Zeremi 2:11 - WẼNNAAM SEBRE 2014

¹¹ Buud beeme n tek a wẽnnaam-dãmba, baa ne b sẽn ka wẽnnaam-dãmb sɩd-sɩdã? Mam nebã yẽ, bãmb dɩka waoogr ning mam sẽn kõ bãmbã n tek ne bũmb sẽn ka yõodo.

SEBR SÕNGO

¹¹ B maneg n sok n ges tẽn-bʋg rãmba n teem b wẽnd dãmba? Ad-y yaool n da ka wẽnd me ye. Mam buuda zug sẽn noome t'a paam tɩ m yaa a Wẽnde, yẽnda n tek a rẽnda sẽn pid ne ziir, yẽnda n bas maam n kẽ wẽn-faado.

Zeremi 2:11 Iomraidhean Croise

1 Rĩm-dãmbã 11:33

Bala, bãmb basa maam n waoog Sɩdõ nebã wẽn-naan-poak a Astarte, ne Moaab nebã wẽn-naandg a Kemoose, ne Amo nebã wẽn-naandg a Milkom. La bãmb ka sak n tũ maam, n kẽn wa sẽn zemsd mam tõodã ne m noyã, wa a Salmo ba a Davɩɩd sẽn dag n kẽn to-to wã, n maan sẽn yaa tɩrg mam nifẽ ye.

2 Rĩm-dãmba 1:3

La Sẽn-Ka-Saab malɛɛkã yeela Tisbe rao a Eli yaa: «Yik n tɩ seg Samaari rĩmã sẽn tʋm neb ninsã n yeel-b yaa: ‹Yaa Wẽnnaam n ka be Israyɛll bɩ, bɩ yaa bõe tɩ yãmb dabd n na n tɩ sok Ekrõ nebã Wẽnnaam a Baall-Zebuub n gese?›

2 Kibayã 13:9

La yãmb diga a Aarõ kom-dibli wã sẽn yaa maan-kʋʋdbã ne Leevi nebã, la y yãk neb n maan maan-kʋʋdb wa bu-zẽms a taabã. La ned ning fãa sẽn dag n tallda loalg ne pe-raad a yopoe n wa, lebgda wẽn-naan-bãmb maan-kʋʋdba, la b yaool n ka wẽnnaam-dãmb me ye.

Yɩɩn‑sõamyã 106:20

Bãmb dɩka Wẽnnaam ziirã, n tek ne naaf sẽn wãbd yamdã.

Yɩɩn‑sõamyã 115:4

Bu-zẽmsã wẽn-naandsã yaa wanzuri, la sãnem, n yaa ninsaalb nus n naane.

Yɩɩn‑sõamyã 3:3

Neb wʋsg gomda mam yell n yetẽ: «Yẽnda Wẽnnaamã ka na n fãag-a ye.»

A Ezayi 37:19

n wʋk b wẽnnaam-dãmbã n yõog bugum, n menes-b zãnga. Sɩdã, wẽnnaam-bãmb rag n ka wẽnnaam-dãmb sɩd-sɩd ye. Bala, rag n yaa raad ne kug wẽn-naands ninsaalb nus sẽn maane.

Zeremi 16:20

Ned tõe n maana a wẽnnaam-dãmb n kõ a menga, tɩ b yaool n ka sɩd wẽnnaam-dãmb bɩ?

Zeremi 18:13

Woto yĩnga, Sẽn-Ka-Saab yeelame: «Sok buud a taabã n gese, ãndã n wʋm bũmb a woto? Israyɛll nebã maana wẽng wʋsgo.

Zeremi 2:5

Sẽn-Ka-Saab yetame: «Mam maana bõe sẽn yaa wẽnga, tɩ y yaab-rãmbã yãnd n zãag b mens ne maam? Bãmb pʋga sẽn ka yõodo, tɩ b mensã lebg neb sẽn ka yõodo.

Zeremi 2:8

Maan-kʋʋdbã ka sok tɩ Sẽn-Ka-Saab bee yɛɛnẽ ye. Tõogã karen-saam-dãmb ka mi maam ye. Taoor dãmbã zãgsa maam. No-rɛɛsdbã togsa pĩnd-n-bãngr goam ne Baall yʋʋre, n waoog bũmb sẽn ka tar yõodo.

Zeremi 5:7

Sẽn-Ka-Saab yetame: «Zeruzalɛm nebã, bõn-kãng yĩng la m na n kõ-y sugr bɩ? Yãmb kambã basa maam, n wẽend ne bõn-zaals sẽn ka Wẽnnaam ye. Mam dag n kõo bãmb bũmb fãa tɩ seke, la bãmb baas n maana yoobo. Bãmb wẽdgda taab pʋg-yoaadb rotẽ.

Ezekiyɛl 14:5

Woto, Israyɛll buudã neb nins sẽn zãag b mens ne maam b wẽn-naandsã fãa yĩngã sũy na n kao b bʋʋdo.

Ezekiyɛl 5:7

La bõn-kãens yĩnga, ad Zu-soab a Sẽn-Ka-Saab sẽn yeta: ‹Yãmb sẽn yik n kɩɩs maam n yɩɩd buud a taabã sẽn gũbg yãmbã, la y ka tũ m noyã ne m no-tũudsã, la y sẽn ka tũ baa buud a taabã sẽn gũbg yãmbã minindã yĩnga,›

A Miise 4:5

Buud a taabã ned kam fãa kẽnda ne a wẽnnaam yʋʋre, la tõndo, tõnd kẽnda ne Sẽn-Ka-Saab daar fãa, la wakat sẽn ka sɛta.

Rom Dãmba 1:23

Bãmb teka Wẽnnaam sẽn ka kiidã ziir ne bõn-naands sẽn mamsd ninsaal sẽn kiidã, la liuuli, la nao a naase, la bõn-vuudsi.

1 Korẽnt rãmba 8:4

Sã n yaa ne maandã b sẽn kʋ wẽn-naandsã nemd wãbr yelle, tõnd miime tɩ wẽn-naandg ka be dũni ye, la tɩ Wẽnnaam a yembr bal n be.

Galat Rãmba 4:8

Pĩndã, yãmb dag n ka mi Wẽnnaam ye, la yãmb dag n sakda wẽnnaam-dãmb sẽn ka wẽnnaam-dãmb sɩd-sɩd ye.

Yaoolem 32:16

Bãmb kɩtame tɩ sũ-kiir yõk Sẽn-Ka-Saabo. Bãmb sẽn tũud wẽn-sãamsã yĩnga. Bãmb kɩɩsda Sẽn-Ka-Saab ne yel-beed nins b sẽn maandã.

Yaoolem 32:21

Bãmb tũu sẽn ka Wẽnnaam, n kɩt tɩ sũ-kiir yõk maam. Bãmb yika mam sũur ne b bõn-naandse. Woto, mam na n kɩtame tɩ buud sẽn ka buud meng-meng sũ-kiir yõk bãmba. Mam na n kɩtame tɩ buud sẽn yaa yalem yik bãmb sũyã.

Yaoolem 33:29

Israyɛll nebã, yãmb tara sũ-noogo. Ãnda n yaa wa yãmba? Buud Sẽn-Ka-Saab sẽn fãage, bãmb yaa yãmb sõngr gãongo. Bãmb yaa yãmb naam zabr sʋʋg sẽn tõogde. Yãmb bɛɛbã na n wõgemda yãmb taoore, la yãmb na n taba b maoong kʋʋb zĩisã.»

1 Pɩyɛɛr 1:18

Sɩd me, yãmb miime tɩ ka ne bõn-sãamds sẽn wẽnd ligdi, wall sãnem, la b fãag yãmb n yiis vɩɩmã minind nins sẽn ka yõodã yãmb sẽn deeg y yaab-rãmba nengẽ wã pʋgẽ ye.

1 Sãmwɛlle 4:21

Yẽnda pʋda bi-riblã yʋʋr tɩ Ikaboode, sẽn dat n togs tɩ ‹Israyɛll ziirã loogame.› A rag n goma woto, b sẽn deeg kaoolã koglgã, n paas a sɩdã ne a sɩdã ba sẽn ki wã yĩnga