Zeremi 17:3 - WẼNNAAM SEBRE 2014

³ Mam na n kɩtame tɩ b wʋk y arzegsã ne y paoongã, y yel-wẽn nins yãmb sẽn maan y tẽngã fãa pʋgẽ wã yĩnga.

SEBR SÕNGO

³ M sẽn na n bas tɩ zɛɛdba zɛ n loog ne wã, na n yɩɩ foom a Zɩɩda, sẽn waoogd wẽn-naandsã la f pʋgd-b pʋt noore bɩ tãmsa zutu. Na n yɩɩ f arzɛka, f laoga fãa la b na n loog ne. La rẽ n na n yɩ f sɩbgre, f wẽn-naandsa pʋgba sɩbgre.

Zeremi 17:3 Iomraidhean Croise

2 Rĩm-dãmba 24:13

Babilond dĩm a Nebukatnedzaar wʋka Sẽn-Ka-Saab roogã ne na-yirã laogã fãa, la a wã sãnemã teed nins Israyɛll dĩm a Salmo sẽn maan n ning Sẽn-Ka-Saab roogã pʋgẽ, wa Sẽn-Ka-Saab sẽn dag n yeelã.

Yɩɩn‑sõamyã 78:58

Bãmb maana maoong kʋʋb zĩis n kɩt tɩ Wẽnnaam sũurã puugi, la b maan bõn-naands n nek wẽnnaam sũ-kiirã.

A Ezayi 27:9

Yaa woto n na n kɩt t'a Zakoob yagensã paam b kongrã sugri. Ad b sẽn na n paam b yel-wẽnã sugrã sẽn na n wa ne bũmb ninga: Sẽn-Ka-Saab na n kɩtame tɩ tẽn-kugã kug fãa lebg zom wa b sẽn wer goore. Aseera ra-lugdsã ne wisd yõogr zĩisã ka na n leb n yals ye.

Zeremi 12:12

Sẽn sãamd-b fãa wã bee we-raoogã soayã fãa zut n watẽ. Bala, Sẽn-Ka-Saab sʋʋgã sãamda tẽngã zĩisã fãa, tɩ ned ba a yembr ka leb n tõe n vɩɩmd bãan yɛs ye.

Zeremi 15:13

Mam na n kɩtame tɩ b fã yãmb arzegsã ne y paoongã, tɩ yɩ yaood yel-wẽn nins fãa yãmb sẽn maan y soolmã fãa pʋgẽ wã yĩnga.

Zeremi 20:5

La bãmb na n kɩtame tɩ b bɛɛbã wʋk arzegsã fãa ne b paoongã la b te-sõamy wã fãa sẽn be tẽn-kãngã pʋgẽ wã, ne Zʋʋda rĩm-dãmbã paoongã fãa n kẽng Babilonde.

Zeremi 21:13

Sẽn-Ka-Saab yetame: «Yãmb dãmb fãa sẽn be longẽ wã ne tẽn-nabdrẽ, pĩigã zugã, mam zabda ne-yã! Yãmb dãmb sẽn yete: Ãnda n na n sig n wa zab ne tõndo? Ãnda n na n tõog n kẽ tõnd zĩ-solgdsẽ wã?

Zeremi 26:18

«Wakat ning a Ezekɩyaas sẽn dag n yaa Zʋʋda rĩmã, Moresɛt dao a Miise rag n togsa Zʋʋda nebã fãa pĩnd-n-bãngr goam n yeele: ‹Ad Saasẽ-Pãng-Soabã sẽn yeta: Sɩyõ na n lebga wa pʋʋg b sẽn gudgi. Zeruzalɛm na n lebga raboogo, la tãng ning Sẽn-Ka-Saab roogã sẽn be-a zugã na n lebga kãgre.›

Kʋʋr yɩɩla 1:10

Bɛyã tẽega a nug n deeg Zeruzalɛm bõn-sõama wã. Buud a taabã waa n kẽe yẽnda zĩ-sõngã pʋgẽ. Yaa buud ning yãmb sẽn yeel tɩ b ra wa yãmb nebã tiging pʋgẽ wã.

Ezekiyɛl 16:39

Mam na n basa foom bãmb nugẽ. Bãmb na n luba f rotã f sẽn dag n me wã, la b sãam f zĩ-zãonglsã. Bãmb na n yeesa fo futã, la b rees f fãn-teedã n bas foom f zaala, zaal zãng fasɩ.

Ezekiyɛl 23:46

Ad maam a Zu-soab a Sẽn-Ka-Saab sẽn yeta: «Tigim neb kʋʋng tɩ b wa zab ne-ba, n kẽes-b rabeem-kãseng la b fã-ba.»

Ezekiyɛl 6:3

‹Israyɛll tãmse, kelg-y Zu-soab a Sẽn-Ka-Saab koɛɛgã! Ad Zu-soab a Sẽn-Ka-Saab sẽn gomd ne tãmsã ne kunkubã, la bogdã ne londã n yetẽ: ‹Mam mengã n na n kɩt tɩ b wa zab ne yãmba, n kɩt tɩ b menes y maoong kʋʋb zĩisã.

Maan‑kʋʋre 26:30

Mam na n sãama yãmb maoong kʋʋb zĩisã, la m wã y wisd tẽn-kugã, la m wʋk y kũumã n dʋʋg wẽn-naan-kɩɩmsã zutu, la mam na n kisga yãmba.

A Miise 3:12

Woto, yãmb yel-manesmã yĩng kɩtame, tɩ Sɩyõ na n lebg wa pʋʋg b sẽn gudgi. N-yẽe! Zeruzalɛm na n lebga raboogo, tɩ tãng ning Sẽn-Ka-Saab roogã sẽn be-a zugã lebg kãgre.

Sofoni 1:13

B na n zɛɛ bãmb paoongã, la b sãam b rotã, bãmb meta roto, la b ka na n kẽ b pʋsẽ ye, bãmb senda reezẽ tɩɩse, la b ka na n yũ b reezẽ rãamã ye.»