Zeremi 21:7 - WẼNNAAM SEBRE 2014

⁷ Sẽn-Ka-Saab yetame: «Dẽ poore, mam na n basa Zʋʋda rĩm a Sedesiyaas ne a tʋmtʋmdbã, la neb nins sẽn põs bã-longdsã ne komã la zabr sʋʋgã, Babilond dĩm a Nebukatnedzaar ne bãmb bɛɛb nins sẽn baood bãmb n dat n kʋ wã nugẽ. Babilond dĩmã na n kʋʋ bãmb ne sʋʋs n ka bas bãmb tɩ b põse, wall b zoe b nimbãaneg ye.»

SEBR SÕNGO

⁷ Dẽ poore, ket n yaa Soaala koɛɛga, mam na n ninga Babilon dĩma nugẽ, Zɩɩda dĩm a Sedesiyas, n paas a kug-zĩidba la a soolma rãmb sẽn põs-b bãagã, zabra sʋʋga la koma. N-ye, m na n bas-b-la b bɛɛba nugẽ, sẽn dat-b n kʋ-ba nusẽ! A Nabikodonozor na kɩt tɩ b kʋ-ba; a kõn zoe ned ba a ye nimbãanega, a kõn bas ned ba a ye, a kõn sak belgr ye.› »

Zeremi 21:7 Iomraidhean Croise

A Ezayi 27:11

Wilã sã n kʋɩ, b kaood-b lame. La pagbã wat n ning-b-la bugum. Bala, bãmb yaa neb sẽn ka mi võor ye. Rẽ kɩtame tɩ b naandã ka zoe bãmb nimbãaneg ye. Sẽn naan-a bãmbã ka paam nimbãan-zoeer b yĩng ye.

A Ezayi 47:6

Mam sũur dag n yika ne m nebã, mam dag n paooga mam nebã, mam dag n dɩk-b lame n bas fo nugẽ, la fo ka zoe bãmb nimbãaneg ye. Fo namsa bãmb nin-kẽembã wʋsgo.

Zeremi 13:14

Mam na n kɩtame tɩ ba-rãmb ne b kamb fão taaba. Maam a Sẽn-Ka-Saab n yeele. Mam ka na n bas-b ba a yembr ye, mam ka na n zoe ned ba a yembr nimbãaneg ye. Bũmb kõn tõog n gɩdg maam tɩ m ka sãam-b ye.»

Zeremi 14:12

Ba b sã n loe noore, mam ka na n kelg b sũ-sãang kelemsã ye. Ba b sã n wa ne maand sẽn yõogd bugum ne bõn-koaadl kũuni, mam ka na n deeg ye. Mam na n kʋ b fãa gill ne zabr sʋʋga, la ne kom la bã-longdse.»

Zeremi 15:5

Sẽn-Ka-Saab yetame: «Zeruzalɛm nebã, ãndã n na n zoe yãmb nimbãaneg n yãb-yã? Ãnda n na n bʋdg n sok n bãng yãmb gãase?

Zeremi 15:9

Sẽn dog-a kom-dibli a yopoe wã pãng sɛɛme t'a vʋʋsem leebdẽ. A wĩndgã lʋɩɩ wĩnto-sʋka. Yãnd tar-a lame t'a zĩ ne paoogre. Mam na n basa sẽn kell-bã b bɛɛbã nusẽ tɩ b kʋ-b ne zabr sʋʋga. Maam a Sẽn-Ka-Saab n yeele.»

Zeremi 19:7

Mam na n kɩtame tɩ bũmb nins Zʋʋda nebã ne Zeruzalɛm nebã sẽn dat n maanã lebg zaalem zĩ-kãngã pʋgẽ. La bãmb mensã, zabr sʋʋg n na n kʋ b nebã. B bɛɛb na n tõog-b lame tɩ b pa tãp pʋgẽ. La mam na n kɩtame tɩ b lebg yĩngr bõn-yɩgdɩ ne we-rũms rɩɩbo.

Zeremi 20:4

Bala, Sẽn-Ka-Saab yetame: Mam na n kɩtame tɩ yãmb ne y zo-rãmbã fãa yɛɛse. Y bɛɛbã na n kʋʋ yãmb ne zabr sʋʋs y nifẽ. La mam na n kɩtame tɩ Babilond dĩmã wa yõg Zʋʋda nebã fãa n tall n kẽng Babilonde, la b kʋ bãmb ne zabr sʋʋga.

Zeremi 22:25

Mam na n basa foom neb nins sẽn dat n kʋ foomã nugẽ, la fo sẽn zoet-b rãmbã nugẽ, sẽn dat n togs tɩ Babilond dĩm a Nebukatnedzaar ne Kalde nebã.

Zeremi 27:6

Moasã, mam dɩka tẽn-kãensã fãa n ning Babilond dĩm a Nebukatnedzaar sẽn yaa mam tʋmtʋmdã nugẽ. Mam dɩka baa we-rũmsã n ning yẽnda nugẽ t'a soog-ba.

Zeremi 32:4

Zʋʋda rĩm a Sedesiyaas kõn põs Kalde rãmbã ye. B na n basa yẽnda Babilond dĩma nugẽ. Yẽnda na n yalsa Babilond dĩmã taoore, t'a gom ne yẽnda neng ne nenga.

Zeremi 34:3

La fo ka na n tõog n põs yẽnda ye. B na n yõka foom n kõ-a. Foom ne Babilond dĩmã na n yãnda taab neng ne nenga. Yẽnda na n goma ne foom, la fo na n kẽnga Babilonde.

Zeremi 36:29

Sẽn-Ka-Saab yeela a Zeremi t'a tɩ yeel dĩm a Yoyakim yaa: «Foom n yõog sebrã bugum, n yaool n sokd a Zeremi tɩ yaa bõe t'a gʋls n yeel tɩ Babilond dĩmã na n sãama tẽn-kãngã, n menes ninsaalbã ne rũmsã.

Zeremi 37:17

Rĩm a Sedesiyaas tʋmame tɩ b tɩ tall a Zeremi n wa, la yẽnda sẽn ta rĩmã nengẽ, rĩmã soos n soka yẽnda yaa: «Sẽn-Ka-Saab kõo foom koɛɛg tɩ f togs maam bɩ?» La a Zeremi leokame tɩ n-yẽe, la a yeele: «B na n basa yãmb Babilond dĩmã nugẽ.»

Zeremi 50:17

Israyɛll yaa wa pe-menemdg gɩgmã sẽn digi. Sẽn yɩ-a pipi n wãb yẽnda yaa Asiiri rĩmã, la sẽn yɩ-a yaoolem n kao yẽnda kõabã yaa Babilond dĩm a Nebukatnedzaare.

Kʋʋr yɩɩla 2:20

Sẽn-Ka-Saabo, tags-y n ges-y-yã. Yaa ãnda la yãmb sẽn maand woto wã? A zemsame tɩ pagbã wãb kamb nins b sẽn dogã bɩ, kom-bãooneg nins bãmb sẽn sɩd nongã? A zemsame tɩ b kʋ maan-kʋʋdbã ne Wẽnnaam no-rɛɛsdbã Zu-soabã sɛk-zĩigã pʋgẽ bɩ?

Kʋʋr yɩɩla 2:22

Yãmb boola mam pelen-yɩgrã t'a yi zĩigã fãa n wa, wa tigr daare. Daar ning Sẽn-Ka-Saab sũur sẽn puugã, ned ka põse, wall kell ye. Mam bɛyã sãama neb nins mam sẽn dag n wub n nongẽ wã.

Ezekiyɛl 23:28

Bala, Zu-soab a Sẽn-Ka-Saab yetame: «Ade, mam na n basa foom neb nins fo sẽn kisã nugẽ, neb nins fo sẽn basã.

Ezekiyɛl 7:9

Mam ka na n zoe f nimbãaneg ye, mam ka na n bas ned ba a yembr t'a põs ye. Bala, mam na n kɩtame tɩ f yel-beedã wa f zugu. Fo yel-beedã na n zĩnda f pʋgẽ. Woto, yãmb na bãng tɩ mam yaa Sẽn-Ka-Saab sẽn sɩbgda.

Ezekiyɛl 8:18

Mam na n sɩbg-b-la ne sũ-puugri. Mam ka na n zoe bãmb nimbãanega, la m ka na bas bãmb ned ba a yembr t'a põs ye. Bãmb sã n wa zẽk b koees n kelem n bool maam, mam ka na n kelg-b ye.»

Ezekiyɛl 9:10

Yaa rẽ yĩng tɩ mam ka na n zoe b nimbãaneg ye, la m ka na n bas ned ba a yembr ye. Mam na n kɩtame tɩ b yel-manesmã taal lebg n lʋɩ b zugu.»

Yaoolem 28:50

Yaa buud sẽn yaa kegemse. Bãmb ka waoogd nin-kẽema, la b ka zoet yãag nin-bãaneg ye.