Zeremi 2:25 - WẼNNAAM SEBRE 2014

²⁵ Israyɛll nebã, gũus-y y mense, sã n ka rẽ, yãmb na n wa zoee nao-zaala, la y koeesã me na n kʋɩɩme! La yãmb yeelame tɩ rẽ ka yell ye, tɩ y nonga bu-zẽms wẽnnaam-dãmba, la y na n pʋg-b lame.

SEBR SÕNGO

²⁵ Gũus f menga Israyɛl! F sã n zoet ne tĩiga, f na n pogla f naoore ko-yũud na n yõk-f lame. La fo leokdame tɩ m da wɩɩg n gom ye, tɩ f nonga f wẽn-sãamse, tɩ bãmb bal la f rat n pʋge.

Zeremi 2:25 Iomraidhean Croise

2 Kibayã 28:22

La yẽnda sẽn wa n be toogã pʋgã, a kell n maana sẽn ka zems n beeg ne Sẽn-Ka-Saab n paase.

2 Kibayã 28:23

A Akaaz maana maoong n kõ Damaas nebã sẽn tõog yẽnda wã wẽn-naands n yeel yaa: «Siiri nebã wẽn-naandsã sẽn sõngd-bã yĩngã, mam me na n maana maoong n kõ-b tɩ b wa sõng-ma.» La yaa wẽn-naands bãmb n wa ne a Akaaz ne Israyɛll nebã sãoongo.

A Ezayi 2:6

Sẽn-Ka-Saabo, yãmb basa a Zakoob buudã sẽn yaa y nebã, a sẽn pid ne yaang nebã manesmã, la a pid ne neb sẽn bʋgd bagr wa Filistẽ-dãmbã, la a maan zems-n-taar ne sãambã yĩnga.

A Ezayi 57:10

Yãmb sẽn kẽn wʋsgã yĩnga, yãmb yɛɛme la y ka yeel tɩ y na n basame tɩ lʋɩ ye! Yãmb ket n tara pãnga, la fo ka tol n yɛ me ye.

Zeremi 13:21

Fo sẽn kɩt tɩ neb nins minim foom n lebg fo sõsd-n-taasã sã n wa yik n dat n soog foom, fo na n yeelame tɩ bõe? Yaa toog bal n na n wʋm foom wa pag sẽn kũmd dogem.

Zeremi 13:22

La fo sã n wa sokd f meng tɩ maana a wãn tɩ yel-kãngã wa lʋɩt f zugu, bɩ f bãng tɩ yaa fo kongrã sẽn yaa wʋsgã yĩngã la b sẽn kool fo fuugã la b yõg-fã.

Zeremi 14:10

Sẽn-Ka-Saab gomda nin-kãensã wɛɛngẽ n yetẽ: «Bãmb nong n saada zĩig fãa, n ka zĩ zĩ-yend ye! Woto, bãmb ka ta maam a Sẽn-Ka-Saab yam ye. Moasã m na n tẽega b yel-wẽnã yell n sɩbg-ba.»

Zeremi 18:12

La nebã na n yeelame: «Ra nams-y y meng ye! Tõnd ned kam fãa na n maana wa a sẽn tagsde, d na n maana wa sẽn zems d sũ-keglmã.»

Zeremi 2:31

Yãmb a zamaan-kãngã nebã, kelg-y Sẽn-Ka-Saab goamã! Mam dag n yaa wa we-raoog ne Israyɛll bɩ? Bɩ tẽng sẽn yaa lik ne bãmba? Mam nebã, bõe yĩng tɩ yãmb yetẽ tɩ y rat n maana y yam, la y ka rat n lebg n wa mam nengẽ?

Zeremi 22:20

Zeruzalɛm nebã, rʋ-y Libã tãngã zug n yãbe! Kɩt-y tɩ y koees sãd Basã tãngã zugu! Rʋ-y Abarim tãngã zug n kelme! Bala, b sãama f rolsen-dãmbã fãa.

Zeremi 22:21

Maam a Sẽn-Ka-Saab rag n goma ne yãmb wakat ning y sẽn dag n zĩ bãanã, la yãmb yeelame tɩ y kõn deeg ye. Yãmb yel-manesem la a woto hal y bi-bɩɩlem wakate, la y ka kelg maam ye.

Zeremi 3:13

Sak-y n deeg-y bal tɩ y kongame. Yaa Sẽn-Ka-Saab sẽn yaa yãmb Wẽnnaamã la y zãgs yã. Yãmb kẽngame n tɩ waoog bu-zẽms wẽnnaam-dãmb tɩɩs sẽn tar maasem tẽngre, n ka kelg mam goamã ye. Maam a Sẽn-Ka-Saab n yeele.»

Zeremi 44:17

Tõnd dat n maana bũmb nins tõnd sẽn dag n yeelã: d na n yõoga wisd n kõ saasẽ dĩm-poakã, la d kõ-a bõn-yũudl kũuni, wa tõnd mensã ne d yaab-rãmbã, la d rĩm-dãmbã ne d nanambsã sẽn dag n maan Zʋʋda soolem tẽmsã pʋs ne Zeruzalɛm soayã zutã. Wakat-kãnga, tõnd dag n dɩtame n tɩgda, d sũy rag n yaa noogo, la toog ka tol n paam tõnd ye.

Kʋʋr yɩɩla 1:2

Yẽnda yãbda yʋngã tõre, la a nintãmã sedgda a yegdsã zutu. Neb nins sẽn dag n nong yẽnda wã, ned baa a ye ka belsd yẽnda ye. Yẽnda zo-rãmbã fãa zãmba yẽnda, b lebga yẽnda bɛɛba.

Kʋʋr yɩɩla 4:4

Ko-yũud tara bi-pɛɛlg hal t'a zelemd tabend a ragsendaka. Kom-bãooneg kota rɩɩbo, la ned ka kõt bãmb ye.

Ezekiyɛl 20:32

Yãmb sẽn tagsd n dat bũmb ningã kõn tol n yɩ ye.» Yãmb yetame: «Tõnd dat n yɩɩ wa buud a taabã, wa buud nins sẽn be tẽms a taab pʋsã. Tõnd datame n waoog tɩɩsã ne kugã.»

A Ooze 2:3

Bool-y y saam-biisã tɩ ‹mam nebã›, la y bool y tãopã tɩ ‹b sẽn zoet-b rãmb nimbãanega.›

A Ooze 2:5

Sã n ka rẽ, mam na n yees-a lame n bas-a a zaala, wa a ma sẽn dog-a to-to wã. Mam na n kɩtame t'a lebg wa we-raoogo, la wa tẽng sẽn kʋɩ, la ko-yũud n na n kʋ-a.

Malasi 3:14

Yãmb yeelame: ‹Tõnd sẽn sakd Wẽnnaamã yaa zaalem bala. Tõnd sẽn maand bãmb tʋʋmdã, la d kẽnd ne sũ-sãang Saasẽ-Pãng-Soabã yĩngã, nafa tõnd ne bõe?

A Luk Sõng 15:22

La a ba wã yeela a tʋmtʋmdbã yaa: «Wa-y ne fuug ning sẽn yaa-a neer n yɩɩdã tao-tao n yeelg-a. Ning-y-yã-a nug-bilã nugbĩnga, la y wid-a neooda.

A Luk Sõng 16:24

Yẽnda zẽka a koɛɛg n yeel: «M ba a Abrahaam! Zoe-y mam nimbãanega, n tʋm a Lazaar t'a tẽk a nug-bil koomẽ n wa n wʋlg m zelemdã. Bala, mam namsda wʋsg bug-kãngã pʋgẽ.»

Rom Dãmba 8:24

Bala, tõnd paama fãagre, la yaa ne tẽebo. La bũmb ning fo sẽn gũud ne tẽebã sã n yaa bũmb f sẽn ne, ka leb n ya tẽeb yell ye. Fo sã n ne bũmbu, f tõe n leb n tẽe a paoong yɛsa?

Yaoolem 28:48

yãmb na n tʋma bɛɛb nins Sẽn-Ka-Saab sẽn na n tʋm yãmb nengẽ wã yĩng ne kom, la ko-yũudu, la bɛɛla, n ka tar baa fɩ ye. Bɛɛbã na n balga yãmb kut yubl balgre, n zɩsg y poayã, hal n wa sãam yãmba.

Yaoolem 32:16

Bãmb kɩtame tɩ sũ-kiir yõk Sẽn-Ka-Saabo. Bãmb sẽn tũud wẽn-sãamsã yĩnga. Bãmb kɩɩsda Sẽn-Ka-Saab ne yel-beed nins b sẽn maandã.