Zeremi 19:9 - WẼNNAAM SEBRE 2014

⁹ B bɛɛbã sẽn baood bãmb n dat n kʋ wã na n wa gũbga b tẽngã. La bãmb na n zĩnda yɩɩr ne pelen-yɩk pʋga, halɩ tɩ b wa wãbd b mensã kambã, la b wãbd taaba.»

SEBR SÕNGO

⁹ Ad bɛɛb sẽn ka be sugri na n wa gũbga tẽngã. Tẽnga rãmb yɩɩre la b nimbãanega na n looga toogo, tẽnga rãmb na n kong n wãba b kamb nemdo la b lɛɛg n wãbd taaba.

Zeremi 19:9 Iomraidhean Croise

2 Rĩm-dãmba 25:3

Kiuug a naas soabã rasem a wɛ daare, komã wɩnga tẽngã pʋga, hal tɩ tẽngã nebã ka leb n tar dɩɩb baa bilf n na n dɩ ye.

A Ezayi 9:20

Manaase wãbda Efrayiim, tɩ Efrayiim me wãbd Manaase. Bãmb b yiibã naaga taab n zabd ne Zʋʋda. La ne rẽ fãa, Sẽn-Ka-Saab sũ-yikrã ka sig ye. Bãmb nugã ket n zẽkame.

Zeremi 13:14

Mam na n kɩtame tɩ ba-rãmb ne b kamb fão taaba. Maam a Sẽn-Ka-Saab n yeele. Mam ka na n bas-b ba a yembr ye, mam ka na n zoe ned ba a yembr nimbãaneg ye. Bũmb kõn tõog n gɩdg maam tɩ m ka sãam-b ye.»

Zeremi 38:9

«M dĩma, la m soaala, bũmb nins fãa nin-bãmbã sẽn maan Wẽnnaam no-rɛɛs a Zeremi wã yaa wẽnga. Bãmb yõk-a lame n tɩ lob bulgã pʋgẽ. La rɩɩb sẽn ka leb n be tẽngã pʋgẽ wã yĩnga, a na n kii kom.»

Kʋʋr yɩɩla 2:20

Sẽn-Ka-Saabo, tags-y n ges-y-yã. Yaa ãnda la yãmb sẽn maand woto wã? A zemsame tɩ pagbã wãb kamb nins b sẽn dogã bɩ, kom-bãooneg nins bãmb sẽn sɩd nongã? A zemsame tɩ b kʋ maan-kʋʋdbã ne Wẽnnaam no-rɛɛsdbã Zu-soabã sɛk-zĩigã pʋgẽ bɩ?

Kʋʋr yɩɩla 4:10

Mam buudã sẽn yaa mam nin-nongdsã sãoong wakate, baa pagb nins sẽn dag n yaa nimbãan-zoɛtbã, b rɩgsa b kambã ne b nus n dʋg n wãbe.

Ezekiyɛl 5:10

Yaa rẽ yĩng la m na n kɩt tɩ ba-rãmb wãb b kamba, tɩ kamb wãb b ba-rãmba. Mam na n kaoo yãmb bʋʋd n kɩt tɩ y neb nins sẽn na n kellã sãeeg zĩigã fãa.

Maan‑kʋʋre 26:29

Yãmb na n wãba y kom-dibli ne y kom-pugli nemdo.