Zeremi 22:3 - WẼNNAAM SEBRE 2014

³ Ade, Sẽn-Ka-Saab yetame: «Bʋ-y bʋʋdã tɩrg n fãag b sẽn fãad a soabã namsdã nugẽ. Ra maan-y sãambã ne kɩɩbsã la pʋg-kõapã pãng ye. Ra maan-y-b wẽnga, la y ra raag bʋʋm soab zɩɩm zĩ-kãngã ye.

SEBR SÕNGO

³ ad-y Soaala gomd-y-la woto: Bɩ y bʋ-kaoor yɩ tɩrga, reeg-y pãng rãmba sẽn yõgd n deesdẽ wã. Sã n yaa sãana bɩ yaa kɩɩba, bɩ pʋg-kõore, da tũ-y b sẽn ka pãngã n zãmb-b ye, n deeg b paoong ye. Da le sak-y tɩ nin-sõng zɩɩm daag ka ye.

Zeremi 22:3 Iomraidhean Croise

2 Sãmwɛlle 23:3

Israyɛll Wẽnnaamã gomame, Israyɛll pĩig kugrã yeela maam yaa: ‹Ned sã n soog neb ne tɩrlem la Wẽnnaam rabeem zoeese,

2 Rĩm-dãmba 24:4

La sẽn paase, yaa rĩm a Manaase sẽn dag n daag bʋʋm dãmbã zɩɩm n pid Zeruzalɛm tẽngã yĩnga. Sẽn-Ka-Saab ka tʋlg n na n kõ-b sugr ye.

A. Zoobe 22:9

Fo kɩtame tɩ pʋg-kõap loog zaalem. La f maan kɩɩbs pãnga.

A. Zoobe 24:9

B fãsgda kɩɩb a ma bĩisrẽ ne pãnga. Bãmb deesda naong soab bũmb n gãneg a samd yĩnga.

Yɩɩn‑sõamyã 68:5

Yɩɩl-y Wẽnnaam yĩnga, pʋd-y yɩɩl n pẽg b yʋʋrã! Tuk-y sore, n deeg sẽn zao-a sawatã n watẽ wã! Bãmb yʋʋr boondame tɩ Sẽn-Ka-Saabo! Kɩdm-y bãmb taoore!

Yɩɩn‑sõamyã 82:4

Sõng-y ka-pãng soabã ne naong soabã tɩ b põse, fãag-y-b nin-wẽns nugẽ.

Yɩɩn‑sõamyã 94:21

Bãmb tigimda taab n dat n sãam nin-tɩrg vɩɩm, la b raag neb sẽn ka tar yell zɩɩm.

Yɩɩn‑sõamyã 94:6

Bãmb kʋʋda pʋg-kõor ne sãana, bãmb yãgsda kɩɩbs yõya.

Yikri 22:21

Ra nams pʋg-kõor ne kɩɩb ye.

Yikri 22:22

Fo sã n nams bãmb tɩ b kelem n bool maam, mam na n wʋma bãmb kɛlengã.

Yelbũna 23:10

Da yẽrg kʋdem-wẽndẽ toadg kugr ye, la f ra reeg kɩɩbs pʋʋg n soog ye.

Yelbũna 6:17

Yaa tɩtaam-gesgo, ne zelemd sẽn gomd zĩrẽ goamã, la nus sẽn daagd bʋʋm soab zɩɩm,

A Ezayi 1:23

Fo nanambsã lebga kɩɩsdba, la b lebg wagda tũud-n-taase. Bãmb fãa nongame tɩ b kõt-b kũuni, la b zoet n pʋgd zãmb keoore. Bãmb ka kaood kɩɩb bʋʋd tɩrga, la pʋg-kõap yell gesg ka pak-b ye.

A Ezayi 58:6

Ad no-loeer ning buud sẽn tat mam yam: Logs-y wẽng maaneg loetsã, yiis-y yembsã b yembdã pʋga, kõ-y neb nins b sẽn namsdã lohorem, la y kao b sẽn balg b rãmbã fãa balgrã.

A Ezayi 58:7

No-loeer sẽn noom maam yaa yãk f rɩɩb n kõ kom sẽn tar a soaba, la peeg nimbãan-nebã sẽn ka tar zĩigã n kuil f yiri. Bao fut n yeelg neb nins sẽn yaa bɛɛlã, la f ra solg f meng ne f ba-biig ye.

Zeremi 19:4

Bala, bãmb basa maam n yõogd wisd n kõt buud a taab wẽnnaam-dãmb bãmb ne b yaab-rãmbã la Zʋʋda rĩm-dãmbã sẽn ka mi, n dẽgem zĩ-kãngã. Bãmb pidsa zĩ-kãngã ne bʋʋm dãmb zɩɩm.

Zeremi 21:12

A Davɩɩd yagense, Sẽn-Ka-Saab yetame: Bʋ-y bʋʋdã tɩrg yibeoog fãa. Fãag-y b sẽn fãad a soabã namsdã nugẽ, tɩ y tʋʋm-wẽnsã ra wa kɩt tɩ m sũurã yik wa bugum, tɩ ned ka be sẽn na n kiis-a ye.

Zeremi 22:17

La foom, fo gesg la f tagsg pʋgẽ, fo sẽn baood yaa f meng nafr bala, f baood n daaga sẽn ka tar-a yell zɩɩm, la f wõr neb n maan-b pãnga.

Zeremi 26:16

Dẽ, nanambsã ne nebã fãa yeela maan-kʋʋdbã ne no-rɛɛsdbã yaa: «Rao-kãngã ka tog ne kũum ye. Bala, yaa ne Sẽn-Ka-Saab sẽn yaa tõnd Wẽnnaamã yʋʋre, la a gom ne tõndo.»

Zeremi 5:28

Bãmb nobame tɩ b nens põeeda. Bãmb maanda wẽng hal tɩ loog nugu. Bãmb ka kaood bʋʋd wa sẽn zems ye. Bãmb ka kaood kɩɩbs bʋʋd tɩrg ye. Bãmb maanda a woto n tɩlgdẽ. Bãmb toog ka be ne naong rãmb bʋʋd zĩigẽ ye.

Zeremi 7:23

Ad mam sẽn kõ bãmb noor ninga: «Sak m koɛɛgã tɩ m na n yɩɩ yãmb Wẽnnaam, tɩ yãmb yɩ mam nebã. Sak-y n maan-y bũmb nins fãa mam sẽn yeel bãmb tɩ y maanã tɩ y vɩɩm yɩ noogo.»

Zeremi 9:24

Maam a Sẽn-Ka-Saab yetame: «Wakat n wate, tɩ m na n sɩbg neb nins fãa sẽn kẽ yĩng bãongã:

Kʋʋr yɩɩla 3:36

la b sã n maan ned pãng a bʋʋd kaood wakate, Zu-soabã ka ne bõn-kãng sɩda?

Ezekiyɛl 18:12

la a kɩt tɩ naong soab ne nimbãan-ned tʋm a tʋʋmd t'a ka yao-ba, la a maand wẽgbo, la a ka lebsd bũmb ning b sẽn gãneg ne yẽnda n deeg bũmbu, la a waoogd wẽn-naandse, la a tʋmd tʋʋm-beedo,

Ezekiyɛl 18:7

la a ka kɩtd tɩ ned tʋm a tʋʋmd t'a ka yao-a, la a lebsd bũmb ning b sẽn gãneg ne yẽnda n deeg bũmbu, la a ka baood n wẽg neda, la a yãkd a rɩɩb n kõt kom sẽn tar-a soaba, la a kõt sẽn ka tar-a fuug fuugu,

Ezekiyɛl 22:7

Ned toog ka leb n be ne a ba ne a ma fo pʋgẽ ye. B maanda sãambã pãng fo pʋgẽ. B kɩtdame tɩ kɩɩbs ne pʋg-kõap tʋmd fo pʋgẽ tɩ b ka yaood-b ye.

Ezekiyɛl 45:9

Ade, Zu-soab a Sẽn-Ka-Saab yetame: «Israyɛll nanambse, y sẽn maandã ya n looga nugu! Ya-y n bas-y pãn-maanegã ne sãoongã, la y maan sẽn zems la sẽn yaa tɩrga. Bas-y mam nebã fãabo. Yaa maam a Zu-soab a Sẽn-Ka-Saab n yeele.»

Maan‑kʋʋre 19:15

Da kao bʋʋd kegr ye. Ra mong naong soab bʋʋm a naongã yĩnga, la f ra kõ nin-kãseng bʋʋm a sẽn yaa nin-kãsengã yĩng ye. Bɩ y kao ba-biig bʋʋd tɩrga.

A Amoose 5:15

Kisg-y wẽng la y nong sẽn yaa neere, la y kao bʋʋd sẽn yaa tɩrg y bʋʋdã zĩisẽ, tɩ daar ninga, Sẽn-Ka-Saab sẽn yaa Saasẽ-Pãng-Soabã na zoe a Zozɛf buudã sẽn ketã nimbãanega.

A Amoose 5:24

Kɩt-y tɩ tɩrlem zoe wa ko-bundum, tɩ pʋ-peelmã yɩ wa kʋɩlg koom sẽn ka sɛt ye.

A Miise 3:11

Zeruzalɛm nanambsã reegda kũun n yaool n kao bʋʋdo. Bãmb maan-kʋʋdbã zãmsda nebã n deegd yaoodo, la b no-rɛɛsdbã togsda pĩnd-n-bãngr goamã n deegd wanzuri. Bãmb yaool n tika Sẽn-Ka-Saab n yetẽ yaa: «Sẽn-Ka-Saab sẽn be tõnd sʋkã yĩnga, yel-beed kõn tol n paam-d ye.»

A Miise 6:8

Ninsaala, b kɩtame tɩ fo bãng sẽn yaa sõamã, Sẽn-Ka-Saab sẽn dat tɩ f maan bũmb ning bala, yaa tɩ f maan sẽn yaa tɩrga, la f nong maan-neere, la f kẽn ne f Wẽnnaamã ne sik-m-menga.

Malasi 3:5

Saasẽ-Pãng-Soabã yetame: «Ade, mam na n wa y nengẽ, n wa kao y bʋʋdo. M na n yika tao-tao n mong nin-bãmbã bʋʋm: yaa bagbã, ne yoaadbã, la neb nins sẽn ka pidsd b pʋlengã, la sẽn zãmbd-b b tʋmtʋmdba, ne pʋg-kõap la kɩɩbse, la b maand sãamb pãnga, n ka zoet maamã.

A Matiye Sõng 23:23

Yãmba, tõog karen-saam-dãmba, la Fariizẽ-dãmb sẽn yaa zãmb dãmbã, yãmb na paam toogo! Bala, yãmb yãkda zẽ-vãad wa mant la anet la kume piig pʋɩɩre, la yãmb basda bũmb ning sẽn yaa kãseng n yɩɩd fãa tõogã pʋgẽ: yaa nimbãan-zoeere la sɩd maanego. Yaa bõn-kãensã la yãmb tog n maane, la y ra bas sẽn ketã me ye.

Yaoolem 10:18

Bãmb zabd n sõngda kɩɩbs ne pʋg-kõapa. Bãmb nonga sãamb n kõt-b rɩɩb ne futu.

Yaoolem 24:17

Da bʋ-y sãan bɩ kɩɩb bʋʋd kegre, la ra reeg-y pʋg-kõor fuug n gãneg n yaool n kõ-a bũmb ye.

Yaoolem 24:7

B sã n yãnd ned sẽn yõk a saam-biig sẽn yaa Israyɛll buudã ned n maan a yamba, wall a koos-a, bɩ y kʋ nin-kãng soaba. Woto, yãmb na n yiisa wẽngã yãmb sʋka.

Yaoolem 25:1

Neb a yiib sã n wa tar yell ne taab n kẽng bʋʋd zĩigẽ, bɩ bʋ-kaoodã kao bʋʋdã n kõ bʋʋm soabã bʋʋm la a mong sẽn ka tar-a bʋʋmã bʋʋm.

Yaoolem 27:19

Kãab-wẽng bee ne ned ning sẽn kaood sãan ne kɩɩb la pʋg-kõor bʋʋd kegrã. La bɩ nebã fãa yeel tɩ ãmina.

Zake 1:27

Ba a Wẽnnaam taoore, wẽn-tũudum sẽn yaa yɩlemde, n ka tar wada, yaa tɩ kẽng n ges kɩɩbse la pʋg‑kõap b yel-pakr pʋse, la tɩ gũus f meng ne dũni rẽgdo.