Zeremi 18:12 - WẼNNAAM SEBRE 2014

¹² La nebã na n yeelame: «Ra nams-y y meng ye! Tõnd ned kam fãa na n maana wa a sẽn tagsde, d na n maana wa sẽn zems d sũ-keglmã.»

SEBR SÕNGO

¹² La ayo, b pa rat n lak n bas b tʋʋm wẽna ye, b yetame tɩ m da wɩɩg ye, tɩ b na maana wala b sẽn yalse.

Zeremi 18:12 Iomraidhean Croise

Zeremi 2:25

Israyɛll nebã, gũus-y y mense, sã n ka rẽ, yãmb na n wa zoee nao-zaala, la y koeesã me na n kʋɩɩme! La yãmb yeelame tɩ rẽ ka yell ye, tɩ y nonga bu-zẽms wẽnnaam-dãmba, la y na n pʋg-b lame.

Yaoolem 29:19

Sẽn-Ka-Saab ka na n kõ yẽnda sugr ye. Sẽn-Ka-Saab sũ-kãbrã ne b sũ-kiirã na n yika ne a soaba, tɩ tood nins fãa sẽn gʋls seb-kãngã pʋgẽ wã wa a soab zugu. La Sẽn-Ka-Saab na n kɩtame t'a yʋʋr menem tẽng zugu.

Zeremi 16:12

La yãmba, yãmb maana sẽn yaa wẽng n yɩɩd y yaab-rãmbã. Yãmb ned kam fãa maanda wa sẽn zems a sũ-keglmã, n ka kelgd maam ye.

Zeremi 7:24

La bãmb ka sak n kelge, bãmb yẽda b tʋba. Bãmb maana wa sẽn zems b sũ-keglmã, n tõdg b na ges maam n tud b kudga.

A Ezayi 57:10

Yãmb sẽn kẽn wʋsgã yĩnga, yãmb yɛɛme la y ka yeel tɩ y na n basame tɩ lʋɩ ye! Yãmb ket n tara pãnga, la fo ka tol n yɛ me ye.

A Luk Sõng 1:51

Bãmb wilga b nug pãnga. Bãmb sãeega neb nins sẽn dag n tar wuk-m-meng tagsd b sũyã pʋsẽ wã.

Zeremi 3:17

Wakat-kãnga, b na n boola Zeruzalɛm tɩ ‹Sẽn-Ka-Saab naam geere.› Bu-zẽmsã fãa na n tigma be ne mam yʋʋre, la b na n basa b sũ-keglmã.

Sɩngrẽ 8:21

Sẽn-Ka-Saab wʋma yũ-noogã, la bãmb yeela b sũurẽ: «Mam ka na n leb n kãab dũniyã kãab-wẽng ninsaal yĩng ye. Bala, hal ninsaal yãadem wakate, a tagsda wẽng maaneg bal a sũurẽ. La mam ka na n leb n sãam bõn-vɩɩsã wa mam sẽn zoe n maanã ye.

Ezekiyɛl 37:11

Sẽn-Ka-Saab leb n yeela maam: «Ninsaala, kõab-kãensã yaa Israyɛll buudã fãa. Bala bãmb yetame: ‹Tõnd wẽnda kõab sẽn kʋɩ, tõnd saagrã fãa sɛɛme! Tõnd ka tõe n leb n yɩ bũmb ye.› »

Zeremi 44:17

Tõnd dat n maana bũmb nins tõnd sẽn dag n yeelã: d na n yõoga wisd n kõ saasẽ dĩm-poakã, la d kõ-a bõn-yũudl kũuni, wa tõnd mensã ne d yaab-rãmbã, la d rĩm-dãmbã ne d nanambsã sẽn dag n maan Zʋʋda soolem tẽmsã pʋs ne Zeruzalɛm soayã zutã. Wakat-kãnga, tõnd dag n dɩtame n tɩgda, d sũy rag n yaa noogo, la toog ka tol n paam tõnd ye.

Zeremi 23:17

Bãmb tol n yeta neb nins sẽn paoogd Sẽn-Ka-Saab goamã yaa: «Bũmb kõn maan yãmb ye!» Bãmb yeta neb nins fãa sẽn keng b sũyã yaa: «Toog kõn paam yãmb ye!»

Zeremi 11:8

La bãmb ka sak n kelg ye. Bãmb ned kam fãa maana wa sẽn zems a sũ-keglmã. Mam yeela bãmb tɩ b sak m kaoolã goamã, la bãmb ka sak ye. Woto, mam maana bãmb wa sẽn zems goam nins fãa sẽn be kaoolã pʋgẽ wã.»

2 Rĩm-dãmba 6:33

A Eliize sẽn nan ket n gomd ne kãsem-dãmbã bal yee, la rĩmã sẽn be waoongẽ, n ta n yeel a Eliize yaa: «Sã n yaa Sẽn-Ka-Saab n bas tɩ to-kãensã fãa paamd tõndo, mam na n leb n teega bãmb n maan bõe?»

Sɩngrẽ 6:5

Sẽn-Ka-Saab gesame tɩ ninsaalbã wẽngã lebga wʋsg dũniyã zugu, la daar fãa, ninsaal tagsda wẽng maaneg yell bala.

Malasi 3:14

Yãmb yeelame: ‹Tõnd sẽn sakd Wẽnnaamã yaa zaalem bala. Tõnd sẽn maand bãmb tʋʋmdã, la d kẽnd ne sũ-sãang Saasẽ-Pãng-Soabã yĩngã, nafa tõnd ne bõe?

A Ezayi 65:2

Mam tuda buud ning sẽn nak a kãarã m nus n ka bas ye, yaa buud sẽn tũud so-wẽng n maand wa a sẽn date.

Zeremi 6:17

Sẽn-Ka-Saab yetame: Mam yãka gũudb yãmb yĩnga, n yeel-b tɩ b maan gũusg tɩ baorgã peebg ra wa ling-b ye. La bãmb yeelame: «Tõnd ka na n gũus ye.»