Zeremi 2:6 - WẼNNAAM SEBRE 2014

⁶ Bãmb ka soke: Sẽn-Ka-Saab ning sẽn dag n yiis-a tõnd Ezɩpt tẽngã bee yɛɛnẽ? Sẽn-Ka-Saab ning sẽn dag n lʋɩ-a tõnd taoor we-raoogã sẽn tar londo, ne ware, la lik bida tɩ ned yir ka be beenẽ wã bee yɛɛnẽ ye.

SEBR SÕNGO

⁶ B ka sok lɛ-lɛ: ‹Soaala-Wẽnd bee yɛ? Bãmb n yiis tõnd Ezipt tẽngã, n yɩ d sɩleto zĩ-pɛɛlẽ, tẽn-koɛɛngẽ, lond la lik tẽnga, tẽng ned sẽn ka pɩʋʋgde, tẽng ned ba a ye sẽn ka tiid n kẽedẽ.›

Zeremi 2:6 Iomraidhean Croise

2 Rĩm-dãmba 2:14

A Eliize rɩka fuugã a Eli sẽn bas tɩ lʋɩ wã n wẽ koomã n yeele: «Sẽn-Ka-Saab sẽn yaa a Eli Wẽnnaamã bee yɛɛnẽ?» Dẽ, yẽnda me wẽe koomã, t'a welg zĩis a yiibu, goabg la rɩtgo, la yẽnda pɩʋʋgame n looge.

A. Zoobe 3:5

Bɩ lik la kũum lik bida soog m dogmã daare, bɩ sawat kell n lud yẽnda, bɩ wĩndg lebg lik bida n kẽes-a rabeem!

A. Zoobe 35:10

La bãmb ned baa a ye ka sokd tɩ Wẽnnaam ning sẽn naan-a bãmbã bee yɛ ye. Bãmb ka sok tɩ sẽn kõt-a bãmb yɩɩl ne yʋngã bee yɛɛnẽ ye.

Yɩɩn‑sõamyã 23:4

Baa mam sã n kẽnd tãng long sẽn yaa lik bida pʋga, mam kõn zoe bũmb ba a yembr dabeem ye. Bala, yãmb bee ne maam. Yãmb gʋlgã ne y rasaarã paasda maam daoodo.

Yɩɩn‑sõamyã 77:5

Yãmb kɩtame tɩ gõeem ka be m ninẽ ye. Mam yamã bondgame tɩ m ka tar m sẽn na n yɛɛlg ye.

Yikri 20:2

«Mam yaa Sẽn-Ka-Saab n yaa fo Wẽnnaam, la yaa maam n yiis foom Ezɩpt soolem yembdã pʋga.

A Ezayi 63:9

Bãmb yel-pakrã fãa pʋga, rag n yaa yel-pakr yẽnda me yĩnga. Dẽ, bãmb ka tʋm koe-toagsd wall malɛɛk ye. Sẽn-Ka-Saab mengã n wa n fãag bãmba. Sẽn-Ka-Saab nonglmã ne b nimbãan-zoeerã pʋga, b meng n leb n fãag bãmba, bãmb tebla bãmba, la b zã bãmb daar fãa hal kʋdem-wẽndẽ.

A Ezayi 64:7

Ne rẽndã fãa, yãmb yaa tõnd ba. Tõnd yaa yagdo, la yãmb n yaa tõnd yagbã. Tõnd fãa yaa yãmb nus tʋʋma.

Zeremi 13:16

Waoog-y Sẽn-Ka-Saab sẽn yaa yãmb Wẽnnaamã, tɩ b ra wa kɩt tɩ lik bida wa, tɩ y naoor wa lak tãmsã zĩ-sobdã pʋg ye. Yãmb na n gũu vẽenem, la b na n kɩtame tɩ vẽenem lebg lika. B na n kɩtame t'a lebg lik bida.

Zeremi 2:2

«Kẽng n tɩ zẽk f koɛɛg n gom ne Zeruzalɛm nebã n yeel-b tɩ Sẽn-Ka-Saab yetame: ‹Mam tẽra yãmb bi-bɩɩlem wakatẽ pʋ-peelmã yelle. Yãmb dag n nonga maam wa pʋg-paal sẽn nong a sɩda, n tũ maam we-raoogẽ wã, zĩig ning bũmb sẽn ka tõe n yiẽ wã.

Zeremi 2:8

Maan-kʋʋdbã ka sok tɩ Sẽn-Ka-Saab bee yɛɛnẽ ye. Tõogã karen-saam-dãmb ka mi maam ye. Taoor dãmbã zãgsa maam. No-rɛɛsdbã togsa pĩnd-n-bãngr goam ne Baall yʋʋre, n waoog bũmb sẽn ka tar yõodo.

Zeremi 5:12

Bãmb kɩɩsame tɩ b ka mi Sẽn-Ka-Saab ye. Bãmb yeelame: «Sẽn-Ka-Saab ka tõe n maan fɩ ye. Toog ka na n paam tõnd ye. Tõnd ka na n yãnd zabr bɩ kom ye!

Zeremi 5:2

Baa bãmb sã n yeele: «D wẽenda ne Sẽn-Ka-Saab sẽn vɩ wã yʋʋre,» yaa zĩrẽ-be-wẽeneg la bãmb wẽenda.

Zeremi 51:43

A tẽmsã lebga raboodo, tẽngã lebga zĩ-koɛɛnga, la tẽn-nabd-koɛɛnga. Lebga tẽng ned sẽn ka leb n be-a pʋgẽ ye. Ninsaal buud ka leb n tũud be n loogdẽ yɛs ye.

A Ooze 12:13

A Zakoob zoe n kẽnga Siiri, La a Israyɛll tʋm n kõo ned n paam paga. Yẽnda kɩɩma rũms tɩ b kõ-a paga.

A Ooze 13:4

Mam yaa Sẽn-Ka-Saab n yaa yãmb Wẽnnaam. Hal sẽn sɩng Ezɩpte, Yãmb ka mi Wẽnnaam a to, sã n ka maam ye. La fãagd a to ka be sã n ka maam ye

A Amoose 2:10

Mam yaool n yiisa yãmb Ezɩpte, n tɛ yãmb we-raoogã pʋgẽ yʋʋm pis-naase, tɩ yãmb tõe n soog Amoor nebã tẽnga.

A Matiye Sõng 4:16

neb sẽn zĩ lik bida pʋgẽ wã yãnda vẽen-kãsenga, la vẽenem puka neb nins sẽn dag n zĩ kũum tẽngẽ la a maasmẽ wã yĩnga.

Yaoolem 1:19

Tõnd yikame n yi Horɛɛb n kẽn n pɩʋʋg we-rao-kẽen-kãngã sẽn dɩt nebã wala y sẽn tẽrã. Tõnd dɩka Amoor-dãmbã tãng sor wa Sẽn-Ka-Saab sẽn yaa tõnd Wẽnnaamã sẽn dag n yeel tõndã, la tõnd taa Kadɛɛs-Barneya.

Yaoolem 32:10

Sẽn-Ka-Saab tɩ yãnda bãmb we-raoog pʋgẽ, yaa we-raoog sẽn yaa koɛɛng n pid ne we-rũms yãbre. Sẽn-Ka-Saab gũbga bãmba. Bãmb gesa b yelle. Bãmb gũu bãmb wa b nin-beelle.

Yaoolem 8:2

La y tẽeg Sẽn-Ka-Saab sẽn yaa yãmb Wẽnnaamã sẽn tall yãmb n gilim we-raoogã pʋgẽ yʋʋm pis-naasã, sẽn na n yɩl n nams yãmb la b mak yãmb n bãng bũmb ning sẽn be yãmb sũyẽ wã, y sã n na n saka bãmb tõodã, wall y sã n ka na n sake.

Bʋ-kaoodba 6:13

La a Zedyõ leokame yaa: «Y kabre m soaala, Sẽn-Ka-Saab sã n bee ne tõndo, bõe yĩng tɩ yel-bãmbã fãa paamd tõndo? La bãmb sẽn dag n maan bõn-bãn nins fãa tɩ tõnd yaab-rãmbã togsd tõndã bee yɛɛnẽ? Tõnd yaab-rãmb yeela tõnd tɩ yaa Sẽn-Ka-Saab n yiis tõnd Ezɩpt tẽnga.» La maana a wãn moasã, tɩ Sẽn-Ka-Saab bas tõnd tɩ Madiyã nebã soog tõndo?