Zeremi 21:5 - WẼNNAAM SEBRE 2014

⁵ La mam mengã n na n tẽeg m nug sẽn tar pãngã n zab ne yãmb ne sũ-yikri, la sũ-puugri ne sũ-kãbr wʋsgo.

SEBR SÕNGO

⁵ Mam menga n na n yik ne m sũura sẽn puug wʋsgã, n zab ne yãmba n wilg-y m nugu la m kang pãnga, n wilg m zab-minim.

Zeremi 21:5 Iomraidhean Croise

Yikri 6:6

Dẽ yĩnga, bɩ f yeel Israyɛll nebã tɩ mam yaa Sẽn-Ka-Saabo, la m na n yiisa Israyɛll nebã tʋʋm-wɛgl nins Ezɩpt nebã sẽn modg bãmb tɩ b maanã pʋgẽ. La mam na n fãaga bãmb n yiis-b yembd ning pʋg Ezɩpt nebã sẽn kẽes bãmbã. Yaa kang sẽn tar pãng la mam na n tẽeg n fãag yãmba. La mam na n sɩbga bãmb ne sɩbgr sẽn yaa kãseng n fãag yãmba.

Yikri 9:15

Mam sã n dag n kɩtẽ tɩ bã-wẽng yõk fo nebã, woto tɩ fo menemẽ-la dũniyã zugu.

A Ezayi 10:4

Yãmb sẽn tõe n maan bũmb ning bala, yaa tɩ y naag yembsã n kuudẽ, wall y ki n naag b sẽn kʋ-b rãmbã. La ne rẽ fãa, Sẽn-Ka-Saab sũ-yikrã ket n ka sig ye. Bãmb nugã ket n zẽkame.

A Ezayi 5:25

Woto n kɩte, tɩ Sẽn-Ka-Saab sũur yik ne b nebã. Bãmb zẽka b nug n wẽ-ba. Tãmsã rigimdame, kũumã rʋra tẽngã soay zut wa sagdo. La baoosgo, ne yõwã fãa, Wẽnnaam sũurã kell n ka sig ye. Bãmb nugã ket n zẽkame.

A Ezayi 63:10

La bãmb yɩɩ kɩɩsdb n sãam bãmb Sɩɩgã sũuri. Dẽ, Sẽn-Ka-Saab wẽnemdame n lebg b bɛ, n wẽneg n zab ne bãmb b toore.»

A Ezayi 9:12

Baoosgo, Israyɛll nebã ka na n lebg n wa Sẽn-Ka-Saab sẽn yaa soab ning sẽn pãbd bãmbã nengẽ ye. Bãmb ka na n wẽnemd n bao Saasẽ-Pãng-Soabã ye.

A Ezayi 9:17

Bala, wẽnemã rɩta wa bugum, a rɩta wa bugum sẽn dɩt gõos ne gõpayãndse, a rɩta weoogã kãgrã tɩ bug-zõ-taok zẽkdẽ.

Zeremi 32:17

«Wẽnnaam Sẽn-Ka-Saabo, yãmb n tẽeg y nug n naan yĩngr la tẽng ne y pãn-kãsengã. Bũmb ka be yãmb sẽn ka tõe ye.

Zeremi 32:37

«Mam na n yiis-b-la tẽms nins mam sẽn dag n dig-b ne m sũ-yikrã la m sũ-puug-kãsengã tɩ b kẽngã, n wa tigim zĩ-kãngã. Mam na n kɩtame tɩ b zĩnd ne bãane.

Zeremi 36:7

Daarninga, b se-yõkrã na n taa Sẽn-Ka-Saab taoore, la b na n basa b manesem-wẽnsã. Bala, Sẽn-Ka-Saab sũ-yikrã ne b sũ-puugrã yaa kãseng nin-kãensã yĩnga.»

Zeremi 37:10

Bala, baa yãmb sã n dag n tõogẽ Kalde tãb-biisã sẽn zabd ne yãmbã fãa, baa sã n dag n yaa sãmpoagb bal n kelle, bãmb ned kam fãa na n yik n yi a fu-roogẽ n ning tẽn-kãngã bugum.»

Zeremi 6:12

Mam sã n wa tẽeg m nugã n sɩbg tẽngã nebã, bãmb dotã ne b pʋtã la b pagb na n lebga neb a taab rẽnda. Maam a Sẽn-Ka-Saab n yeele.

Kʋʋr yɩɩla 2:3

Bãmb sãama Israyɛll pãngã fãa b sũ-kãbrã pʋga. Bãmb fooga b nug-rɩtgã n lob poorẽ n bas bãmb b bɛɛbã taoore. Bãmb widga bug-witim a Zakoob tẽngã pʋg t'a rɩt n gilgd zĩigã fãa.

Ezekiyɛl 39:3

Mam na n penga f tãpã sẽn be f goabg nugẽ wã tɩ lʋɩ, la m kɩt tɩ pɛɛmã sẽn be f rɩtg nugẽ wã lʋɩ tẽnga.

Ezekiyɛl 5:8

bõn-kãens yĩnga, Zu-soab a Sẽn-Ka-Saab yetame: ‹Gese, mam mengã zabda ne foom, la m na n kao-f bʋʋd buud toay-toayã nifẽ.›

Yaoolem 4:23

Gũus-y neer n da wa yĩm kaool ning Sẽn-Ka-Saab sẽn yaa yãmb Wẽnnaamã sẽn maan ne yãmbã ye. Da maan-y bũmb baa a yembr wẽneg tɩ yɩ bõn-naandg ye. Tɩ bala, Sẽn-Ka-Saab sẽn yaa yãmb Wẽnnaamã yeela tõnd tɩ d ra maan bũmb a woto ye.

Yaoolem 4:34

Wẽnnaam bʋg n zoe n mak tɩ reeg buud buud a to nugẽ ne bõn-makre, la bãn ne bõn-yɛɛsds la zabre, ne a nugã pãng n maan tʋʋm-kãsems sẽn kẽesd rabeem? Yaa bõn-kãens la Sẽn-Ka-Saab sẽn yaa yãmb Wẽnnaamã maan n kõ yãmb Ezɩpt tẽng tɩ y nin yãndã.