Zeremi 21:12 - WẼNNAAM SEBRE 2014

¹² A Davɩɩd yagense, Sẽn-Ka-Saab yetame: Bʋ-y bʋʋdã tɩrg yibeoog fãa. Fãag-y b sẽn fãad a soabã namsdã nugẽ, tɩ y tʋʋm-wẽnsã ra wa kɩt tɩ m sũurã yik wa bugum, tɩ ned ka be sẽn na n kiis-a ye.

SEBR SÕNGO

¹² Zɩɩda Na-yiri, Daviid buudu, kelg-y. Sɩng-y y raarã ne bʋ-kaoor sẽn ya tɩrga. Reeg-y pãng rãmba sẽn yõkd n deesdẽ wã. Ka rẽ m sũura na widga wa bugum Bugma na n dɩɩ zãnga, la yaa bugum sẽn ka tõe n kiis ye. Dẽ me n na n yɩ y tʋʋm wẽnsa yaoodo.

Zeremi 21:12 Iomraidhean Croise

2 Sãmwɛlle 8:15

A Davɩɩd yɩɩ Israyɛll nebã fãa rĩmã. Yẽnda rag n kaooda bʋʋd tɩrga, la a maand tɩrlem ne a nebã fãa.

A. Zoobe 29:17

Mam dag n sãamda nin-wẽns pãng n fãagd neb nins bãmb sẽn namsdã.

Yɩɩn‑sõamyã 101:8

Yibeoog fãa, mam na n sãama tẽngã nin-wẽnsã, la m menes tʋʋm-beed maandbã tɩ b ra leb n zĩnd Sẽn-Ka-Saab tẽngã pʋg ye.

Yikri 18:13

Vẽkembeoogo, a Moyiis zĩndame n na n kao nebã bʋʋdo. Nebã yalsa a Moyiis taoor yibeoog hal tɩ ta zaabre.

A Ezayi 1:17

Zãms-y tɩ maan sẽn yaa sõama. Bao-y tɩrlem, la y sõng b sẽn maand-b rãmb pãngã. Kao-y kɩɩb bʋʋd tɩrga, la y zab n sõng pʋg-kõore.

A Ezayi 1:31

Sẽn tar-a pãngã na n yɩɩ wa gʋmdo, la a tʋʋmã na n yɩɩ wa bug-pãrga. Bãmb b yiibã fãa na n naaga taab n dɩ bugum tɩ ned ka be n na n kiis-a ye.

A Ezayi 7:13

Dẽ, a Ezayi yeelame: «Dĩm a Davɩɩd yagense, m kotame tɩ y kelge! Yãmb sẽn maan tɩ ninsaalbã yam yi yãmbã ka sek-y tɩ y rat n maan tɩ mam Wẽnnaamã me yam yi-yã?

A Ezayi 7:2

B togsa a Davɩɩd doogã neb n yeel yaa: «Siiri tãb-biisã kẽng n tɩ yãmba Efrayiim tẽngã.» Dẽ, a Akaaz ne a nebã sũy sɩnga rigb wa sobg sẽn miimd tʋgr tɩɩse.

Zeremi 17:4

Yãmb na n basa y tẽngã mam sẽn kõ yãmbã, la m na n kɩtame tɩ y lebg y bɛɛbã yembs tẽng yãmb sẽn ka mi pʋgẽ. Bala, m sũurã yikame n wit wa bugum sẽn ka na n tol n ki ye.»

Zeremi 21:5

La mam mengã n na n tẽeg m nug sẽn tar pãngã n zab ne yãmb ne sũ-yikri, la sũ-puugri ne sũ-kãbr wʋsgo.

Zeremi 23:19

Ade, yaa Sẽn-Ka-Saab sobg n fugdi. Yaa sũ-puug-kãsenga, a bee nin-wẽnsã zut n gõnemdẽ.

Zeremi 23:2

Woto yĩnga, ad Sẽn-Ka-Saab sẽn yaa Israyɛll Wẽnnaamã sẽn yet nanambs nins sẽn zãad bãmb nebã: «Yaa yãmb n kɩt tɩ mam nebã sãeeg n looge. Yãmb dig-b lame n ka ges b yell ye. La moasã, mam na n gesa yãmb yell y tʋʋm-wẽnsã yĩnga.» Maam a Sẽn-Ka-Saab n yeele.

Zeremi 23:5

Sẽn-Ka-Saab yetame: «Ade, wakat n wate, tɩ mam na n kɩt t'a Davɩɩd yageng a yembr sẽn yaa nin-tɩrg lebg rĩm n dɩ naam, n soog nebã ne yam, la a kaood buudã ne zemsg la ne tɩrlem tẽngã pʋgẽ.

Zeremi 36:7

Daarninga, b se-yõkrã na n taa Sẽn-Ka-Saab taoore, la b na n basa b manesem-wẽnsã. Bala, Sẽn-Ka-Saab sũ-yikrã ne b sũ-puugrã yaa kãseng nin-kãensã yĩnga.»

Zeremi 4:4

Zʋʋda ne Zeruzalɛm nebã, Kẽes-y y mens bãong Sẽn-Ka-Saab yĩnga, la y yiis y sũurã rẽgdã, tɩ m sũurã ra wa n puug n wɩng wa bugum, n dɩ yãmb y tʋʋm-wẽnsã yĩnga, tɩ ned ka be n na n kiis-a ye.»

Zeremi 44:22

Sẽn-Ka-Saab yam dag n yii ne yãmb tʋʋm-wẽnsã ne yel-beed nins yãmb sẽn maanã. La yãmb tẽngã lebga raboogo, la zĩ-vɩʋʋgo, ne kãab-beedo, tɩ ned ba a yembr ka leb n be beenẽ ye. Yaa rẽ n kɩt t'a ya a woto hal tɩ ta rũndã.

Zeremi 5:14

Woto yĩnga, Sẽn-Ka-Saab sẽn yaa Saasẽ-Pãng-Soab a Wẽnnaamã yetame: «Yãmb sẽn gom a woto wã yĩnga, ad bũmb ning sẽn na n paam yãmba: Mam na n ninga m goamã fo noorẽ tɩ b yɩ wa bugum, la nin-kãensã na n yɩɩ wa raad tɩ bugmã rɩ-ba.»

Zeremi 5:28

Bãmb nobame tɩ b nens põeeda. Bãmb maanda wẽng hal tɩ loog nugu. Bãmb ka kaood bʋʋd wa sẽn zems ye. Bãmb ka kaood kɩɩbs bʋʋd tɩrg ye. Bãmb maanda a woto n tɩlgdẽ. Bãmb toog ka be ne naong rãmb bʋʋd zĩigẽ ye.

Zeremi 7:20

Bõn-kãng yĩng kɩtame tɩ maam a Sẽn-Ka-Saab sẽn yaa Zu-soabã yetẽ: «Ade, mam sũ-puug-kãsengã na n siga zĩ-kãngã zugu, la a sig nebã ne rũmsã, la tɩɩsã ne pʋtã la tẽngã bɩle zugu. A na n dɩɩ wa bugum sẽn ka kiida.»

Zeremi 7:5

Yãmb sã n maneg y yel-manesmã ne y tʋʋmã, la y maan wa sẽn zems ne taaba,

Kʋʋr yɩɩla 4:11

Sẽn-Ka-Saab basame tɩ b sũurã fudg n tãag a tɛka. Bãmb kiiga b sũ-puugrã tʋʋlem n widg bugum Sɩyõ tẽngã pʋgẽ, tɩ bugmã rɩ a yẽbgrã fãa zãnga.

Ezekiyɛl 22:31

Mam sikda m sũ-yikrã bãmb zugu, mam menesda bãmb ne m sũ-puugrã bugum. Mam na n kɩtame tɩ b yel-manesmã taal lebg n lʋɩ b zugu. Maam a Zu-soab a Sẽn-Ka-Saab n yeele.»

Maan‑kʋʋre 26:28

mam me na n basa yãmb ne sũ-puugri, la yãmb yel-wẽnã yĩnga, mam na n sɩbga yãmb naoor a yopoe n yɩɩda.

A Nahum 1:6

Sẽn-Ka-Saab sũurã sã n puugi, ãnda n tõe n põse? Ãnda n tõe n põs bãmb sũ-puugrã? Bãmb sũ-puugrã rɩta wa bugum, tɩ baa pĩig kugã pusd bãmb taoore

Sofoni 1:18

Bãmb wanzuri wã ne b sãnemã, ka na n tõog n fãag-b Sẽn-Ka-Saab sũ-puugrã daar ye. Sẽn-Ka-Saab sũ-yikrã bugum na n dɩɩ dũniyã fãa, bala, na n yɩɩ to-kãseng daare, la Sẽn-Ka-Saab na n sãama dũniyã nebã zãnga.

Sofoni 3:5

La Sẽn-Ka-Saab yaool n bee tẽngã pʋga, n yaa tɩrlem soaba, la b ka maand sẽn ka zems ye. Yibeoog fãa, bãmb pukda b tɩrlmã n ka basdẽ ye. La nin-wẽng ka mi yãnd ye.

A Luk Sõng 1:69

la bãmb sẽn kõ tõnd fãagd sẽn tar pãnga, sẽn yit a Davɩɩd sẽn yaa bãmb tʋmtʋmdã buud pʋgẽ

Rom Dãmba 13:4

Bala, a tʋmda Wẽnnaam tʋʋmde, fo sõngr yĩnga. La fo sã n maan wẽnga, maan dabeem. Bala, a sẽn zãad zabr sʋʋgã ka zaalem ye. A tʋmda Wẽnnaam yĩnga, n wilg ned ning sẽn maand wẽngã Wẽnnaam sũ-dokre, la b sũ-yikri.

Yaoolem 32:22

Bala, mam sũ-puugrã bugum widgame. A na n dɩɩme hal n ta kɩɩm-kulgu. A na n dɩɩ tẽngã ne a koodã fãa. A na n dɩɩ n tãaga tãmsã yẽbgrẽ.