Zeremi 2:3 - WẼNNAAM SEBRE 2014

³ Israyɛll nebã, yãmb dag n yaa neb sẽn welg toor Sẽn-Ka-Saab yĩng wa bɩle dẽenem biisi. Ned ning fãa sẽn sɩɩs-a yãmb rogenda taal a meng zugu, la toog na n paama a soaba. Maam a Sẽn-Ka-Saab n yeele.› »

SEBR SÕNGO

³ Israyɛl, fo ra yaa maam m ye soolem, wala kood-rẽeng biisi. Ned sã n da sɩɩs-fo, d da reegda toogo, yel-beed da wẽnegd n lʋɩta a soab zugu.» Soaala-Wẽnd n gomde.

Zeremi 2:3 Iomraidhean Croise

Yikri 22:29

La bɩ f maan woto ne f rũm-bɛdã la f rũm-bãoonegã me. Rũm-dẽeng tog n paa ne a ma rasem a yopoe. La rasem a nii wã daare, bɩ f tall-a n wa kõ maam.

Yikri 23:16

Maan f tʋʋmdã dẽenem biisã fo sẽn bʋd f pʋʋgẽ wã tigri. La f maan tigsg tigr sɩpaolgo, wakat ning fo sẽn wʋk f bõn-koaadlã biis n wa yirã.

A Ezayi 41:11

Neb nins fãa sũy sẽn puud ne foomã na n paama yãnd ne paoogre. Sẽn zabd-b ne foomã na n lebga zaalem n meneme.

A Ezayi 47:6

Mam sũur dag n yika ne m nebã, mam dag n paooga mam nebã, mam dag n dɩk-b lame n bas fo nugẽ, la fo ka zoe bãmb nimbãaneg ye. Fo namsa bãmb nin-kẽembã wʋsgo.

Zeremi 12:14

Ad Sẽn-Ka-Saab sẽn yet mam yag-wẽnsã fãa sẽn sãamd tẽng ning mam sẽn pʋɩ n kõ Israyɛll buudã sẽn yaa mam nebã wɛɛngẽ. Woto yĩnga, mam na n diga bãmb n yiis-b b tẽngẽ wã, la m na n yiisa Zʋʋda nebã bãmb sʋka.

Zeremi 2:4

A Zakoob yagense, yãmb fãa sẽn yaa Israyɛll buudã, kelg-y Sẽn-Ka-Saab goamã!

Zeremi 30:16

Yaa rẽ n kɩte, tɩ neb nins fãa sẽn sãamd-b yãmbã na n sãame. Sẽn kis-b yãmbã fãa na n kẽnga yembdo. Sẽn namsd-b yãmbã na n paama namsgo, la mam na n basame tɩ b fã sẽn fãad-b yãmbã fãa.

Zeremi 50:7

Sẽn seg-a bãmb yõgd-b lame n wãbdẽ, la b bɛɛbã rag n yetame: Tõnd ka beeg ye. La nin-bãmbã maana yel-wẽn n beeg Sẽn-Ka-Saab sẽn yaa tɩrlem soabã. Bãmb beega Sẽn-Ka-Saabo, soab ning bãmb yaab-rãmbã sẽn dag n teegã.

A Zowɛlle 1:3

Rɩk-y-yã-a n togs y kambã, tɩ bãmb me wa rɩk-a n togs b kambã, tɩ b kambã me wa rɩk-a n togs zamaan ning sẽn watã!

A Amoose 6:1

Sẽn vɩ-b Sɩyõ tẽngã pʋg ne bãanã na n paama toogo! Sẽn be-b Samaari tãngã zug tɩ b sũur keemẽ wã, ne tẽn-kãsengã nin-kãsems Israyɛll nebã sẽn kẽnd-b rãmb nengẽ wã na n paama toogo!

Abakuk 1:11

Bãmb pɩʋʋgd n loogda wa sob-raoogo, b maanda wẽnga, la bãmb pãngã n yaa b Wẽnnaam!»

Zakari 1:15

la mam sũurã yika wʋsg ne buud nins sẽn vɩ-bãanã. Mam sũurã yaool n dag n yika bilf bala. La bãmb leb n wa paasa toogã.»

Zakari 2:8

n yeel-a yaa: «Wudg n tɩ yeel bi-bɩ-kãngã yaa: ‹Zeruzalɛm na n yɩɩ tẽng sẽn ka tar lalga, ninsaalbã ne rũmsã sẽn na n lebg wʋsg a pʋgẽ wã yĩnga.› »

Sõadga 18:12

Mam leb n kõta foom bõn-koaadlã dẽenem biis nins Israyɛll nebã sẽn kõt maamã: Yaa kaam sẽn yaa sõama, ne reezẽ rã-paalga, la ka-paandã Israyɛll nebã sẽn na n yãk n wa kõ maamã.

Rom Dãmba 11:16

La dẽenem biisã sã n welga toor Wẽnnaam yĩnga, zom-nagdgã me welga toore. La yẽgrã sã n welga toor Wẽnnaam yĩnga, wilã me yaa a woto.

Rom Dãmba 16:5

Pʋʋs-y nin-tũusds nins sẽn be bãmb zakẽ wã me. Pʋʋs-y m zo-nongr a Epayinet sẽn yaa Aazi soolmã dẽenem biis Kiris yĩnga.

Efɛɛz Rãmba 1:4

Wẽnnaam yãka tõnd Kiris maasem yĩng sẽn deng dũni naanego, tɩ tõnd yɩ neb sẽn yell bãmb taoor ye. Wẽnnaam nonglmã pʋga,

Yaoolem 14:2

Bala, yãmb yaa neb sẽn welg toor Sẽn-Ka-Saab sẽn yaa yãmb Wẽnnaamã yĩnga. Sẽn-Ka-Saab sẽn yaa yãmb Wẽnnaamã yãka yãmb buud nins sẽn be tẽng zugã sʋk n maan b meng nebã.

Yaoolem 26:19

Dẽ, bãmb na n zẽka yãmb n kõ yãmb waoogre, la b kɩt tɩ y yʋʋr yi, la b kõ yãmb ziir n yɩɩg buud a taabã fãa bãmb sẽn naanã, tɩ yãmb tõe n lebg neb sẽn welg toor Sẽn-Ka-Saab sẽn yaa yãmb Wẽnnaamã yĩnga, wa b sẽn dag n yeel yãmbã.

Yaoolem 7:6

Bala, yãmb yaa buud sẽn welg toor Sẽn-Ka-Saab sẽn yaa yãmb Wẽnnaamã yĩnga. Sẽn-Ka-Saab sẽn yaa yãmb Wẽnnaamã yãka yãmb buud nins sẽn be tẽngã zugã sʋk tɩ y yɩ bãmb nebã.

Zake 1:18

Bãmb n dog tõnd wa sẽn zems b raabo, sɩd-goamã maasem yĩnga, tɩ tõnd na lʋɩ bãmb bõn-naandsã fãa taoore.

1 Pɩyɛɛr 2:9

La yãmb yẽ, yãmb yaa buud b sẽn tũusi, la naam maan-kʋʋdba, la buud sẽn welg toor Wẽnnaam yĩnga, neb Wẽnnaam sẽn da tɩ y moon n wilg sẽn bool-a yãmb n yiis likã pʋgẽ, n kẽes-y vẽenem sẽn be ziirã pʋgã tʋʋm sõama wã.

Vẽnegre 14:4

Yaa neb nins sẽn ka rẽgem b mens ne pagbã, bala b ka sãam ye. Bãmb na n pʋgda pe-bilã n dabd zĩig ning fãa b sẽn dabdã. B raa bãmb n yiis nebã sʋka, tɩ b yɩ wa dẽenem biis Wẽnnaam ne pe-bilã yĩnga,