Zeremi 19:4 - WẼNNAAM SEBRE 2014

⁴ Bala, bãmb basa maam n yõogd wisd n kõt buud a taab wẽnnaam-dãmb bãmb ne b yaab-rãmbã la Zʋʋda rĩm-dãmbã sẽn ka mi, n dẽgem zĩ-kãngã. Bãmb pidsa zĩ-kãngã ne bʋʋm dãmb zɩɩm.

SEBR SÕNGO

⁴ Sɩda, Zɩɩda rãmb basa maam, b tedga zĩ-kãnga nenga; b kʋʋ maando n kõ wẽn-naandse, yaa wẽn-sãamse, bãmb da ka mi-ba, sẽn deng-b bãmba da ka mi-ba, Zɩɩda rĩm dãmba me ra ka mi-b ye. B pidsa zĩ-kãnga ne neb sẽn ka tar b toorẽ yell zɩɩm.

Zeremi 19:4 Iomraidhean Croise

2 Rĩm-dãmba 21:16

Sẽn paase, rĩm a Manaase kʋʋ neb wʋsg sẽn ka tar yelle, n daag b zɩɩm n pid Zeruzalɛm tẽngã fãa. Yel-kãens wa n paasa yel-wẽn nins yẽnda sẽn kɩt tɩ Zʋʋda nebã maan Sẽn-Ka-Saab nifẽ wã.

2 Rĩm-dãmba 23:10

Rĩmã sãama Tofɛt sẽn yaa kamb yõogr zĩigã sẽn dag n be Bɛn-Hinom tãn-longẽ wã, sẽn na yɩl tɩ ned da leb n dɩk a bi-ribl bɩ a bi-pugl n maan maoong n yõog bugum n kõ wẽn-naandg a Molɛk ye.

2 Rĩm-dãmba 24:4

La sẽn paase, yaa rĩm a Manaase sẽn dag n daag bʋʋm dãmbã zɩɩm n pid Zeruzalɛm tẽngã yĩnga. Sẽn-Ka-Saab ka tʋlg n na n kõ-b sugr ye.

Yɩɩn‑sõamyã 106:38

Bãmb daaga neb sẽn ka tar yell zɩɩm, yaa b kom-dibli wã ne b kom-pugli wã zɩɩm. Bãmb dag n dɩkda bãmb n maand maoong n kõt Kana tẽng wẽn-naandsã, n kɩt tɩ tẽngã rẽgem zɩɩmã raagr yĩnga.

A Ezayi 59:7

Bãmb naoã rabda wẽng maanego, bãmb tʋʋla ne bʋʋm soab zɩɩm daagre. Bãmb tagsg yaa tɩ maan wẽng bala. Sãoong ne wẽng bee bãmb soayã zutu.

A Ezayi 65:11

La yãmb dãmb sẽn basd Sẽn-Ka-Saabã, la y yĩmd mam tãn-sõngã yellã, n kõt Gaad nebã rɩɩbo, la y pidsd Meni-rãmbã wamd ne bõn-yũudlã,

Zeremi 1:16

Mam na n kaoo bãmb bʋʋdo, tʋʋm-wẽns nins fãa b sẽn maanã yĩnga: bãmb sẽn bas maam n yõogd wisd n kõt buud a taabã wẽnnaam-dãmbã, la b wõgemded n waoog bõn-naandsã sẽn yaa b nug tʋʋmdã yĩnga.

Zeremi 11:13

Bala, yãmb a Zʋʋda nebã wẽnnaam-dãmbã sõor yaa wʋsg wa y tẽmsã sõore. Yãnd tẽn-kug nins yãmb sẽn me n na n yõogd wisd b zut n kõt Baallã sõor yaa wʋsg wa Zeruzalɛm soayã.

Zeremi 15:6

Maam a Sẽn-Ka-Saab yetame: Yãmb basa maam, yãmb tuda maam y kudga. Woto yĩnga, mam zẽka m nug n sãamd yãmba. Mam yam ya n yii ne yãmb nimbãaneg zoeese.

Zeremi 16:11

Dẽ, bɩ f leok bãmb tɩ maam a Sẽn-Ka-Saab yetame: «Yaa yãmb yaab-rãmbã sẽn bas maam la b kɩɩs mam zãmsgã, n yaool n tũ bu-zẽms wẽnnaam-dãmb n wõgemd n waoog-bã yĩnga.

Zeremi 17:13

Sẽn-Ka-Saab sẽn yaa Israyɛll tẽebo, neb nins fãa sẽn basd-b yãmbã na n paama yãnde. Bãmb na n menema wa ned yʋʋr sẽn gʋls tẽng tom zugu, bala, bãmb basa yãmb sẽn yaa vɩɩm ko-bundgã.

Zeremi 17:20

n yeel-b yaa: Zʋʋda rĩm-dãmba, Zʋʋda nebã, yãmb dãmb fãa sẽn yaa Zeruzalɛm neb n tũud rigno-kãensã n kẽedẽ wã, kelg-y Sẽn-Ka-Saab koɛɛga!»

Zeremi 18:15

Mam nebã yaool n yĩma mam yelle. Bãmb yõogda wisd n kõt belgr wẽnnaam-dãmba. B belga bãmb tɩ b bʋdg n bas b kʋdem-wẽndẽ soayã, n kɩt tɩ b tũ so-bugsi, la soay sẽn ka kõoge.

Zeremi 2:13

Bala, mam nebã maana yel-wẽn a yiibu. Bãmb basa mam sẽn yaa vɩɩm ko-bundum b yĩngã, n tu ko-bao n kõ b mense. La b ko-baoã yaool n yaa võy n ka tõe n tall koom ye.

Zeremi 2:17

Yel-kãngã sẽn paam yãmbã ka yãmb sẽn bas Sẽn-Ka-Saab sẽn yaa y Wẽnnaamã, wakat ning b sẽn yãag yãmb sorã zugã sɩda?

Zeremi 2:19

Bɩ wẽng ning y sẽn maanã rɩ-yã, la bɩ y sẽn bas maamã sɩbgr lʋɩ y zugu, tɩ y bãng tɩ yãmb sẽn bas maam a Sẽn-Ka-Saab sẽn yaa yãmb Wẽnnaam n ka leb n zoet maamã wata ne wẽng la toogo. Saasẽ-Pãng-Soabã n yeele.

Zeremi 2:30

Mam sẽn sɩbg yãmb kambã yaa zaalem bala. Yãmb ka sak n tũ m demsgã ye. Yãmb kʋʋ no-rɛɛsdb nins mam sẽn dag n tʋm yãmb nengẽ wã, wa gɩgem-toaag sẽn kʋʋd to-to wã.

Zeremi 2:34

Bũmb ning sẽn kẽesd yãmb moogã, yaa nimbãan-dãmb ne neb sẽn ka tar yellã zɩɩm sẽn mad y futã noyã, tɩ y yaool n ka ling-b tɩ b kaood roog n baood n dɩk bũmbã.»

Zeremi 22:17

La foom, fo gesg la f tagsg pʋgẽ, fo sẽn baood yaa f meng nafr bala, f baood n daaga sẽn ka tar-a yell zɩɩm, la f wõr neb n maan-b pãnga.

Zeremi 22:3

Ade, Sẽn-Ka-Saab yetame: «Bʋ-y bʋʋdã tɩrg n fãag b sẽn fãad a soabã namsdã nugẽ. Ra maan-y sãambã ne kɩɩbsã la pʋg-kõapã pãng ye. Ra maan-y-b wẽnga, la y ra raag bʋʋm soab zɩɩm zĩ-kãngã ye.

Zeremi 26:15

La bãng-y tɩ y sã n kʋ maam, mam zɩɩmã raagr taal na n zĩnda y zugu, la tẽn-kãngã ne a nebã me zugu. Bala, yaa Sẽn-Ka-Saab n sɩd tʋm maam tɩ m wa togs yãmb gom-kãensã fãa.»

Zeremi 26:23

Bãmb tɩ yiisa a Uuri Ezɩpte, n tall-a n wa rĩm a Yoyakim nengẽ. La rĩmã kʋʋ yẽnda zĩig pʋgẽ ne zabr sʋʋga, n dɩk a kũumã n tɩ lob tẽngã nebã yaadẽ.

Zeremi 44:3

La yaa wẽng ning bãmb sẽn maanã yĩnga. Bãmb yõoga wisd n waoog wẽn-sãams bãmb ne yãmb la y yaab-rãmbã sẽn ka mi, n beeg maam.

Zeremi 5:6

Rẽ kɩtame tɩ bɛɛbã na n yi wa gɩgemd sẽn yi kãgrẽ n zab ne-ba, wa tẽn-nabd-koɛɛngẽ digd-n-yĩidga, n zendem bãmba. Bɛɛbã na n sora bãmb tẽmsã noy wa ãbga, n yõgd neb nins fãa sẽn yit-b beenẽ wã n zendemdẽ. Bala, bãmb beegrã yaa wʋsgo, la b kɩɩsgã tara yãngr bala.

Zeremi 7:6

la y ka nams sãambã ne kɩɩbsã la pʋg-kõapã, yãmb sã n ka raag bʋʋm dãmbã zɩɩm zĩ-kãngã, la y ka pʋg bu-zẽms wẽnnaam-dãmb n wa ne toog y meng zugu,

Zeremi 7:9

Rẽ yĩnga, yãmb tõeeme n zuud la y kʋʋda, la y yooda, la y wẽend zĩrẽ wẽenego, la y yõogd wisd n kõt wẽn-naandg a Baalle, la y waoogd bu-zẽms wẽnnaam-dãmb yãmb sẽn ka mi,

Kʋʋr yɩɩla 4:13

Bõn-kãng yaa a no-rɛɛsdbã yel-wẽnã yĩnga, la a maan-kʋʋdbã kongr yĩnga, bãmb sẽn daag nin-tɩrsã zɩɩm a pʋgẽ wã yĩnga!

Ezekiyɛl 20:26

Mam kɩtame tɩ b rẽgem b mens ne b kũunã, bãmb sẽn wa n dɩkd b kom-dẽemsã n yõogd bugmã. Mam bas-b-la woto sẽn na n yɩlẽ tɩ sũ-sãang yõk-ba, tɩ b bãng tɩ mam yaa Sẽn-Ka-Saabo.

Ezekiyɛl 7:22

Mam na n tud-b-la m kudga, la b na n dẽgma m laogã bĩngr zĩiga. Fãadb n na n kẽ beenẽ n dẽgm-a.

Ezekiyɛl 8:11

La Israyɛll buudã kãsem-dãmb pis-yopoe n dag n yɛs beenẽ, la a Safan biig a Yazaniya dag n yasa bãmb taoore, la b fãa rag n zãada wisd tʋgdo, tɩ wisdã bug-zõos nukdẽ.

A Dãniyɛlle 11:31

Yẽnda na n tʋma tãb-bi-sul tɩ b kẽng zĩ-sõngã b sẽn leb n gũbgã, n tɩ maan bũmb sẽn kisi, n dẽgem-a la b gɩdg tɩ b ra leb n maan daar fãa maoongã n kõ Wẽnnaam ye. La bãmb na n lugla sãamdã bõn-naandgã tẽn-kugrã zugu.

A Luk Sõng 11:50

tɩ m tõe n sok zamaan‑kãngã nebã m no-rɛɛsdb nins fãa b sẽn kʋ hal dũni sɩngr tɩ ta moasã wã zɩɩm,

Yaoolem 13:13

Yãmb sã n wʋm ned sẽn gomd yãmb tẽng a yembr Sẽn-Ka-Saab sẽn yaa yãmb Wẽnnaamã sẽn kõ yãmb tɩ y zĩndã pʋgẽ wɛɛngẽ n yetẽ:

Yaoolem 13:6

No-rɛɛs-kãng wall zãmsdã soab tog n kiime. Bala, yẽnda zãmsa neb tɩ b zãgs Sẽn-Ka-Saab sẽn yaa yãmb Wẽnnaamã sẽn yiis yãmb Ezɩpt yembd pʋgẽ wã, n dat n kɩt tɩ y bʋdg n bas sor ning Sẽn-Ka-Saab sẽn yaa yãmb Wẽnnaamã sẽn yeel yãmb tɩ y tũ wã. Yaa woto la y na n yiis bũmb ning sẽn yaa wẽngã yãmb sʋka.

Yaoolem 28:20

Sẽn-Ka-Saab na n tʋma kãab-wẽngã t'a sig yãmb zugu, bãmb na n yɛɛsa yãmb n kẽes-y rabeem y tʋʋmã fãa pʋgẽ, hal tɩ yãmb wa sãam zãnga, n menem tao-tao, yãmb manesmã sẽn yaa wẽngã, la yãmb sẽn bas maamã yĩnga.

Yaoolem 28:36

Sẽn-Ka-Saab na n kɩtame tɩ yãmb ne y rĩmã sẽn so yãmbã kẽn ne nao n kẽng tẽng yãmb ne y yaab-rãmbã sẽn ka mi. La beenẽ, yãmb na n tũu buud a taab wẽnnaam-dãmb b sẽn maan ne raado, la ne kuga.

Yaoolem 28:64

Sẽn-Ka-Saab na n kɩtame tɩ y sãeeg n kẽ buud a taabã fãa sʋka, n ta dũniyã ween-vɩɩsã fãa. La beenẽ, yãmb na n tũu neb a taab wẽnnaam-dãmb sẽn maan ne daad la kuga, yãmb ne y yaab-rãmbã sẽn dag n ka mi.

Vẽnegre 16:6

Bala, bãmb daaga neb nins sẽn welg toorã la yãmb no-rɛɛsdbã zɩɩm, la yãmb kõ-b-la zɩɩm tɩ b yũ. Rẽ segda ne bãmba.

Bʋ-kaoodba 5:8

Israyɛll nebã rag n bas n pʋgda wẽn-sãamse. Rẽ me n kɩte, tɩ zabã pid tẽngã, Israyɛll tãb-biis tus pis-naas rag n ka tõe n paam gãong tɩ b gomd kãnd ye.