Zeremi 21:6 - WẼNNAAM SEBRE 2014

⁶ Mam na n kɩtame tɩ bã-loangdg sẽn yaa kɛgeng kʋ tẽn-kãngã nebã ne a rũmsã fãa.› »

SEBR SÕNGO

⁶ M na n zaba ne tẽn-kãnga bõn-vɩɩl fãa: ninsaalba, rũmsi; bãag sẽn ka sugri n na n loog ne b fãa.

Zeremi 21:6 Iomraidhean Croise

Sɩngrẽ 6:7

Sẽn-Ka-Saab yeelame: «Mam na n menesa ninsaal mam sẽn maanã dũniyã zugu, la yaa sẽn sɩng ne ninsaal n tall n tɩ tãag rũmsã ne bõn-bãoonegã, la ne bõn-yɩgdɩ wã sẽn yɩgd yĩngrã. Bala, mam sũurã sãama ne mam sẽn naan bãmbã.»

A Ezayi 6:11

La mam sokame yaa: «Zu-soaba, na n yɩɩ a woto hal tɩ ta dabʋre?» Bãmb leoka maam yaa: Hal tɩ ta wakat ning b sẽn na n sãam tẽmsã tɩ neb ka leb n be b pʋsẽ, la b sẽn na n sãam dotã tɩ neb ka leb n be b pʋsẽ, la b sẽn na n sãam tẽn-gãongã t'a lebg zĩ-vɩʋʋgã,

Zeremi 14:12

Ba b sã n loe noore, mam ka na n kelg b sũ-sãang kelemsã ye. Ba b sã n wa ne maand sẽn yõogd bugum ne bõn-koaadl kũuni, mam ka na n deeg ye. Mam na n kʋ b fãa gill ne zabr sʋʋga, la ne kom la bã-longdse.»

Zeremi 16:4

Bãas n na n kʋ-ba, la neb ka na n yãb b yĩnga, wall b mum-b ye. Bãmb na n yɩɩ birg tẽn-gãongã yĩnga. B na n paa tãpẽ, la kom na n kʋʋ bãmb tɩ b lebg yĩngr bõn-yɩgdɩ ne we-rũms rɩɩbo.»

Zeremi 20:4

Bala, Sẽn-Ka-Saab yetame: Mam na n kɩtame tɩ yãmb ne y zo-rãmbã fãa yɛɛse. Y bɛɛbã na n kʋʋ yãmb ne zabr sʋʋs y nifẽ. La mam na n kɩtame tɩ Babilond dĩmã wa yõg Zʋʋda nebã fãa n tall n kẽng Babilonde, la b kʋ bãmb ne zabr sʋʋga.

Zeremi 32:24

B zamda tom-dʋy n na n deeg tẽngã. B na n basa tẽngã Kalde rãmbã sẽn zabd ne-a wã nugẽ. B na n tõog-a-la ne zabr sʋʋga, la ne kom la bã-longdse. Yãmb meng neeme tɩ y sẽn dag n gom bũmb ning yellã pidsg wakat taame.

Zeremi 33:12

Maam a Saasẽ-Pãng-Soabã yetame: Zĩ-kãngã yaa vɩʋʋg tɩ ned wall rũng ka leb n be a pʋgẽ ye. La a tẽmsã fãa pʋse, pe-kɩɩmb na n paama zĩig n gʋʋl b piisi.

Zeremi 34:17

Bõn-kãng yĩnga, maam a Sẽn-Ka-Saab yetame: ‹Yãmb ned kam fãa rag n tog n kõ a yamb lohorem, t'a yaa y saam-biiga, la yãmb ka kelg maam ye.› Woto yĩnga, maam a Sẽn-Ka-Saab yetame: ‹Mam na n basame tɩ zabr sʋʋg ne bã-longds la kom kʋ yãmba, la mam na n kɩtame tɩ dũniyã soolem-dãmbã fãa sã n yãnd yãmba, bɩ rabeem-kãseng yõk-ba.

Zeremi 36:29

Sẽn-Ka-Saab yeela a Zeremi t'a tɩ yeel dĩm a Yoyakim yaa: «Foom n yõog sebrã bugum, n yaool n sokd a Zeremi tɩ yaa bõe t'a gʋls n yeel tɩ Babilond dĩmã na n sãama tẽn-kãngã, n menes ninsaalbã ne rũmsã.

Zeremi 42:22

Rẽ yĩngã, bãng-y tɩ moasã, zabr ne kom la bã-longds na n kʋʋ yãmb zĩig ning y sẽn dat n kẽng n tɩ zĩnd sãandã pʋgẽ.»

Zeremi 7:20

Bõn-kãng yĩng kɩtame tɩ maam a Sẽn-Ka-Saab sẽn yaa Zu-soabã yetẽ: «Ade, mam sũ-puug-kãsengã na n siga zĩ-kãngã zugu, la a sig nebã ne rũmsã, la tɩɩsã ne pʋtã la tẽngã bɩle zugu. A na n dɩɩ wa bugum sẽn ka kiida.»

Ezekiyɛl 12:16

La mam na n basa bãmb neb kẽer bãmb sʋkã sẽn na n põs zabr sʋʋg ne kom la bãn-longdsã, tɩ bãmb tõe n togs yel-beed nins bãmb sẽn maan bu-zẽms nins bãmb sẽn na n kẽngã sʋka. Woto, bãmb na bãng tɩ mam yaa Sẽn-Ka-Saabo.»

Ezekiyɛl 14:13

«Ninsaala, tẽng sã n maan sẽn kis n beeg maam, tɩ mam tẽeg m nugã yẽnda zug n kɩt tɩ rɩɩb sɛ a pʋgẽ, mam sã n kɩt tɩ kom kẽ a pʋgẽ, mam sã n menes ninsaalbã ne rũmsã sẽn be a pʋgẽ wã,

Ezekiyɛl 14:17

Bãmb sã n kɩt tɩ zabr sʋʋg kẽ tẽngã, bɩ mam sã n yeel tɩ zabr sʋʋg gilg tẽngã, wall mam sã n menes ninsaalbã ne rũmsã,

Ezekiyɛl 14:19

Mam sã n kɩt tɩ bã-loangdg kẽ tẽngã, mam sã n yik m sũurã ne bãmb n na n daag zɩɩm n menes ninsaalbã ne rũmsã,

Ezekiyɛl 14:21

N-yẽe! Zu-soab a Sẽn-Ka-Saab yetame: «Baa ne mam sẽn kɩt tɩ m sɩbg-kãsems a naasã sẽn yaa zabr sʋʋg la kom la rũm-toos ne bã-longds paam Zeruzalɛmã, n na n menes ninsaalbã ne rũmsã,

Ezekiyɛl 33:27

Ad fo sẽn na n yeel tɩ bũmb ninga: ‹Zu-soab a Sẽn-Ka-Saab yetame: Hakɩɩka! Mam wẽenda ne m menga, tɩ neb nins sẽn be tẽngã rabood pʋsẽ wã fãa na n paa tãpẽ, la mam na n kɩtame tɩ sẽn be-b wetẽ wã lebg we-rũms rɩɩbo, la bã-loangdg na n kʋʋ sẽn be-b tãms sẽgsẽ wã, ne sẽn be-b tãms bogdẽ wã.

Ezekiyɛl 33:29

Mam sã n wa sãam tẽngã zãng n kɩt t'a lebg zĩ-vɩʋʋg zãnga, yel-beed nins fãa b sẽn maanã yĩnga, wakat-kãng la b na n bãng tɩ mam yaa Sẽn-Ka-Saabo.›

Ezekiyɛl 7:15

Yɩnga, zabr sʋʋga! Pʋgẽ, bã-longds la kom! Sẽn be-a weoogẽ na n kii ne zabr sʋʋga. La sẽn be-a tẽngã pʋga, kom la bã-loangdg n na n kʋ-a.

A Ooze 4:3

Woto n kɩte, tɩ sũ-sãang na n kẽ tẽngã. Tẽngã nebã ne we-rũmsã, la yĩngr liuuli wã, hal baa ne zĩmã sẽn be ko-kãsengã pʋgẽ wã na n sãamame.

A Miise 3:12

Woto, yãmb yel-manesmã yĩng kɩtame, tɩ Sɩyõ na n lebg wa pʋʋg b sẽn gudgi. N-yẽe! Zeruzalɛm na n lebga raboogo, tɩ tãng ning Sẽn-Ka-Saab roogã sẽn be-a zugã lebg kãgre.

Sofoni 1:3

Mam na n sãama ninsaalbã ne rũmsã fãa, la m sãam liuuli wã sẽn yɩgd yĩngrã fãa, ne zĩmã sẽn be ko-kãsengã pʋgã, mam na n sãama nin-wẽnsã ne b tʋʋm-beedã fãa, la m menes ninsaalbã fãa dũniyã zugu. Yaa maam a Sẽn-Ka-Saab n yeele!»

A Luk Sõng 21:24

Zabr sʋʋg n na n kʋ bãmba, la b na n yõga bãmb n maan yembse, n tall n kẽng buudã fãa sʋka. La bu-zẽms na n sooga Zeruzalɛm ne pãng hal tɩ b wakatã pidi.