Biblia Todo Logo
Bìoball air-loidhne

- Sanasan -




Zeremi 21:9 - WẼNNAAM SEBRE 2014

9 Ned sã n pa tẽn-kãngã pʋgẽ, zabr sʋʋg wall kom bɩ bã-loangdg n na n kʋ a soaba. La soab ning sẽn na n yi n dɩk a meng n kõ Kalde neb nins sẽn gũbg Zeruzalɛm tẽngã, b ka na n kʋ a soab ye, a na n vɩɩmdame.

Faic an caibideil Dèan lethbhreac

SEBR SÕNGO

9 Sẽn na n paa tẽn-kãnga pʋgẽ, sʋʋg n na n kʋ-a, ka rẽ bɩ kom, bɩ bã-longdem. Ned ninga marsã sẽn na n yɩ tẽngã n tɩ rɩk a meng n bas ne Kalde rãmba sẽn gũbg tẽngã, yẽ soab na n vɩɩndame.

Faic an caibideil Dèan lethbhreac




Zeremi 21:9
12 Iomraidhean Croise  

Ba b sã n loe noore, mam ka na n kelg b sũ-sãang kelemsã ye. Ba b sã n wa ne maand sẽn yõogd bugum ne bõn-koaadl kũuni, mam ka na n deeg ye. Mam na n kʋ b fãa gill ne zabr sʋʋga, la ne kom la bã-longdse.»


Sẽn-Ka-Saab yetame: «Dẽ poore, mam na n basa Zʋʋda rĩm a Sedesiyaas ne a tʋmtʋmdbã, la neb nins sẽn põs bã-longdsã ne komã la zabr sʋʋgã, Babilond dĩm a Nebukatnedzaar ne bãmb bɛɛb nins sẽn baood bãmb n dat n kʋ wã nugẽ. Babilond dĩmã na n kʋʋ bãmb ne sʋʋs n ka bas bãmb tɩ b põse, wall b zoe b nimbãaneg ye.»


Mam na n kɩtame tɩ zabr sʋʋg ne kom la bã-longds kʋ bãmb tɩ b menem dũniyã, n ka leb n zĩnd tẽng ning mam sẽn kõ bãmb ne b yaab-rãmbã pʋgẽ ye.»


La tẽng ning sẽn na n sak-a tɩ Babilond dĩmã balg a yublã la a sak n tũ a raabo, mam na n bas-a lame t'a zĩnd a tẽngẽ ne bãane, n ko. Maam a Sẽn-Ka-Saab n yeele.› »


Yaa koe-kãng me la mam dag n togs Zʋʋda rĩm a Sedesiyaase: Sak-y tɩ Babilond dĩmã balg y yublã. Sak-y tɩ yẽnda ne a nebã soog-yã, tɩ y paam n vɩɩmde!


Bõe yĩng tɩ f na n bas tɩ zabr sʋʋg ne kom la bã-longds kʋ foom ne f nebã? Bõn-kãens n yaool n na n paam buud ning sẽn na n zãgs-a n ka sak tɩ Babilond dĩmã soog-a wã, wa Sẽn-Ka-Saab sẽn yeelã.


«Ade, Sẽn-Ka-Saab yetame tɩ zabre, kom la bã-longds n na n kʋ neb nins sẽn na n pa tẽn-kãngã pʋgẽ wã. La ned ning fãa sẽn na n yi n kẽng Kalde nebã nengẽ ka na n ki ye. A na n vɩɩmdame.»


A Zeremi leb n yeela nebã tɩ Sẽn-Ka-Saab yetame: «Mam na n basa tẽn-kãngã Babilond dĩmã tãb-biis nugẽ, la a na n deeg-a lame n sooge.»


Mam na n kɩtame tɩ f põse, la f ka na n ki ne zabr sʋʋg ye. Fo na n vɩɩmdame, fo sẽn teeg maamã yĩnga. Maam a Sẽn-Ka-Saab n yeele.»


La foom, fo baood n maana bõn-kãsemse! Da bao bõn-kãens ye! Bala, mam kɩtame tɩ toog na n paam ninsaalbã buud fãa, la m na n gũu fo vɩɩmã zĩig ning fãa fo sẽn na n kẽngẽ. Maam a Sẽn-Ka-Saab n yeele.»


Fo nebã sʋka, nin-yɛng neb a tãab sʋk na n kii ne bã-loangdga, bɩ kom. La nin-yɛng neb a tãab sʋk na n kii ne zabr sʋʋga, la mam na n sãeega neb a taabã zĩig zãnga, n kɩt tɩ b rig-b ne zabr sʋʋga.


Lean sinn:

Sanasan


Sanasan