Zeremi 21:10 - WẼNNAAM SEBRE 2014

¹⁰ Bala, mam wẽnemdeda m neng n tees tẽn-kãngã, la ka a neer yĩng ye, yaa sẽn na n yɩlẽ tɩ toog paam-a. B na n basa tẽngã Babilond dĩmã nugẽ, t'a ning-a bugum.» Sẽn-Ka-Saab n yeele.

SEBR SÕNGO

¹⁰ Tɩ bala m ka rat tẽnga fãagr ye, a wãab la m data; a na n lʋɩɩ Babilon dĩma nugẽ la a na n ning-a-la bugum.»

Zeremi 21:10 Iomraidhean Croise

2 Kibayã 36:19

La a yõoga Wẽnnaam doogã bugum, n wã Zeruzalɛm lalgã, la b yõog na-yiyã fãa, la b sãam te-sõamy wã fãa.

Yɩɩn‑sõamyã 34:16

Sẽn-Ka-Saab ninã bee nin-tɩrsã zutu, la b sã n bool bãmb n kos sõngre, b kelgd-b lame.

Zeremi 17:27

La yãmb sã n ka kelg maam, y sã n ka kɩt tɩ vʋʋsg daarã yɩ daar sẽn welg toore, y sã n kɩɩs n tʋk zɩɩb n tũ Zeruzalɛm tẽngã rignoyẽ wã vʋʋsg daarã n kẽ, mam na n ninga tẽngã rignoy bugum, la bugmã na n dɩta Zeruzalɛm na-yiyã, n ka tol n kiidẽ ye.› »

Zeremi 26:6

mam na n maana ro-kãngã wa m sẽn maan Sɩlo wã, la m kɩt tɩ tẽn-kãngã lebg kãab-wẽnga, buud nins fãa sẽn be dũniyã zugã yĩnga.› »

Zeremi 33:5

‹Kalde nebã sã n wa na n zab ne tẽn-kãngã, b na n pids-a-la ne neb nins mam sẽn na n kʋ m sũ-yikrã pʋgẽ wã kũum. Bala, mam solga m neng ne tẽn-kãngã nebã, b wẽngã fãa yĩnga.

Zeremi 34:2

«Maam a Sẽn-Ka-Saab sẽn yaa Israyɛll Wẽnnaamã yetame: ‹Kẽng Zʋʋda rĩm a Sedesiyaas nengẽ n tɩ yeel-a tɩ maam a Sẽn-Ka-Saab yetame yaa: Mam na n dɩka tẽn-kãngã n ning Babilond dĩmã nugẽ, t'a sãam-a ne bugum.

Zeremi 34:22

Mam na n kõo noor tɩ b lebg n wa tẽn-kãngã pʋgẽ, n zab n deeg-a, n ning-a bugum. Mam na n kɩtame tɩ Zʋʋda tẽmsã lebg raboogo, tɩ ned ka leb n zĩnd beenẽ yɛs ye. Maam a Sẽn-Ka-Saab n yeele.› »

Zeremi 38:17

Dẽ, a Zeremi yeela rĩm a Sedesiyaas yaa: «Sẽn-Ka-Saab sẽn yaa Saasẽ-Pãng-Soab a Wẽnnaam, n yaa Israyɛll Wẽnnaamã yetame: Yãmb sã n yi n dɩk y meng n kõ Babilond dĩmã nanambse, y na n fãaga y mense, la b ka na n sãam tẽn-kãngã ne bugum me ye. Yãmb ne y buudã na n kell n vɩɩmdame.

Zeremi 38:18

La yãmb sã n ka sak n yi n dɩk y meng n kõ Babilond dĩmã nanambse, Kalde rãmbã na n tõoga tẽn-kãngã n ning-a bugum, la yãmb ka na n põs ye.»

Zeremi 38:23

B na n talla y pagbã ne y kambã fãa n tɩ kõ Kalde nebã, la yãmb ka na n põs bãmb ye. Babilond dĩmã na n yõka yãmba, la a ning tẽn-kãngã bugum.»

Zeremi 38:3

A Zeremi leb n yeela nebã tɩ Sẽn-Ka-Saab yetame: «Mam na n basa tẽn-kãngã Babilond dĩmã tãb-biis nugẽ, la a na n deeg-a lame n sooge.»

Zeremi 39:16

«Kẽng n tɩ yeel Kuus rao a Ebɛɛd-Melɛk tɩ maam a Saasẽ-Pãng-Soabã sẽn yaa Israyɛll Wẽnnaamã yetame: ‹Ade, mam na n kɩtame tɩ bũmb ning mam sẽn dag n yeel tẽn-kãngã wɛɛngẽ wã paam pidsgu, la ka na n yɩ a manegr yĩng ye, na n yɩ a sãoong yĩnga.› La daar ning sẽn yaa bõn-kãng pidsgã daarã na n yɩɩ fo nifẽ.

Zeremi 39:8

Kalde nebã ninga na-yirã ne nebã rot bugum, la b lub lals nins sẽn gũbg Zeruzalɛmã.

Zeremi 44:11

Woto yĩnga, maam a Saasẽ-Pãng-Soabã sẽn yaa Israyɛll Wẽnnaamã yetame: «Mam yãka yam n na n sɩbg-yã, la m na n menesa Zʋʋda nebã fãa.

Zeremi 44:27

Mam na n gũusa bãmba, la ka b manegr yĩng ye. Yaa sẽn na n yɩlẽ tɩ toog paam-ba. Zabr sʋʋg ne kom na n kʋʋ Zʋʋda neb nins fãa sẽn be Ezɩptã, hal n sãam-b zãnga.

Zeremi 52:13

Yẽnda ninga Sẽn-Ka-Saab roogã ne rĩmã zakã, la Zeruzalɛm dotã fãa bugum. Yẽnda ninga ro-bɛdã fãa bugum.

Ezekiyɛl 15:7

Mam na n wẽnemdame n zab ne bãmba. Baa bãmb sã n põs n yi bugmẽ wã, bugmã na n dɩ-b lame. Mam sã n wa wẽnemd n zab ne bãmba, yãmb na bãng tɩ mam yaa Zu-soab a Sẽn-Ka-Saabo.

Ezekiyɛl 24:11

La f yaool n dɩk rʋg-vɩʋʋgã, n dogl bug-saalã zug t'a wɩnge, tɩ bugmã yõog zũudã tɩ rẽgdã fãa sẽn be a pʋgẽ wã yẽnege.

Maan‑kʋʋre 17:10

«Israyɛll buudã neda, wall sãamb nins sẽn be bãmb sʋkã ned sã n dɩ zɩɩm, baa sẽn yaa bũmb ning zɩɩm, mam na n wẽnemda m neng n bas a soabã, a sẽn dɩ zɩɩmã yĩnga, la mam na n yiisa yẽnda a buudã sʋka.

Maan‑kʋʋre 26:17

Mam na n wẽnemda m neng n bas yãmba, la yãmb bɛɛbã na n tõoga yãmba. Neb nins sẽn kis yãmbã na n sooga yãmba, la yãmb na n zoeeme tɩ ned ka rigd yãmb ye.

A Amoose 2:5

Mam na n kɩtame tɩ bugum sig Zʋʋda zugu, la m kɩt tɩ Zeruzalɛm pãng zĩisã rɩ bugum.

A Amoose 9:4

Baa bãmb bɛɛbã sã n yõg-b n tɩ kẽes yembdo, mam na n kɩtame tɩ b kʋ bãmb ne zabr sʋʋga. Mam na n gũusa bãmba, la ka na n yɩ b manegr yĩng ye, na n yɩ b sãoong yĩnga.

Zakari 1:6

La ne rẽ fãa, goam nins la noy nins mam sẽn dag n kɩt tɩ mam tʋmtʋmdbã sẽn yaa no-rɛɛsdbã togsã, ka ta y yaab-rãmbã sɩda?» Bãmb lebg n waame n wa yeel yaa: «Saasẽ-Pãng-Soaba maana tõnd wa b sẽn dag n yãk yam n na n maanã, b maana tõnd wa sẽn zems d nao-kẽndrã ne d yel-manesmã.»