Zeremi 19:8 - WẼNNAAM SEBRE 2014

⁸ Mam na n kɩtame tɩ tẽn-kãngã lebg bõn-yɛɛsdga. So-loaadbã fãa na n yãnda a poglgã tɩ b pɛleng yɩke. Bãmb na n yɛɛsame n fɩɩle.

SEBR SÕNGO

⁸ M na n bas tẽnga t'a lebg raboogo; f sẽn yãend tẽnga fãa dẽnd f kelem a kʋʋre. F sã n ta a pʋgẽ fãa dẽnd f wẽ siri, dẽnd f pɛleng yɩke.

Zeremi 19:8 Iomraidhean Croise

1 Rĩm-dãmbã 9:8

Ro-kãngã sẽn tar ziir to-to wã na n lebga raboogo, tɩ ned sã n pɩʋʋgd a sɛɛgẽ n loogdẽ bɩ a yɛɛse, n fɩɩle, n yeele: ‹Yaa bõe tɩ Sẽn-Ka-Saab maan tẽn-kãngã ne ro-kãngã a woto?›

Zeremi 18:16

B kɩtame tɩ bãmb tẽngã lebg zĩ-vɩʋʋgo. B kɩtame t'a lebg yɛɛsg bũmb wakat fãa. Neb nins fãa sẽn tũud be n loogdẽ wã sã n yãnd-a, b pɛleng yɩkdame tɩ b gird b zutu.

Zeremi 25:18

Mam sɩnga ne Zeruzalɛm ne Zʋʋda tẽmsã, ne Zʋʋda rĩm-dãmbã ne a nanambsã, n kɩt tɩ b lebg ra-boodo, la zĩ-vɩɩdo, tɩ nebã sã n yãnd-b bɩ b yɛɛs n fɩɩle, a kãab-wẽngã yĩnga. Yaa rẽ n kɩt t'a ket n yaa woto hal tɩ ta rũndã.

Zeremi 49:13

Bala, maam a Sẽn-Ka-Saab yetame: «Mam wẽenda ne m mengã, tɩ b na n basame tɩ b sãam Bosra, t'a lebg raboogo, n paam paoogre, la kãab-wẽnga. Yẽnda tẽmsã fãa na n lebga rabood wakat sẽn ka sɛt yĩnga.»

Zeremi 50:13

Sẽn-Ka-Saab sũ-puugrã yĩnga, ned kõn leb n zĩnd Babilond pʋgẽ ye. B na n kɩtame tɩ tẽngã zãng lebg zĩ-vɩʋʋgo. Sẽn pɩʋʋgd-a Babilond fãa pɛleng na n yɩkame. B na n yɛɛsame n fɩɩle, a poglgã fãa yĩnga.

Ezekiyɛl 27:36

Tẽn-zẽmsã neb nins sẽn yaa lɛɛbdbã fɩɩnda fo wɛɛngẽ. Fo lebga bũmb sẽn wat ne pelen-yɩka. Fo ka leb n beẽ, la f kõn tol n leb n zĩnd abada.»

Maan‑kʋʋre 26:32

Yaa mam mengã n na n sãam tẽngã, la yãmb bɛɛbã sẽn na n wa zĩnd beenẽ wã na n yɛɛsame.

A Miise 6:16

Nebã sakda a Omri no-tũudsã, la b rɩkd a Akaab roogã rãmb manesmã fãa, tɩ yãmb sakd bãmb saglsã. Woto yĩnga, mam na n basame tɩ y sãame, n kɩt tɩ y lebg bɛɛb laada, la mam nebã paoogr na n lʋɩɩ yãmb zugu.

Sofoni 2:15

Tẽng ning sũur sẽn dag n noom ne-a mengã, n tagsdẽ tɩ bũmb ka tõe n maan yẽnda wã, n yetẽ tɩ ned ka be sẽn zem yẽnda wã, ade, yẽnda lebga raboogo, la we-rũms gãag zĩiga, ned ning fãa sẽn loogd be, na n fɩɩlame la a mobg a noore.

Yaoolem 28:37

Sẽn-Ka-Saab sẽn na n tall yãmb n kẽng zĩig ning fãa, nebã na n yɛɛsame, la b rɩk yãmb yellã n maan yel-bũndi, la b yaal yãmba.

Yaoolem 29:22

«Kidbr bugum ne yamsem dɩɩ tẽngã gilli. Bʋdb ka tõe n bʋde, bõn-buud me ka tõe n yi, la tɩɩg me ka tobd ye. Yaa wa Sodom la Gomoore, wa Adma la Seboyim, Sẽn-Ka-Saab sẽn sãam b sũ-yikrã ne b sũ-kãbrã pʋgã.