Zeremi 21:4 - WẼNNAAM SEBRE 2014

⁴ «Sẽn-Ka-Saab sẽn yaa Israyɛll Wẽnnaamã yetame: ‹Mam na n kɩtame tɩ tãb-biisã ra leb n zab ne Babilond dĩmã, la Kalde nebã sẽn gũbg yãmbã ye. Mam na n tigim-b-la tẽngã pʋga.

SEBR SÕNGO

⁴ Soaala-Wẽnde, a Israyɛl Wẽndã sẽn leokde: ‹Yãmb na n taka zabre ne Babilon dĩma tãb-biisa sẽn gũbg yãmbã. M na n modga tãb-biis niynsi sẽn zabd-b lal-gũbra taoorã tɩ b leb poorẽ, n tɩ tigim tẽnga pʋga.

Zeremi 21:4 Iomraidhean Croise

A Ezayi 10:4

Yãmb sẽn tõe n maan bũmb ning bala, yaa tɩ y naag yembsã n kuudẽ, wall y ki n naag b sẽn kʋ-b rãmbã. La ne rẽ fãa, Sẽn-Ka-Saab sũ-yikrã ket n ka sig ye. Bãmb nugã ket n zẽkame.

A Ezayi 13:4

Bʋrg n yit tãmsã zutu, la yaa wa neb kʋʋng bʋrgo! Yaa buud toay-toayã sẽn tigim taabã bʋʋre! Saasẽ-Pãng-Soabã n tigimd b tãb-biisã zabr yĩnga.

A Ezayi 5:5

Moasã, m kotame tɩ y bas tɩ m wilg-y mam sẽn na n maan m reezẽ tɩɩs pʋʋgã bũmb ninga. Mam na n yãka a yãgrã n bas-a tɩ b sãam-a. Mam na n wura a lalgã tɩ b kẽ n tab-a ne nao.

Zeremi 20:4

Bala, Sẽn-Ka-Saab yetame: Mam na n kɩtame tɩ yãmb ne y zo-rãmbã fãa yɛɛse. Y bɛɛbã na n kʋʋ yãmb ne zabr sʋʋs y nifẽ. La mam na n kɩtame tɩ Babilond dĩmã wa yõg Zʋʋda nebã fãa n tall n kẽng Babilonde, la b kʋ bãmb ne zabr sʋʋga.

Zeremi 21:3

La a Zeremi yeela bãmb tɩ b tɩ yeel a Sedesiyaas yaa:

Zeremi 32:24

B zamda tom-dʋy n na n deeg tẽngã. B na n basa tẽngã Kalde rãmbã sẽn zabd ne-a wã nugẽ. B na n tõog-a-la ne zabr sʋʋga, la ne kom la bã-longdse. Yãmb meng neeme tɩ y sẽn dag n gom bũmb ning yellã pidsg wakat taame.

Zeremi 32:3

Zʋʋda rĩm a Sedesiyaas yõka a Zeremi n page. Bala, rĩmã yeelame tɩ bõe yĩng t'a Zeremi togs pĩnd-n-bãngr goam n yeel tɩ Sẽn-Ka-Saab yeelame tɩ b na n basa tẽn-kãngã Babilond dĩmã nugẽ t'a soog-a.

Zeremi 32:5

Dẽ zugẽ, b na n talla a Sedesiyaas n kẽng Babilonde, t'a pa beenẽ n ta wakat ning mam sẽn na n wa ges a yelle. Yãmb sã n yik zabr ne Kalde rãmbã, y kõn tõog-b ye. Yaa Sẽn-Ka-Saab n yeele.

Zeremi 33:5

‹Kalde nebã sã n wa na n zab ne tẽn-kãngã, b na n pids-a-la ne neb nins mam sẽn na n kʋ m sũ-yikrã pʋgẽ wã kũum. Bala, mam solga m neng ne tẽn-kãngã nebã, b wẽngã fãa yĩnga.

Zeremi 35:17

Woto yĩnga, maam a Sẽn-Ka-Saab sẽn yaa Saasẽ-Pãng-Soab a Wẽnnaam, n yaa Israyɛll Wẽnnaamã yetame: «Mam na n kɩtame tɩ toog ning mam sẽn dag n yeel t'a na n paama Zʋʋda ne Zeruzalɛm nebã fãa wã paam-ba, mam sẽn gom ne bãmb tɩ b ka kelgã yĩnga, la m sẽn bool bãmb tɩ b ka sakã yĩnga.»

Zeremi 39:3

Dẽ, Babilond dĩmã nanambsã kẽngame n tɩ zĩnd tẽngã rignoor ning b sẽn boond tɩ tẽn-sʋk rignoorã. Yaa a Nergall-Saretsɛɛr ne a Samgaar-Nebu, la sõgen-kãseng a Sarsekim ne tãb-biisã na-kãseng a Nergall-Saretsɛɛre, ne Babilond dĩmã nanambs a taabã fãa.

Zeremi 52:18

Bãmb wʋka tompeglem laasã ne pɛll-dãmbã la sʋʋsã, ne zɩɩm mesb laasã, la wisd yõogr laasã, n paas zũud teed nins fãa b sẽn tar n maand Sẽn-Ka-Saab roogã tʋʋmdã.

Kʋʋr yɩɩla 2:3

Bãmb sãama Israyɛll pãngã fãa b sũ-kãbrã pʋga. Bãmb fooga b nug-rɩtgã n lob poorẽ n bas bãmb b bɛɛbã taoore. Bãmb widga bug-witim a Zakoob tẽngã pʋg t'a rɩt n gilgd zĩigã fãa.

Kʋʋr yɩɩla 2:5

Zu-soabã lebga wa bɛyã. Bãmb sãama Israyɛlle. Bãmb sãama a naam dotã fãa n pãb a pãng zĩisã n lubi. Bãmb kɩtame tɩ Zʋʋda tẽn-neerã wõosgã ne a wiisgã lebg wʋsgo.

Kʋʋr yɩɩla 2:7

Sẽn-Ka-Saab yam yii ne bãmb tẽn-kugrã, bãmb ka leb n nand bãmb sɛk-zĩigã. Bãmb dɩka Sɩyõ na-yirã lalsã n bas ne bɛyã. Kelems yika Sẽn-Ka-Saab roog pʋgẽ wa tigr daare.

Ezekiyɛl 39:3

Mam na n penga f tãpã sẽn be f goabg nugẽ wã tɩ lʋɩ, la m kɩt tɩ pɛɛmã sẽn be f rɩtg nugẽ wã lʋɩ tẽnga.

A Ooze 9:12

Bãmb sã n gʋʋnd b kambã, mam na n kʋ-b lame tɩ b na n ka lebg raop ye. Mam sã n wa zãag n bas-ba, b na n paama toogo.

Zakari 14:2

Mam na n tigma buudã fãa Zeruzalɛm pʋgẽ zabr yĩnga. B na n deega Zeruzalɛm tẽngã, n sãam a rotã, la b gãand a pagbã ne pãnga. Tẽngã nebã pʋɩ-sʋk na n kẽe yembdo, la b ka na n menes neb nins sẽn kell tẽngã pʋgẽ wã ye.

A Matiye Sõng 22:7

Rĩmã sũur yikame t'a tʋm a tãb-biisã tɩ b tɩ sãam nin-kʋʋdb kãense, la b yõog b tẽngã bugum.