

Zeremi 50:7

Sẽn seg-a bãmb yõgd-b lame n wãbdẽ, la b bɛɛbã rag n yetame: Tõnd ka beeg ye. La nin-bãmbã maana yel-wẽn n beeg Sẽn-Ka-Saab sẽn yaa tɩrlem soabã. Bãmb beega Sẽn-Ka-Saabo, soab ning bãmb yaab-rãmbã sẽn dag n teegã.

Zeremi 9:13

La bãmb loba b nens kɛɛng n maan wa sẽn zems b sũ-keglmã, n waoog Baall-dãmb wa b yaab-rãmbã sẽn dag n zãms bãmbã.

Ezekiyɛl 12:16

La mam na n basa bãmb neb kẽer bãmb sʋkã sẽn na n põs zabr sʋʋg ne kom la bãn-longdsã, tɩ bãmb tõe n togs yel-beed nins bãmb sẽn maan bu-zẽms nins bãmb sẽn na n kẽngã sʋka. Woto, bãmb na bãng tɩ mam yaa Sẽn-Ka-Saabo.»

Ezekiyɛl 14:23

Yãmb sã n yãnd b yel-manesmã ne b tʋʋmã sẽn yaa to-to wã, y na n paama belsgo. Woto la y na n bãng tɩ mam sẽn maan Zeruzalɛm bũmb nins fãa wã ka zaalem yĩng ye. Maam a Zu-soab a Sẽn-Ka-Saab n yeele.»

Ezekiyɛl 39:23

Woto, buud a taabã na n bãngame tɩ yaa b beegrã yĩnga, ne a sẽn maan sẽn kis n beeg maamã yĩnga, la b sẽn tall Israyɛll nebã n kẽng tẽn-zẽngã. Yaa rẽ n kɩt tɩ mam wẽnemd m neng n bas-b b bɛɛbã nugẽ, sẽn na n yɩlẽ tɩ b fãa pa tãpẽ.

Ezekiyɛl 5:15

Buud a taabã sẽn gũbg foomã na n yaala foom, la b tʋ foom, la fo na n yɩɩ bũmb sẽn wat ne sũ-sãanga, la saglgo, ne bãmb yĩnga, wakat ning mam sẽn na n sɩbg foom sɩbg-kãsengã, m sũ-yikrã ne m sũ-puugrã pʋgẽ wã. Yaa maam a Sẽn-Ka-Saab n gome.

Yaoolem 29:24

La b na n leokame: «Yaa nebã sẽn bas Sẽn-Ka-Saab sẽn yaa b yaab-rãmbã Wẽnnaamã kaoolã, bãmb sẽn dag n maan ne bãmb wakat ning b sẽn yiis bãmb Ezɩptã yĩnga.