Zeremi 16:16 - WẼNNAAM SEBRE 2014

¹⁶ Maam a Sẽn-Ka-Saab yetame: «Mam na n tʋma neb wʋsg tɩ b wa yõg-b wa ned sẽn yõgd zĩm. Dẽ poore, m na n kɩtame tɩ neb wʋsg rig bãmb n yiis tãmsã fãa ne kunkubã fãa zutu, la hal baa tãmsã bogdẽ.

SEBR SÕNGO

¹⁶ Ade, mam a Wẽnde, m na n tʋma kʋɩl-zẽ-yẽedba wʋsg-wʋsgo tɩ b tɩ yõg-ba, la m na n tʋma tãoos rãmba tɩ b tɩ rig-b zĩis fãa: tãms zutu, kukumba zutu, la pĩis bogdẽ.

Zeremi 16:16 Iomraidhean Croise

Sɩngrẽ 10:9

Yẽnda rag n yaa tãoos gãndaoog sẽn tar pãng Zu-soabã taoore. Yaa woto n kɩt tɩ b mi n yetẽ tɩ: «Gãndaoog wa tãoos a Nimrood sẽn yɩ pãng soab Zu-soabã taoorã.»

A Ezayi 2:21

Sẽn-Ka-Saab sã n wa n na n yik n kẽes dũniyã rabeem, bãmb na n zoe n tɩ kẽe pĩis bogdẽ, la b solg b meng pĩis pẽgsẽ, n zãag b meng ne Sẽn-Ka-Saab yɛɛsgã, la ne bãmb naam-kãsengã pukri.

A Ezayi 7:19

Bãmb fãa na n wa siga tãn-londã sẽn be tãn-lug-lugã sʋkã, la pĩisã sẽgsẽ, la tuudã ne yam-maasã fãa zutu.

Zeremi 25:9

mam na n kɩtame tɩ buud nins fãa sẽn be wĩntoog sẽn lʋɩtẽ dɩtgã, ne Babilond dĩm a Nebukatnedzaar sẽn yaa m tʋmtʋmdã, wa zab ne tẽn-kãngã nebã, la ne buud nins sẽn gũbg-a wã. Mam na n menesa bãmb n kɩt tɩ tẽngã lebg zĩ-vɩʋʋg wakat fãa yĩnga, tɩ neb sã n yãnd-a, bɩ b yɛɛs n fɩɩle.

Zeremi 4:29

Sɩyõ nebã sẽn wʋm saar-dãmbã ne tãb-tãoodbã rãamdã, b fãa zoeeme. B zoe n tɩ soonda tuudẽ, b zoe n tɩ rʋʋ pĩis zutu. Tẽmsã lebga vɩɩdo, ned ka leb n be b pʋsẽ ye.

Zeremi 49:5

Beneere, Saasẽ-Pãng-Soabã yetame: Mam kɩtame tɩ rabeem yit zĩigã fãa, n wat n na n yõk yãmba. B na n diga yãmba, tɩ ned kam fãa zoe n bao a menga, la ned ka na n kell sẽn na n tigs zoɛtbã ye.

Zeremi 6:9

Saasẽ-Pãng-Soabã yetame: «B na n yiisa Israyɛll bu-kellã wa b sẽn yiisd reezẽ. Saag-y-yã-a zãng wa reezẽ-woabd sẽn wobd reezẽ reezẽ tɩɩg zugu.»

Kʋʋr yɩɩla 4:18

Bãmb dag n gũusda tõnd sẽn dabdẽ, sẽn na n yɩl n gɩdg tõnd tɩ d da kẽng d zĩisẽ wã ye. Tõnd sɛɛb wakat rag n kolgdame, la tõnd dasmã rag n pidame. Tõnd sɛɛb taame!

Kʋʋr yɩɩla 4:19

Tõnd digdbã zoeta tao-tao n yɩɩd sɩls sẽn yɩgd yĩngri. Bãmb diga tõnd ne pãng tãmsã zutu. Bãmb solgame n bẽd tõnd we-raoog pʋgẽ.

A Ooze 10:10

Mam na n sɩbg-b-la wa m sẽn date. B beegr a yiibã yĩnga, buud toay-toay na n tigma taaba n zab ne bãmba.

A Amoose 4:2

Zu-soab a Wẽnnaam sõmblmã pʋga, b wẽename n yeele: Wakat n wat yãmb yĩnga, tɩ b na n wa yõg yãmb ne gaagds n yiisi, la b yiis yãmb yagensã ne leoose.

A Amoose 5:19

Badaar na n yɩɩ wa ned sẽn zoet n na n põs gɩgemd n tɩ seg ãbga, n ta a yir n tik a lalg tɩ waaf kɛ-a.

A Miise 7:2

Sɩd soab ba a ye ka be tẽngã pʋg ye, la nin-tɩrg ba a ye ka be nebã sʋk ye, bãmb fãa sor n baood n daaga zɩɩm, ned kam fãa rɩgla bẽdg a saam-biig yĩnga.

Sofoni 1:12

Badaare, mam na n widga fɩtl n vɛɛs Zeruzalɛm, la m na n sɩbga neb nins sẽn zĩ-b bãane, n tagsdẽ tɩ Sẽn-Ka-Saab ka tõe n maan sõama bɩ wẽngã.

1 Sãmwɛlle 24:11

Bɩ yãmb meng gese: rũndã daarã, Sẽn-Ka-Saab yõka yãmb n kõ maam tãngã bok pʋgẽ. Nebã yeela maam tɩ m kʋ-yã! La mam zoee yãmb nimbãaneg n yeel tɩ m ka na n sɩɩs soab ning Sẽn-Ka-Saab sẽn yãkã ye.

1 Sãmwɛlle 26:20

Bɩ mam zɩɩm da raag zĩig a to tɩ ka Sẽn-Ka-Saab tẽngã pʋgẽ ye. Bala, Israyɛll dĩmã yika zabre, n baood maam wa ned sẽn baood karenga, n digd-m wa ned sẽn digd koadeng tãng zug n dat n kʋ.»