Zeremi 20:5 - WẼNNAAM SEBRE 2014

⁵ La bãmb na n kɩtame tɩ b bɛɛbã wʋk arzegsã fãa ne b paoongã la b te-sõamy wã fãa sẽn be tẽn-kãngã pʋgẽ wã, ne Zʋʋda rĩm-dãmbã paoongã fãa n kẽng Babilonde.

SEBR SÕNGO

⁵ Tẽnga arzɛka fãa, tẽnga laog fãa, bũmb niyns fãa sẽn tar yõodo, Zɩɩda nanams arzɛgs fãa, m na kɩtame tɩ b bɛɛba wa wʋk-b fãa gilli n tall n kẽng Babilon.

Zeremi 20:5 Iomraidhean Croise

2 Kibayã 36:10

Yʋʋmdã sẽn wa n na n baasã, a Nebukatnedzaar kɩtame tɩ b tall a Zozakẽ ne Sẽn-Ka-Saab roogã te-sõamy wã fãa n kẽng Babilonde. La a kɩt t'a Sedesiyaas lebg rĩm n soog Zʋʋda ne Zeruzalɛm.

A Ezayi 39:6

Daar n wate, tɩ b na n wʋk bũmb ning fãa sẽn be fo zakẽ wã, ne fo yaab-rãmbã sẽn dag n bĩng bũmb ning hal tɩ ta rũndã wã n tall n kẽng Babilonde. Bũmb kõn tol n kell ye. Yaa Sẽn-Ka-Saab n yeele.»

Zeremi 12:12

Sẽn sãamd-b fãa wã bee we-raoogã soayã fãa zut n watẽ. Bala, Sẽn-Ka-Saab sʋʋgã sãamda tẽngã zĩisã fãa, tɩ ned ba a yembr ka leb n tõe n vɩɩmd bãan yɛs ye.

Zeremi 15:13

Mam na n kɩtame tɩ b fã yãmb arzegsã ne y paoongã, tɩ yɩ yaood yel-wẽn nins fãa yãmb sẽn maan y soolmã fãa pʋgẽ wã yĩnga.

Zeremi 17:3

Mam na n kɩtame tɩ b wʋk y arzegsã ne y paoongã, y yel-wẽn nins yãmb sẽn maan y tẽngã fãa pʋgẽ wã yĩnga.

Zeremi 3:24

Hal tõnd yãadem wakate, yãndã sẽn yaa Baallã rɩɩ arzɛk ning d yaab-rãmbã sẽn dag n tʋm n paamã. A rɩɩ b piisã ne b niigã la b kambã.

Zeremi 32:24

B zamda tom-dʋy n na n deeg tẽngã. B na n basa tẽngã Kalde rãmbã sẽn zabd ne-a wã nugẽ. B na n tõog-a-la ne zabr sʋʋga, la ne kom la bã-longdse. Yãmb meng neeme tɩ y sẽn dag n gom bũmb ning yellã pidsg wakat taame.

Zeremi 39:2

La a Sedesiyaas sẽn deeg naam tɩ yʋʋm piig la a yembrẽ, yʋʋmdã kiuug a naasẽ soabã rasem a wɛ daare, Babilond nebã pooga tẽngã lalga.

Zeremi 39:8

Kalde nebã ninga na-yirã ne nebã rot bugum, la b lub lals nins sẽn gũbg Zeruzalɛmã.

Zeremi 4:20

Bãmb gomda sãoong woo sãoong yell bala! Tẽngã fãa sãam n sɛɛme! B na n sãama d sik zĩisã wakat-yɛnga, b na n sãama d fu-rotã nif kamsg pʋgẽ.

Kʋʋr yɩɩla 1:10

Bɛyã tẽega a nug n deeg Zeruzalɛm bõn-sõama wã. Buud a taabã waa n kẽe yẽnda zĩ-sõngã pʋgẽ. Yaa buud ning yãmb sẽn yeel tɩ b ra wa yãmb nebã tiging pʋgẽ wã.

Kʋʋr yɩɩla 1:7

Zeruzalɛm namsgã ne a toogã wakate, yẽnda tẽega bõn-neeb nins fãa yẽnda sẽn dag n tar pĩndã yelle. Bɛyã sẽn lubd a nebã tɩ sõangd kaẽ wã, bɛɛbã yãnda yẽnda n la a lʋɩɩsã.

Kʋʋr yɩɩla 4:12

Dũniyã rĩm-dãmbã la neb nins fãa sẽn be tẽng zugã ka tẽ tɩ namsdbã ne bɛɛbã na n tũu Zeruzalɛm tẽngã rignoyẽ n kẽ ye.

Ezekiyɛl 22:25

Yẽnda no-rɛɛsdbã seta taab a pʋgẽ. Gɩgemd sẽn kelemd la a zendemd rũng a sẽn yõkã to-to wã, woto me, yẽnda no-rɛɛsdbã kʋʋda nebã, n wʋkd b arzegsã, ne b te-sõama wã, n kɩtdẽ tɩ pʋg-kõapã sõor lebgd wʋsg tẽngã pʋgẽ.

A Dãniyɛlle 1:2

La Zu-soabã basame t'a Nebukatnedzaar tõog Zʋʋda rĩm a Yoyakim n yõk-a, la a wʋk Wẽnnaam doogã teed kẽere. La a talla teedã n kẽng Sineyaar tẽnga, n tɩ bĩng-b a wẽnnaam-dãmbã roogẽ, b laogã bĩngr zĩigẽ.

A Ooze 13:15

Baa bãmb sẽn womd biis b ba-biisã sʋkã, seobgã na n yii yaanga, Sẽn-Ka-Saab sobg sẽn yit we-raoogã pʋga, n wa kʋɩɩs a koomã ne a bulsã. Sẽn-Ka-Saab n na n wa fã laogã sẽn yaa te-sõama fãa.