Zeremi 2:21 - WẼNNAAM SEBRE 2014

²¹ Mam dag n sela yãmb tɩ y yaa wa reezẽ tɩ-sõngo, la wa tɩɩg sẽn yaa sõama hal wʋsgo. La maana a wãn tɩ yãmb tek n lebg wa reezẽ tɩɩg sẽn ka leb n yaa sõama?

SEBR SÕNGO

²¹ Mam yaool n da sela foom wala bugsuntungu sẽn ya sõmbo, t'a biisa me ya sõma. La maana a wãn marsã tɩ fo lebg bugsuntung yooko, n womd biis sẽn ka lebd be?

Zeremi 2:21 Iomraidhean Croise

Sɩngrẽ 18:19

Bala, mam yãka yẽnda t'a wilg a kambã ne a yagensã sẽn na n pʋgl yẽnda n wa wã, tɩ b tũ Sẽn-Ka-Saab sore, la b maan sẽn yaa tɩrga la sẽn zemse. Woto, Sẽn-Ka-Saab na n pidsa bũmb ning bãmb sẽn dag n gom a Abrahaam wɛɛngẽ wã n kõ-a.»

Sɩngrẽ 32:28

Dẽ, raoã soka a Zakoob yaa: «Fo yʋʋr la a bõe?» A Zakoob leokame tɩ yẽnda yʋʋr la a Zakoobe.

Yɩɩn‑sõamyã 44:2

Wẽnnaam, tõnd mens tʋb wʋmame, tõnd yaab-rãmbã togsa tõndo, b togs-d-la tʋʋm nins yãmb sẽn tʋm bãmb wakatẽ wã, sẽn yaa kʋdem-wẽndẽ wã.

Yɩɩn‑sõamyã 80:8

Wẽnnaam sẽn yaa Saasẽ-Pãng-Soaba, leb-y n paas-y tõnd pãnga! Kɩt-y tɩ y nengã vẽenem yãg n bui-du, tɩ d paam fãagre!

Yɩɩn‑sõamyã 80:9

Yãmb dag n võoga reezẽ tɩɩgã n yiis Ezɩpt tẽnga, n dig bu-zẽmsã n sel-a.

Yikri 15:17

Sẽn-Ka-Saabo, yãmb na n talla bãmb n wa sel yãmb tãngã zugu, zĩig ning yãmb sẽn segl n na n zĩnd a pʋgẽ wã, yaa zĩig ning sẽn welg toorã, yaa zĩig yãmb sẽn yẽbg ne y meng nusi.

A Ezayi 1:21

Maana a wãn tɩ tẽng ning sẽn dag n yaa sakdã lebg yoob tẽnga? A rag n yaa tẽng sẽn pid ne zemsgo, la tɩrlem dag n bee beenẽ, la moasã, a pida ne nin-kʋʋdba.

A Ezayi 27:2

Badaare, pʋd-y yɩɩll reezẽ tɩɩg sẽn kõt reezẽ-rã-noogã yĩnga.

A Ezayi 41:8

La foom a Israyɛll sẽn yaa mam tʋmtʋmdã, foom a Zakoob mam sẽn yãkã, fo yaa mam zoa a Abrahaam yagenga!

A Ezayi 5:4

Bõe la mam dag n tog n maan m reezẽ tɩɩs pʋʋgã yĩng n ka maane? Bõe yĩng tɩ mam tags t'a na n woma reezẽ-sõama t'a wa womd bi-põaasa?

A Ezayi 60:21

Fo nebã zãng na n yɩɩ nin-tɩrse, bãmb na n sooga tẽngã wakat fãa. Yaa tɩ-tobeng ning mam sẽn selã, yaa mam mengã n tʋm woto, n na n wilg mam ziirã.

A Ezayi 61:3

tɩ m kɩt tɩ Sɩyõ nebã sẽn be sũ-sãang pʋgã leb n paam sũ-noogo, la m yãk tompeglmã sẽn be b zutẽ wã, la m teeg b zutã ne waoogr peende, n sõog sũ-noog kaam la ka sũ-sãang ye. La m yeelg-b ziir fuug la ka nimbãaneg ye. B na n boonda bãmb tɩ ‹tɩrlem terebẽnt tɩɩse›, n yaa tɩɩs ‹Sẽn-Ka-Saab sẽn sele›, sẽn wilgd tɩ Sẽn-Ka-Saab tara ziiri.

Zeremi 11:16

Mam dag n pʋda yẽnda yʋʋr tɩ oliiv tɩ-sõng sẽn womd bi-sõama. La bʋr-kãseng pʋgẽ, mam na n yõoga a vãadã bugum, la m kao a wilã.

Zeremi 11:17

Saasẽ-Pãng-Soabã sẽn sel yãmb a Israyɛll ne Zʋʋda nebã yetame tɩ toog na n waa yãmb zutu, wẽng ning yãmb sẽn maanã yĩnga. Yãmb yõoga wisd n kõ Baalle, n kɩt tɩ m sũurã puugi.

Zeremi 5:10

Rʋ-y b lalsã n kẽ n sãam b reezẽ tɩɩsã pʋto, la y ra sãam-b zãng ye. Kɛ-y b wilã, bala, bãmb ka maam a Sẽn-Ka-Saab rẽnd ye.

Kʋʋr yɩɩla 4:1

Kayto! Sãnemã ka leb n pɩnd ye. Sãnem halaalã tekame. B sãeega kug sẽn welg toorã n pid so-tiisã fãa.

Ezekiyɛl 15:2

«Ninsaala, dẽ yĩnga, reezẽ tɩɩg raoog sãoo tɩɩs a taabã raad ne bõe? Yẽnda wilã tara yõod n yɩɩd weoogã tɩɩs a taabã wil bɩ?

A Matiye Sõng 21:33

Kelg-y yel-bũnd a to. Yir soab a yembr n dag n sel reezẽ tɩɩs pʋʋgo, n wẽ yãgr n gũbg-a, la a tuk reezẽ rãam wẽkr bok a pʋgẽ, la me gãosgo, n dɩk-a n peng reezẽ tɩɩs pʋʋg koaadba, la a yi n tog sore.

A Mark Sõng 12:1

Dẽ poore, a Zeezi sɩngame n tão bãmb yel-bũnd n yeele: «Dao a yembr n dag n sel a reezẽ tɩɩse, n wẽ yãgr n gũbg-a, n tuk reezẽ rãam wẽkr boko la a me gãosgo. La yẽnda gũnug-a-la ne reezẽ tɩ‑koaadba la a bas n tog sore.

A Luk Sõng 20:9

La a Zeezi sɩngame n wẽ nebã yel-bũn‑kãngã n yeele: Dao a ye n da sel reezẽ tɩɩs pʋʋgo, n dɩk-a n peng reezẽ tɩɩs pʋʋg koaadba, la a yi n tog sor n na n tɩ kaoose.

A Zã Sõng 15:1

Mam yaa reezẽ tɩɩg meng-menga, la m ba yaa reezẽ tɩɩgã koaada.

Yaoolem 32:32

Bala, bãmb reezẽ tɩɩsã yẽgr yita Sodom ne Gomoor soolmã reezẽ tɩɩsã yẽgrẽ. Bãmb reezẽ biisã tara zẽnem. B reezẽ-gĩnã yaa toog liga.

Yaoolem 4:37

Bãmb sẽn nong yãmb yaab-rãmbã yĩng n kɩt tɩ b loogrã poore, b yãk bãmb yagensã, la bãmb mengã n yiis yãmb Ezɩpt tẽngã ne pãn-kãsenga.

Zozuwe 24:31

Israyɛll nebã saka Sẽn-Ka-Saabo, a Zozoe vɩɩmã wakate, la nin-kẽemb nins sẽn dag n be ne a Zozoe wã vɩɩm wakate, la b sẽn da ket n tẽr Sẽn-Ka-Saab sẽn maan bũmb nins fãa n kõ Israyɛll nebã wakate.