Zeremi 20:4 - WẼNNAAM SEBRE 2014

⁴ Bala, Sẽn-Ka-Saab yetame: Mam na n kɩtame tɩ yãmb ne y zo-rãmbã fãa yɛɛse. Y bɛɛbã na n kʋʋ yãmb ne zabr sʋʋs y nifẽ. La mam na n kɩtame tɩ Babilond dĩmã wa yõg Zʋʋda nebã fãa n tall n kẽng Babilonde, la b kʋ bãmb ne zabr sʋʋga.

SEBR SÕNGO

⁴ Ad Soaala-Wẽnd sẽn gomda: «Mam na n kɩtame tɩ f yɛɛs yɛɛsgo kãsenga, foom ne f zo-rãmba fãa. Bɛɛba na n kʋ-b-la ne sʋʋga; fo nif na n yãenda b kũum. N paas me, m na n kɩtame tɩ Babilon naaba wa wʋk Zɩɩda tẽnga fãa n tall n kẽng Babilon, ka rẽ bɩ a kʋ-b ne sʋʋga.

Zeremi 20:4 Iomraidhean Croise

2 Rĩm-dãmba 25:7

Babilond dĩmã kɩtame tɩ b kood a Sedesiyaas kambã a nifẽ. Dẽ poore, rĩmã kɩtame tɩ b kɩɩd a Sedesiyaas ninã, la b sẽb-a ne zũud bãense, n tall-a n kẽng Babilonde.

Yɩɩn‑sõamyã 73:19

La nin-wẽnsã sãama nif kamsg pʋgẽ, bãmb taa b tɛka, rabeemã looga ne-ba!

Zeremi 13:10

Bãmb yaa nin-wẽns sẽn ka sakd n kelg mam goamã ye. B maanda wa sẽn zems b sũ-keglmã, la b zoet n pʋgda bu-zẽms wẽn-naands n wõgemded b taoor n waoogd-ba. Woto yĩnga, bɩ b lebg wa kur-wĩ-kãngã sẽn ka leb n tar yõodã.

Zeremi 13:19

B paga Negɛɛv tẽmsã rignoy tɩ ned ka tõe n pak-b ye. B yõga Zʋʋda tẽngã neb fãa n tall n kẽng yembdo. B talla b fãa n tɩ kẽes yembdo. Ned ba a yembr ka pa ye.»

Zeremi 19:15

Ad Saasẽ-Pãng-Soabã sẽn yaa Israyɛll Wẽnnaamã sẽn yeta: Mam na n kɩtame tɩ mam sẽn gom toog ning yellã paam tẽn-kãngã ne a tẽn-kɩremsã fãa. Bala, bãmb nebã kɩɩsa maam n ka reeg m goamã ye.

Zeremi 20:6

La foom a Pasewʋʋre, foom ne f zakã rãmb fãa na n kẽnga Babilond n tɩ yɩ yembse, n ki tɩ b mum yãmb be. Na n yɩɩ yãmb ne y zo-rãmb nins yãmb sẽn dag n togs zĩrẽ pĩnd-n-bãngr goamã.»

Zeremi 25:9

mam na n kɩtame tɩ buud nins fãa sẽn be wĩntoog sẽn lʋɩtẽ dɩtgã, ne Babilond dĩm a Nebukatnedzaar sẽn yaa m tʋmtʋmdã, wa zab ne tẽn-kãngã nebã, la ne buud nins sẽn gũbg-a wã. Mam na n menesa bãmb n kɩt tɩ tẽngã lebg zĩ-vɩʋʋg wakat fãa yĩnga, tɩ neb sã n yãnd-a, bɩ b yɛɛs n fɩɩle.

Zeremi 29:21

Ad Saasẽ-Pãng-Soabã sẽn yaa Israyɛll Wẽnnaamã sẽn yete, a Kolaya biig a Akaab ne a Maseya biig a Sedesiyaas sẽn gom zĩrẽ pĩnd-n-bãngr goam ne mam yʋʋrã wɛɛngẽ, n yetẽ: «Mam ningda bãmb Babilond dĩm a Nebukatnedzaar nugẽ, la a na n kɩtame tɩ b pãb bãmb yãmb taoore.

Zeremi 46:5

Bõe yĩng tɩ mam neẽ tɩ bãmb yɛɛsame? Bãmb tardame n lebd poorẽ. B tõoga bãmb gãndaadã, Bãmb zoetame, b zoetame n ka wẽnegd b poorẽ ye. Zĩigã fãa lebga pelen-yɩka! Maam a Sẽn-Ka-Saab n yeele.

Zeremi 52:24

Gũudbã naab yõka maan-kʋʋr kãsem a Seraya ne maan-kʋʋr kãsem-pʋgdg a Sofoni, n paas rigno-gũudb a tãabã.

Zeremi 52:27

La Babilond dĩmã kɩtame tɩ b kʋ bãmb Ribla, Hamat soolmã pʋgẽ. Yɩɩ woto la b tall Zʋʋda nebã n tɩ kẽes yembd n zãag ne b tẽngã.

Zeremi 6:25

Ra-y yi-y n kẽng-y pʋtẽ, la y ra kẽng soayã zut me ye. Bala, y bɛ wã bee be ne zabr sʋʋse. Zĩigã fãa yaa pelen-yɩgre.

1 Sãmwɛlle 2:33

La mam na n basame tɩ fo buudã ned a yembr kell n zĩnd m maan-kʋʋrã tʋʋmdẽ, sẽn na n yɩlẽ tɩ fo ges tɩ sũ-toog yõk-f tɩ f ninã yiigi. La fo buudã neb nins fãa sẽn dag n tõe n yɩ fo zu-zẽkrã na n paa tãpẽ.