Zeremi 19:7 - WẼNNAAM SEBRE 2014

⁷ Mam na n kɩtame tɩ bũmb nins Zʋʋda nebã ne Zeruzalɛm nebã sẽn dat n maanã lebg zaalem zĩ-kãngã pʋgẽ. La bãmb mensã, zabr sʋʋg n na n kʋ b nebã. B bɛɛb na n tõog-b lame tɩ b pa tãp pʋgẽ. La mam na n kɩtame tɩ b lebg yĩngr bõn-yɩgdɩ ne we-rũms rɩɩbo.

SEBR SÕNGO

⁷ Zɩɩda ne Zerizalɛɛm dãmb sẽn geen bũmb ninga kõn toog ye. M na n lub-b-la ne sʋʋga b bɛɛba taoore. M sʋʋga na n sagla sẽn dat n yãk-b bãmb yõora nusẽ. M na n basa b yĩnsã ne yĩngr luiili la we-rũmsi.

Zeremi 19:7 Iomraidhean Croise

2 Rĩm-dãmba 21:14

Mam na n basa m neb nins sẽn kellã tɩ b bɛɛbã soog-ba. Bãmb bɛɛbã fãa na n fãa bãmb n dees b sẽn tarã n bas-ba.

Yelbũna 21:30

Ninsaal yam ne a bãngre, la a saglg yaa zaalem Sẽn-Ka-Saab taoore.

A Ezayi 29:14

Rẽ n kɩte, tɩ mam na n kell n maan bõn-bãn tɩ yɩ lingr ne lingr nin-bãmbã yĩnga. Yam-dãmbã yamã na n sɛɛme, la bãngdbã bãngr na n zoe n baoo zĩig n solge.»

A Ezayi 8:10

Yãmb dat bɩ y maan saagre, a ka na n tõog ye, yãmb dat bɩ y gome, a ka na n pids ye. Bala, Wẽnnaam bee ne tõndo.

Zeremi 15:2

Ba b sã n sok foom tɩ yɛɛnẽ la b na n kẽnge, bɩ f leok-b tɩ maam a Sẽn-Ka-Saab yetame: Sẽn tog-a ne kũum, bɩ a ki! Sẽn tog n pa-a tãpẽ, bɩ a pa tãpẽ! Sẽn tog n ki-a kom, bɩ a ki kom! Sẽn tog-a ne yembdo, bɩ a loog yembdo!»

Zeremi 15:9

Sẽn dog-a kom-dibli a yopoe wã pãng sɛɛme t'a vʋʋsem leebdẽ. A wĩndgã lʋɩɩ wĩnto-sʋka. Yãnd tar-a lame t'a zĩ ne paoogre. Mam na n basa sẽn kell-bã b bɛɛbã nusẽ tɩ b kʋ-b ne zabr sʋʋga. Maam a Sẽn-Ka-Saab n yeele.»

Zeremi 16:4

Bãas n na n kʋ-ba, la neb ka na n yãb b yĩnga, wall b mum-b ye. Bãmb na n yɩɩ birg tẽn-gãongã yĩnga. B na n paa tãpẽ, la kom na n kʋʋ bãmb tɩ b lebg yĩngr bõn-yɩgdɩ ne we-rũms rɩɩbo.»

Zeremi 18:21

Woto yĩnga, kɩt-y tɩ kom ne zabr sʋʋg kʋ b kambã. Kɩt-y tɩ b kambã ki, la y kɩt tɩ b pagbã lebg pʋg-kõapa. Kɩt-y tɩ bã-longds kʋ b raopã, tɩ b ra-sãmbã pa tãpẽ.

Zeremi 21:7

Sẽn-Ka-Saab yetame: «Dẽ poore, mam na n basa Zʋʋda rĩm a Sedesiyaas ne a tʋmtʋmdbã, la neb nins sẽn põs bã-longdsã ne komã la zabr sʋʋgã, Babilond dĩm a Nebukatnedzaar ne bãmb bɛɛb nins sẽn baood bãmb n dat n kʋ wã nugẽ. Babilond dĩmã na n kʋʋ bãmb ne sʋʋs n ka bas bãmb tɩ b põse, wall b zoe b nimbãaneg ye.»

Zeremi 22:19

B na n muma yẽnda wa bõang bala, b na n vuu yẽnda n yiis Zeruzalɛm n tɩ lobe.

Zeremi 22:25

Mam na n basa foom neb nins sẽn dat n kʋ foomã nugẽ, la fo sẽn zoet-b rãmbã nugẽ, sẽn dat n togs tɩ Babilond dĩm a Nebukatnedzaar ne Kalde nebã.

Zeremi 32:28

Woto yĩnga, mam na n ninga tẽngã Kalde rãmbã ne Babilond dĩm a Nebukatnedzaar nugẽ, t'a soog-a. Maam a Sẽn-Ka-Saab n yeele.

Zeremi 34:20

Mam na n bas-b-la b bɛɛbã sẽn baood n kʋ bãmbã nugẽ, la bãmb na n yɩɩ yĩngr bõn-yɩgdɩ ne we-rũms rɩɩbo.

Zeremi 46:26

Mam na n bas-b-la neb nins sẽn baood bãmb n dat n kʋ wã nugẽ: yaa Babilond dĩm a Nebukatnedzaare, ne neb nins sẽn be yẽnda zakẽ wã. Dẽ poore, nebã na n leb n zĩnda Ezɩpt wa kʋdem-wẽndẽ wã. Maam a Sẽn-Ka-Saab n yeele.

Zeremi 7:33

Nin-kãensã kũum na n lebga yĩngr bõn-yɩgdɩ ne we-rũms rɩɩbo, tɩ ned ka be n na n dig bãmb ye.

Zeremi 8:2

n dʋʋg wĩndgã ne kiuugã la yĩngr ãdsã bãmb sẽn dag n nong la b waoogdẽ la b pʋgd la b baoodẽ la b wõgemded b taoor n waoogd-bã vẽenemẽ. B ka na n naag-b taaba, la b ka na n mum-b me ye. B na n lebga birg tẽn-gãongã yĩnga.

Zeremi 8:8

Yãmb yetame tɩ y yaa yam dãmba, y sẽn tar Sẽn-Ka-Saab tõogã yĩnga. Yaa sɩda, la maana a wãn tɩ gʋlsdbã gʋlsd n tekd tõogã t'a lebgd zĩrẽ?

Zeremi 8:9

Yam dãmbã ninga b mens yãnde. Bãmb yɛɛsame n ka leb n mi b sẽn dabdẽ ye. Bãmb sẽn zãgs Sẽn-Ka-Saab goamã, bõe yam la bãmb tara?

Kʋʋr yɩɩla 3:37

Ãnda n na n yeel tɩ bũmb maan t'a sɩd maane, tɩ sã n ka Zu-soabã n kõ noore?

Maan‑kʋʋre 26:17

Mam na n wẽnemda m neng n bas yãmba, la yãmb bɛɛbã na n tõoga yãmba. Neb nins sẽn kis yãmbã na n sooga yãmba, la yãmb na n zoeeme tɩ ned ka rigd yãmb ye.

Maan‑kʋʋre 26:25

Mam na n kɩtame tɩ b wa zab ne yãmb ne sũ-dokr zabr sʋʋga, n dok kaoolã sũuri. Yãmb sã n zoe n tɩ tigim y tẽmsã pʋse, mam na n tʋma bã-loangdg yãmb sʋka, la m bas tɩ y bɛɛbã tõog-yã.

Rom Dãmba 3:31

Woto wã, dẽ yĩnga tõnd dɩkda tẽebã n kiisd tõogã la? Yaa vẽeneg tɩ ayo. Ka woto ye, tõnd wilgdame tɩ tõogã yaa sõama.

Rom Dãmba 4:14

Sã n yaa tõog yĩng la ned paamd dogem-pʋɩɩre, dẽnd tẽeb yaa zaalem, la b kiisa kãabgã sẽn kãabã.

1 Sãmwɛlle 17:46

Rũndã, Sẽn-Ka-Saab na n kɩtame tɩ m tõog-fo. Mam na n kʋ-f lame n fiuug f zugã. La mam na n kʋʋ Filistẽ tãb-biisã b tãb-sikẽ wã, n kõ yĩngr bõn-yɩgdɩ ne we-rũms tɩ b rɩ. Woto, dũniyã neb fãa na n bãngame tɩ Israyɛll tara Wẽnnaam.