Zeremi 19:5 - WẼNNAAM SEBRE 2014

⁵ Bãmb mee maoong kʋʋb zĩis Baall yĩnga, n dɩk b kamb n maan maand n yõogd bugum tẽn-kugã zut n kõ Baalle. Mam yaool n ka kõ-b noor bɩ tõog tɩ b maan woto ye, la a nan ka wa m yamẽ tɩ m yeel bãmb tɩ b maan bũmb a woto ye.

SEBR SÕNGO

⁵ N paas me, b manega zĩiga a Baal yĩnga n wat be n kʋʋd b kamba n yõod bugum. Mam zɩɩ n kõ b noore tɩ b maan dẽ ye, m zɩɩ gom maand a woto buud yell ye, b tagsg meng zɩɩ n wa m yamẽ ye.

Zeremi 19:5 Iomraidhean Croise

2 Rĩm-dãmba 17:17

Bãmb dɩka b kom-dibli ne b kom-pugli n maan maoong n yõog bugum. Bãmb dag n maanda tɩto, la b bʋgd bagre. Bãmb maana sẽn yaa wẽng Sẽn-Ka-Saab nifẽ, n kɩt tɩ b sũurã puugi.

2 Rĩm-dãmba 21:6

Yẽnda tol n dɩka a biig n maan maoong n yõogd bugum. A bʋga bagre, la a pʋʋs sɩɩse. Yẽnda yãka neb n kɩt tɩ b sokd kɩɩmse, n na n bãng beoog yelle. A Manaase kell n kẽnga taoor n maand sẽn yaa wẽng Sẽn-Ka-Saab nifẽ, n kɩt tɩ Sẽn-Ka-Saab sũurã yiki.

2 Kibayã 28:3

La yẽnda mengã yõoga wisd Bɛn-Hinom tãn-longẽ wã, la a yõog a kambã bugum, wa buud a taab nins Sẽn-Ka-Saabã sẽn dag n rig Israyɛll nebã taoorã sẽn dag n maand yel-beed ninsã.

Zeremi 32:35

Bãmb mee maoong kʋʋb zĩis a Baall yĩnga, Bɛn-Hinom longã pʋga, n dɩkd b kom-pugli ne b kom-dibli n maand maand n kõt b wẽnnaam a Molɛke. Mam yaool n ka yeel-b tɩ b maan bũmb a woto ye. Bũmb a woto zɩ n wa mam tagsgẽ meng ye. Bãmb maana yel-beed a woto, n kɩt tɩ Zʋʋda buudã lʋɩ kongr pʋga.»

Ezekiyɛl 16:36

Zu-soab a Sẽn-Ka-Saab yetame: «Fo sẽn yees f fut n yals f zaal n maan yoob ne f rolsen-dãmbã fãa wã yĩnga, la ne f wẽn-naandsã fãa wã, la fo sẽn maan yel-beed buud fãa n tol n dɩk f kambã n maan maoong n kõ-bã yĩnga,

Ezekiyɛl 20:26

Mam kɩtame tɩ b rẽgem b mens ne b kũunã, bãmb sẽn wa n dɩkd b kom-dẽemsã n yõogd bugmã. Mam bas-b-la woto sẽn na n yɩlẽ tɩ sũ-sãang yõk-ba, tɩ b bãng tɩ mam yaa Sẽn-Ka-Saabo.

Ezekiyɛl 38:10

Ade, maam a Zu-soab a Sẽn-Ka-Saab yetame: «Badaare, tags-wẽns n na n wa f sũurẽ, la fo na n saaga saag-wẽnga.»

A Dãniyɛlle 2:29

N-na, yãmb dag n gãe y gãagẽ, la yãmb tagsa bũmb nins sẽn wat yelle. La soab ning sẽn vẽnegd yel-soalmã kɩtame tɩ yãmb bãng bũmb ning sẽn wate.

Maan‑kʋʋre 18:21

Bɩ f ra rɩk f kamb n kɩs tɩ b yõog bugum n kõ wẽn-naandg a Molok n paoog fo Wẽnnaamã yʋʋr ye. Mam yaa Sẽn-Ka-Saabo.

Sõadga 22:41

La vẽkembeoog yibeoogo, a Balak talla a Balaam n dʋ Bamot-Baall tãngã zugu, la beenẽ b rag n nee Israyɛll nebã begr bala.

Yaoolem 12:31

Ra maan-y-yã a woto Sẽn-Ka-Saab sẽn yaa yãmb Wẽnnaamã nifẽ ye. Bala, nin-bãmb dag n maanda yel-beed buud toor-toor nins Sẽn-Ka-Saab sẽn kisã b wẽnnaam-dãmbã yĩnga. Bãmb tol n dag n dɩkda b kom-dibli la b kom-pugli n yõogd bugum n kõt b wẽnnaam-dãmbã.