Zeremi 20:8 - WẼNNAAM SEBRE 2014

⁸ Bala, wakat fãa, mam sã n gomda, mam zẽkda m koɛɛg n yetẽ: «Wẽnga! Sãoongo!» Yãmb goamã yĩnga, mam paamda paoogr ne yaalg wakat fãa.

SEBR SÕNGO

⁸ M sã n gom fãa n sɛ dẽnd m lɛɛg n yõk sɛɛga dẽnd m kelme n wilg tɩ b maand-m-la pãnga. Taas neba yãmb gomd fãa wata ne m laado la m tʋʋre.

Zeremi 20:8 Iomraidhean Croise

2 Rĩm-dãmba 2:23

A Eliize yii Zeeriko n dabd Betɛlle. La yẽnda sẽn be sorẽ n kẽnda, kom-bãooneg n yi tẽngã pʋg n paoog yẽnda n yeele: «Zu-kõogã, looge! Zu-kõogã, looge!»

2 Kibayã 36:16

La bãmb dag n yaanda Wẽnnaam tʋmtʋmdbã n paoogd b goamã, la b yaand-b no-rɛɛsdbã, hal tɩ Sẽn-Ka-Saab sũurã wa puug ne b nebã tɩ tɩɩm ka ye.

A Ezayi 57:4

Ãnda soab la yãmb sẽn yaandã? Ãnda la yãmb yaagd y noy hãa n wõogd y zelemd n paoogdẽ wã? Yãmb ka kom-wegems bal la, yãmb ka zĩrẽ-be-neb buud sɩda?

Zeremi 15:10

M ma, toog bee mam zugu, fo sẽn dog maamã yĩnga! Tẽngã neb fãa zabda ne maam, la b fãa kɩɩsda maam! Mam ka tar ned samde, ned me ka tar mam samde. La b fãa yaool n kãabda maam wẽnga.

Zeremi 15:15

Sẽn-Ka-Saabo, yãmb miime! Tẽeg-y m yell n sõng-ma, la y rok m sũur ne m namsdbã, n da kaoos waoong tɩ b wa maan-m wẽng ye. Bɩ y bãng tɩ yaa yãmb yĩng la mam paam paoogre.

Zeremi 17:27

La yãmb sã n ka kelg maam, y sã n ka kɩt tɩ vʋʋsg daarã yɩ daar sẽn welg toore, y sã n kɩɩs n tʋk zɩɩb n tũ Zeruzalɛm tẽngã rignoyẽ wã vʋʋsg daarã n kẽ, mam na n ninga tẽngã rignoy bugum, la bugmã na n dɩta Zeruzalɛm na-yiyã, n ka tol n kiidẽ ye.› »

Zeremi 20:7

Sẽn-Ka-Saabo, yãmb belga maam, la mam deega belgrã. Yãmb wõra maam n tõoge. Nebã laada maam daar fãa. Nebã fãa yaanda maam.

Zeremi 28:8

No-rɛɛsdb n zĩnd kʋdem-wẽndẽ sẽn deng maam ne foom, n togs pĩnd-n-bãngr goam n wilg tɩ zabr ne tood la bã-longds na n zĩnda tẽms wʋsg ne soolem-kãsems pʋsẽ.

Zeremi 5:1

Saag-y Zeruzalɛm soayã zutu. Kẽng-y raasã pʋs n tɩ ges neere, la y sok n gese, y na n yãnda ned sẽn maand tɩrga, la sẽn baood tɩ maan sɩda. Yãmb sã n yãnd ned a woto, mam na n kõo Zeruzalɛm nebã sugri.

Zeremi 5:6

Rẽ kɩtame tɩ bɛɛbã na n yi wa gɩgemd sẽn yi kãgrẽ n zab ne-ba, wa tẽn-nabd-koɛɛngẽ digd-n-yĩidga, n zendem bãmba. Bɛɛbã na n sora bãmb tẽmsã noy wa ãbga, n yõgd neb nins fãa sẽn yit-b beenẽ wã n zendemdẽ. Bala, bãmb beegrã yaa wʋsgo, la b kɩɩsgã tara yãngr bala.

Zeremi 6:10

Ãnda la mam na n gom ne? Ãnda n na n yɩ mam kaset soab tɩ b sak n kelge? Ade, bãmb yẽda b tʋb n ka rat n wʋm ye. Sẽn-Ka-Saab goamã yaa wa laad bãmb yĩnga. Bãmb ka nong n wʋm-a ye.

Zeremi 7:9

Rẽ yĩnga, yãmb tõeeme n zuud la y kʋʋda, la y yooda, la y wẽend zĩrẽ wẽenego, la y yõogd wisd n kõt wẽn-naandg a Baalle, la y waoogd bu-zẽms wẽnnaam-dãmb yãmb sẽn ka mi,

Abakuk 1:3

Bõe yĩng tɩ yãmb bas tɩ m yãt tʋʋm-wẽnsã, bõe yĩng tɩ y get tõnd tɩ d be namsg pʋga? Sãoong ne wõr-taabã gũbga maam. Lebga zab taaba, tɩ nokoɛɛmã rãamd zẽkdẽ.

A Luk Sõng 11:45

Tõog karen-saamb a yembr goma ne bãmb n yeele: Karen-saamba, yãmb sẽn gomd a woto wã, yãmb paoogda tõnd me.

Ebre rãmba 11:26

Sɩda, a dag n getame tɩ yẽndã sã n paam yãnd ning Kirisã sẽn na n paamã yaa arzɛk n yɩɩd Ezɩpt arzegsã. Bala, a long n geta keoorã sẽn be yɩɩgã.

Ebre rãmba 13:13

Bɩ tõnd me sak yãnd ning bãmb sẽn paamã, n yi n kẽng bãmb nengẽ.

1 Pɩyɛɛr 4:14

Bark bee yãmb zugu, nebã sã n nams yãmb Kiris yʋʋrã yĩnga, bala, Sɩɩg ning sẽn be ziirã sẽn yaa Wẽnnaam Sɩɩgã bee yãmb zutu.