Zeremi 2:23 - WẼNNAAM SEBRE 2014

²³ Yãmb ka tar zug n na n yeele: «Tõnd ka rẽgem d mens ye, tõnd ka tũ Baall-dãmbã ye!» Ges-y y sorã sẽn tɩ be long pʋgã. Ges-y y sẽn maandã. Yãmb wẽnda wa yʋgem-yãang sẽn saad n yeebdẽ!

SEBR SÕNGO

²³ Fo na n maana wãna n tõog n yeele: Mam ka rẽgem m meng ye, m ka zoe n pʋg Baal dãmb ye. Ges f nao-tagdr sẽn dɩg bãg-faagẽ, reeg f kongre. Ad-f wẽnda yʋgem-sɛdga, n saad n zoet goabg la rɩtgo.

Zeremi 2:23 Iomraidhean Croise

A Ɛstɛɛre 8:16

Zʋɩf-rãmbã sũur dag n yaa noogo, tɩ b kɩdemdẽ, la b rag n paama zu-zẽkre.

Yɩɩn‑sõamyã 36:2

Nin-wẽngã kɩɩsg gomdã paa mam sũurẽ, yẽnda ka zoet Wẽnnaam ye.

Yɩɩn‑sõamyã 50:21

Woto n yaa fo manesem, tɩ mam sĩnda. Fo tẽedame tɩ mam yaa wa foom? La ade, mam na n ninga foom taale, n vẽneg fãa n wilg-fu.

Yelbũna 28:13

Sẽn solgd-a a kongr ka na n paam tõogr ye. La ned sã n vẽneg n togs a kongr n bas-a, a paamda nimbãan-zoeere.

Yelbũna 30:12

Neb n be n yetẽ tɩ b yaa yɩlma, n yaool n nan ka paam pekr ne b rẽgdã ye.

Yelbũna 30:20

Pʋg-yoodr manesem yaa a woto: Yẽnda maanda wẽng n bas n yetẽ t'a ka maan bũmbu, tɩ yaa wa a sẽn dɩ n sɛ, n bas n yẽes a noore.

Zeremi 14:10

Sẽn-Ka-Saab gomda nin-kãensã wɛɛngẽ n yetẽ: «Bãmb nong n saada zĩig fãa, n ka zĩ zĩ-yend ye! Woto, bãmb ka ta maam a Sẽn-Ka-Saab yam ye. Moasã m na n tẽega b yel-wẽnã yell n sɩbg-ba.»

Zeremi 16:10

Fo sã n togs nin-bãmbã gom-kãensã fãa tɩ b sok foom: «Bõe yĩng tɩ Sẽn-Ka-Saab yãk yam n na n kɩt tɩ to-kãseng a woto paam-do? Tõnd beegrã yaa bõe? Bõe yel-wẽn la tõnd maan n beeg Sẽn-Ka-Saab sẽn yaa tõnd Wẽnnaamã?»

Zeremi 2:36

Yaa bõe tɩ y tekd yam tao-tao woto? Ezɩpt me na n ninga yãmb yãnde, wa Asiiri sẽn dag n ning yãmb yãndã.

Zeremi 3:2

Zẽk-y y nens n ges tãn-bɛɛlã zutu. Rẽ yĩnga, tãng bee bãmb sʋkã yãmb sẽn ka maan wa yoaadb a zug sɩda? Yãmb yasa sor noor n gũud y rolsen-dãmba, wa Araab sẽn gũud neb we-raoog pʋgẽ. Yãmb dẽgma tẽngã ne y yoobã, la ne y wẽngã maanego.

Zeremi 31:22

Bi-tõtre, fo na n yeeba a woto tɩ ta dabʋre? Bala, bõn-paalg la Sẽn-Ka-Saab maan dũniyã zugu. Pag n baood rao a toore!

Zeremi 7:31

Bãmb mee maoong kʋʋb zĩisi, zĩig ning b sẽn boond tɩ Tofɛtã sẽn be Bɛn-Hinom longã pʋgẽ wã, n dɩk b kom-pugli la b kom-dibli n maan maand n yõog bugum b zutu. Bõn-kãng yaa bũmb mam sẽn ka yeel bãmb tɩ b maan ye. M nan zɩ n tags bũmb a woto yell meng ye.»

Zeremi 9:14

Woto yĩnga, maam a Saasẽ-Pãng-Soabã sẽn yaa Israyɛll Wẽnnaamã yetame: Mam na n kõo bãmb zẽed sẽn yaa toog liga tɩ b rɩ, la m kõ-b ko-zẽnem tɩ b yũ.

A Ooze 1:2

Ad goam nins Sẽn-Ka-Saab sẽn tũnug a Ooze n togsã sɩngre. Sẽn-Ka-Saab yeela a Ooze yaa: «Kẽng n tɩ peeg pʋg-yoodr n maan f paga, t'a rog yoodem kamba, Bala, tẽn-kãngã nebã basa maam a Sẽn-Ka-Saabo, wa pag sẽn bas a sɩd n kẽng yoobo.»

A Luk Sõng 10:29

La yẽnda sẽn dat n wilg t'a yaa tɩrga, a soka a Zeezi yaa: «Ãnda la mam to?»

Rom Dãmba 3:19

Tõnd yaool n miime tɩ bũmb ning fãa tõogã sẽn yetã, a yeta neb nins fãa sẽn loe ne tõogã, tɩ noyã fãa na mume, tɩ nebã na bãng tɩ Wẽnnaam nifẽ, nebã fãa yaa bɛɛgdba.