Zeremi 20:9 - WẼNNAAM SEBRE 2014

⁹ Mam sã n yeel tɩ m ka na n leb n togs Sẽn-Ka-Saab yelle, wall m gom ne bãmb yʋʋre, a lebgda wa bugum m sũurã pʋgẽ, a bee m kõabã pʋsẽ. Mam maoodame n dat n sĩndi, la m ka tõe ye.

SEBR SÕNGO

⁹ M sã n wa yik n yeel m menga tɩ m ka na le gom Soaala yʋʋr yĩnga, bũmb n widgd m pʋgẽ wa bugum, n yõogd maam, tɩ m baood n na n kiis-a la m pa tõe ye.

Zeremi 20:9 Iomraidhean Croise

Yɩɩn‑sõamyã 39:3

Dẽ, mam sĩnda m noor n ka gomd ye. Mam sĩndame, la m ka tar sũ-noog ye. Mam toogã looga nugu.

Zeremi 23:29

Sẽn-Ka-Saab yetame: Mam goamã ka wẽnd bugum sɩda? A ka wẽnd wa zãar sẽn wãad pĩig kugr sɩda?

Zeremi 23:9

Koɛɛg no-rɛɛsdbã yĩnga: Mam sũur sãamame, la m kõabã fãa rigdame. Mam yaa wa ned sẽn tɩg rãam, la wa ned sẽn yũ reezẽ rãam n tuumdẽ, Sẽn-Ka-Saab ne b gom-sõamy wã yĩnga.

Zeremi 4:19

M pʋg zabda! M pʋg zabda! M sũur zabdame n dat n pusgi! Mam sũur digdame tɩ m ka tõe n sĩnd m noor ye. Bala, mam wʋmda baorg peebgo, la zabr kaasgo!

Zeremi 6:11

Sẽn-Ka-Saab sũ-puugrã reeg n tara maam, hal tɩ m ya n yɛ n ka tõe n gɩdg-a ye. Sẽn-Ka-Saab yetame: «Bas tɩ sũ-puugrã nams kambã soayã zutu, la a nams ra-sãmbã b tiging zĩisẽ. B na n yõga pagbã ne raopã, la nin-kẽembã ne nin-kẽem-kulkuudã me n tall n looge.

Ezekiyɛl 3:14

Sɩɩgã zẽka maam n tall n looge. La mam looga ne sũ-toogo, la sũ-puugri, la Sẽn-Ka-Saab nug sẽn tar pãngã rag n sooga maam.

Ezekiyɛl 3:3

La yẽnda yeela maam yaa: «Ninsaala, wãb sebr ning mam sẽn kõ foomã n pids f pʋga!» La mam wãba sebrã, la a yɩɩ noog mam noorẽ wã wa sɩɩdo.

A Amoose 3:8

Gɩgemd sã n kelme, ãndã n ka na n yɛɛse? Wẽnnaam Sẽn-Ka-Saab sã n gome, ãnda soab n tõe n ka togs bãmb koɛɛgã?

A Zonaase 1:2

«Yik n kẽng Niniiv sẽn yaa tẽn-kãsengã pʋgẽ, n tɩ moon n yeel tẽngã nebã, tɩ b wẽnemã zẽk n taa maam.»

A Zonaase 1:3

La a Zonaas yikame n na n zoe n kẽng Tarsɩɩse, sẽn na n yɩlẽ n zãag ne Sẽn-Ka-Saabo. La a sẽn ta Zafa tẽnga, a yãnda koom kogl-bedr sẽn dabd Tarsɩɩse, la yẽnda yaoome n kẽ n naag koom koglgã rãmba, n na n kẽng Tarsɩɩs n zãag ne Sẽn-Ka-Saabo.

A Luk Sõng 9:62

A Zeezi leoka yẽnda yaa: «Ned sã n gãd wãk rũng sẽn tata, la a rat n wẽnemd n ges a poorẽ, yẽnda ka zems ne Wẽnnaam soolmã ye.»

Tʋʋma 17:16

A Poll sẽn be Atɛn n gũud a Sɩlaas ne a Tɩmote waoongã, yẽnda sũurã sãama wʋsgo, a sẽn yã tɩ tẽngã pida ne wẽn-naandsã yĩnga.

Tʋʋma 18:5

La a Sɩlaas ne a Tɩmote sẽn yi Masedoan a wa, a Poll rɩka a weerã zãng n moon koe-noogã n yeel Zʋɩf-rãmbã tɩ yaa a Zeezi la Kirisã.

Tʋʋma 4:20

Bala, tõnd ka tõe n ka gom bũmb ning tõnd sẽn yã la d wʋmã yell ye.