Zeremi 2:13 - WẼNNAAM SEBRE 2014

¹³ Bala, mam nebã maana yel-wẽn a yiibu. Bãmb basa mam sẽn yaa vɩɩm ko-bundum b yĩngã, n tu ko-bao n kõ b mense. La b ko-baoã yaool n yaa võy n ka tõe n tall koom ye.

SEBR SÕNGO

¹³ Yaa yel-wẽna a yiib la mam neba maan yã: b basa maam, mam sẽn ya ko-vɩɩga, ko-nifu, n na n tu bul-kẽoto, buls sẽn yũnd koom.

Zeremi 2:13 Iomraidhean Croise

2 Rĩm-dãmba 22:17

Bãmb sẽn wẽnemd n bas maam n yõog wisd n kõ wẽn-naandse, la b tʋm tʋʋm-wẽns buud fãa wã yĩnga, mam sũurã yika ne tẽn-kãngã n ka na n sig ye.

Yɩɩn‑sõamyã 36:9

Yãmb doogã pida ne rɩɩbo, tɩ b rɩt n tɩgda, la yãmb kõt-b-la y sõmblem ko-noogã tɩ b yũuda.

Kowelɛt 1:14

Mam yãnda tʋʋm nins fãa sẽn maand saasã tẽngrã. Fãa yaa zaalem. Fãa yaa wa ned sẽn digd sobg bala.

Kowelɛt 1:2

Koɛɛg soabã yeelame yaa: «Zaalem woo zaalem, bũmb fãa yaa zaalem.

Kowelɛt 12:8

Koɛɛg Soabã yetame: «Zaalem fasɩ! Bũmb fãa yaa zaalem bala.»

Kowelɛt 2:11

La mam tagsa tʋʋm nins fãa mam nus sẽn dag n maanã, la namsg nins fãa mam sẽn dag n namsã yelle. La ade, fãa yaa zaalem. A wẽnda wa ned sẽn digd sebgo. Bũmb sẽn tar yõod ka be dũniyã zug ye. Yam la yalemd ka võor ye.

Kowelɛt 2:21

Bala, nina tʋmda ne yẽesem la bãngr la tõogre, n bas a yõodã tɩ ned a to sẽn ka maan tʋʋmdã wa rɩke. Woto me yaa zaalem, la a yaa wẽng wʋsgo.

Kowelɛt 2:26

Ned manesem sã n tat Wẽnnaam yam, bãmb kõta a soab yam la bãngre, la sũ-noogo. La bãmb kõta yel-wẽn soab namsgo, t'a tʋm n wʋk n bĩng ned ning sẽn tat Wẽnnaam yamã. Woto me yaa zaalem, la a wẽnda wa ned sẽn digd sebgo.

Kowelɛt 4:4

Mam yãndame tɩ tʋʋm nins fãa nebã sẽn maandã, la tõogr ning nebã sẽn tõogd b tʋʋmã pʋgã, yaa sũ-kiir la ned kam fãa maand ne a to. Woto me yaa zaalem, la a wẽnda wa ned sẽn digd sebgo.

A Ezayi 1:3

Naaf mi a soaala, la bõang mii zĩig ning yẽnda soaalã sẽn ningd yẽnda rɩɩbã. La Israyɛll ka mi baa fɩ ye, mam nebã yaa tʋb-pa-wʋmdba.

A Ezayi 1:4

Toog bee bu-kãngã sẽn yaa yel-wẽn-maandã zugu, bãmb yaa koangdba, bãmb yaa tʋʋm-wẽns rãmba, bãmb yaa kom-wegemse! Bãmb basa Sẽn-Ka-Saabo, bãmb paooga Israyɛll Pʋ-Peelem-Soabã, bãmb wẽnemd n basa bãmba.

A Ezayi 12:3

Yãmb na n kẽnga fãagr bulgẽ wã n tɩ toog koom ne sũ-noogo.

A Ezayi 5:13

Yaa rẽ n kɩte, tɩ b na n yiis mam nebã n tɩ kẽes yembdo, b sẽn ka tar bãngrã yĩnga. Kom na n kʋʋ bãmb nanambsã, la ko-yũud na n kʋʋ mam nebã sẽn yaa kʋʋngã.

A Ezayi 55:2

Bõe yĩng tɩ yãmb dɩkd y ligd n daad bũmb ning sẽn ka rɩɩbo? Bõe yĩng tɩ yãmb namsd y mens bũmb sẽn ka pit pʋg yĩnga? Dẽ wã, kelg-y maam tɩ y na n dɩɩ rɩ-sõngo, la yãmb na n paama rɩ-nood n dɩ n tɩge.

A Ezayi 63:8

Bãmb yeelame: «Sɩdã, bãmb yaa mam nebã, bãmb yaa mam kamb sẽn ka yagd zĩrẽ ye! Sẽn-Ka-Saab yɩɩ bãmb fãagda.

Zeremi 1:16

Mam na n kaoo bãmb bʋʋdo, tʋʋm-wẽns nins fãa b sẽn maanã yĩnga: bãmb sẽn bas maam n yõogd wisd n kõt buud a taabã wẽnnaam-dãmbã, la b wõgemded n waoog bõn-naandsã sẽn yaa b nug tʋʋmdã yĩnga.

Zeremi 14:3

Nanambsã tʋma neb nins b sẽn so wã tɩ b tɩ bao koom n wa. Bãmb kẽnga kʋɩlsẽ wã, la b ka yã koom ye. Bãmb lebg n waa ne yʋ-vɩɩdo. Yãnd tar-b lame tɩ b sulg b zutu.

Zeremi 15:6

Maam a Sẽn-Ka-Saab yetame: Yãmb basa maam, yãmb tuda maam y kudga. Woto yĩnga, mam zẽka m nug n sãamd yãmba. Mam yam ya n yii ne yãmb nimbãaneg zoeese.

Zeremi 17:13

Sẽn-Ka-Saab sẽn yaa Israyɛll tẽebo, neb nins fãa sẽn basd-b yãmbã na n paama yãnde. Bãmb na n menema wa ned yʋʋr sẽn gʋls tẽng tom zugu, bala, bãmb basa yãmb sẽn yaa vɩɩm ko-bundgã.

Zeremi 18:14

Pĩisã sẽn be weoogẽ wã koom sɛtame sɩda? Libã tãmsã kʋɩls koom sẽn yaa maasgã kʋɩtame sɩda?

Zeremi 19:4

Bala, bãmb basa maam n yõogd wisd n kõt buud a taab wẽnnaam-dãmb bãmb ne b yaab-rãmbã la Zʋʋda rĩm-dãmbã sẽn ka mi, n dẽgem zĩ-kãngã. Bãmb pidsa zĩ-kãngã ne bʋʋm dãmb zɩɩm.

Zeremi 2:11

Buud beeme n tek a wẽnnaam-dãmba, baa ne b sẽn ka wẽnnaam-dãmb sɩd-sɩdã? Mam nebã yẽ, bãmb dɩka waoogr ning mam sẽn kõ bãmbã n tek ne bũmb sẽn ka yõodo.

Zeremi 2:17

Yel-kãngã sẽn paam yãmbã ka yãmb sẽn bas Sẽn-Ka-Saab sẽn yaa y Wẽnnaamã, wakat ning b sẽn yãag yãmb sorã zugã sɩda?

Zeremi 2:26

Israyɛll nebã na n paama yãnde. Bãmb ne b rĩm-dãmbã la b nanambsã ne b maan-kʋʋdbã la b no-rɛɛsdbã na n paama yãnde, wa wagdr b sẽn lingi.

Zeremi 4:22

Sẽn-Ka-Saab yetame: «Sɩd-sɩdã, mam nebã ka tar yam ye. Bãmb ka mi maam ye. Bãmb yaa yalemba, b ka tar bãngr ye. Bãmb sẽn mi yaa wẽng maaneg bala, b ka tol n mi neer maaneg ye.»

Zeremi 5:26

Bala, nin-wẽns n be m nebã sʋka. Bãmb sora wa ned sẽn bẽd tãoog n na n yõk liuula. Bãmb gãnega gãmbr n yõgd ninsaalba.

Zeremi 5:31

No-rɛɛsdbã yagda zĩrẽ, la maan-kʋʋdbã maanda b sẽn date, tɩ mam nebã me nong rẽnda. La yãmb na n maana bõe bõn-kãens loogr zugẽ?

Ezekiyɛl 14:5

Woto, Israyɛll buudã neb nins sẽn zãag b mens ne maam b wẽn-naandsã fãa yĩngã sũy na n kao b bʋʋdo.

Ezekiyɛl 47:1

Raoã talla maam n lebg n wa Wẽnd doogã rignoor sẽnẽ. La koom n dag n bund n yit rigno-kaok tẽngre, yaang sẽnẽ, bala Wẽnd doogã rignoor dag n teesa yaanga. Koomã rag n zoeta Wẽnd doogã nug-goabg kɩrengã tẽngre, tẽn-kugrã nug-rɩtg sẽnẽ.

A Miise 2:8

Sẽn-Ka-Saab yetame: «Sẽn nan ka kaoose, yãmb yikame n lebg mam nebã bɛɛba. Bala, neb sã n yi zabr zĩigẽ n wat ne bãane, yãmb yekd-b lame n yeesd b fu-tagdã.

A Miise 6:3

Mam nebã, m maan-y-la bõe? M nams-y-la ne bõe? Leok-y-ma!

Zakari 13:1

Badaare, ko-bundum n na n pusg n yi a Davɩɩd buudã ne Zeruzalɛm nebã yel-wẽnã ne b rẽgdã pekr yĩnga.

A Zã Sõng 4:10

A Zeezi leok-a lame n yeele: «Fo sã n dag n miẽ Wẽnnaam kũunã, la f mi ned ning sẽn kot-a foom koomã n na n yũ wã, yaa foom n dag n na n kos-a, la a rag n na n kõo foom ko-bundga.»

A Zã Sõng 4:11

La pagã yeela bãmb yaa: «M kẽem sõngo, yãmb ka tar baa fɩ n na n toog koomã bulgẽ wã ye, tɩ bulgã yaool n zulmẽ. Dẽ, yãmb na n yãnda ko-bund-kãng yɛɛnẽ?»

A Zã Sõng 4:14

La ned ning fãa sẽn na n yũ koom ning mam sẽn na n kõ-a wã ye, ko-yũud kõn leb n yõka ye: la koom ning mam sẽn na n kõ-a wã na n lebga ko-bundg sẽn na n buli, hal tɩ ta vɩɩm sẽn kõn sa wã pʋgẽ.

A Zã Sõng 7:37

Tigrã yaoolem daare, daar ning sẽn yaa-a kãseng n yɩɩdã, a Zeezi yalsa yĩngr n zẽk b koɛɛg n yeele: Bɩ Ko-yũud sẽn tar ned ning wa mam nengẽ n yũ.

Yaoolem 31:16

Sẽn-Ka-Saab yeela a Moyiis yaa: «Gese, fo na n kiime n bʋʋg f saam-dãmba. La nebã na n yikame n tũ buud a taab wẽnnaam-dãmba, tẽng ning bãmb sẽn na n zĩndã pʋgẽ. Bãmb na n basa maam n sãam mam kaool ning mam sẽn maan ne bãmbã.

2 Pɩyɛɛr 2:17

Nin-kãens wẽnda buls sẽn ka tar koom ye, la wa sawat sobg sẽn dɩkda. B zĩig na n yɩɩ lik sẽn yaa bida pʋgẽ.

Vẽnegre 21:6

Bãmb yeela maam yaa: Maaname! Maam la Alfa la Omega, Sɩngre, la Sɛɛbo. Mam na n kõo ned ning ko-yũud sẽn tarã vɩɩm ko-bundmã zaalem.

Vẽnegre 22:1

Malɛɛkã wilga maam vɩɩm koomã kʋɩlga, kʋɩlg sẽn pɩnd wa vɛɛre, la a yita Wẽnnaam ne pe-bilã geerẽ wã.

Vẽnegre 22:17

Sɩɩg-sõng ne pʋg-paalã yetame yaa: Wa-y-yã! Bɩ ned ning sẽn wʋmd-a yeel tɩ: Wa-y-yã! Bɩ ko-yũud sẽn tar‑a soab wa, la sẽn dat-a bɩ a reeg vɩɩm koom zaalem!

Bʋ-kaoodba 10:13

La baa ne rẽ fãa, yãmb basa maam n waoog wẽnnaam-dãmb a taaba. Yaa rẽnda yĩng n kɩt tɩ m ka na n leb n fãag yãmb ye.

1 Sãmwɛlle 12:10

Bãmb kelem n boola Sẽn-Ka-Saab n yeele: ‹Tõnd beegame. Bala, tõnd basa Sẽn-Ka-Saabo, n tũ Baall ne Astarte wẽn-naandsã. Bɩ y fãag tõnd d bɛɛbã nusẽ moasã, tɩ d na n tũu yãmba.› »