Zeremi 16:12 - WẼNNAAM SEBRE 2014

¹² La yãmba, yãmb maana sẽn yaa wẽng n yɩɩd y yaab-rãmbã. Yãmb ned kam fãa maanda wa sẽn zems a sũ-keglmã, n ka kelgd maam ye.

SEBR SÕNGO

¹² Sã n ya yãmba, yãmb wẽnem yɩɩda y ba rãmb dẽnna. Ade, yãmb ned kam fãa tũ-la a sũurã sẽn dat wẽng ninga n ka kelg mam goama ye.

Zeremi 16:12 Iomraidhean Croise

Sɩngrẽ 6:5

Sẽn-Ka-Saab gesame tɩ ninsaalbã wẽngã lebga wʋsg dũniyã zugu, la daar fãa, ninsaal tagsda wẽng maaneg yell bala.

Sɩngrẽ 8:21

Sẽn-Ka-Saab wʋma yũ-noogã, la bãmb yeela b sũurẽ: «Mam ka na n leb n kãab dũniyã kãab-wẽng ninsaal yĩng ye. Bala, hal ninsaal yãadem wakate, a tagsda wẽng maaneg bal a sũurẽ. La mam ka na n leb n sãam bõn-vɩɩsã wa mam sẽn zoe n maanã ye.

Kowelɛt 8:12

Baa yel-wẽn-maand sã n maand wẽng naoor koabg n vɩɩmd n kaoose, baoosgo, mam miime tɩ sẽn zoet-b Wẽnnaamã na n paama sũ-noogo, bãmb sẽn zoet Wẽnnaamã yĩnga.

Kowelɛt 9:3

Bõn-kãngã fãa yaa wẽnga, la a bee bũmb nins fãa sẽn maand dũniyã zugã pʋgẽ. Bala, yɛlã paamda nebã fãa. La sẽn paase, ninsaalbã sũyã pida ne wẽnga, la yalemd bee b sũyã pʋsẽ, b vɩɩmã wakate. Dẽ poore, bãmb rabda kũum zĩigẽ.

Zeremi 13:10

Bãmb yaa nin-wẽns sẽn ka sakd n kelg mam goamã ye. B maanda wa sẽn zems b sũ-keglmã, la b zoet n pʋgda bu-zẽms wẽn-naands n wõgemded b taoor n waoogd-ba. Woto yĩnga, bɩ b lebg wa kur-wĩ-kãngã sẽn ka leb n tar yõodã.

Zeremi 17:9

Ninsaal sũurã pida ne zãmb n yɩɩd bũmb fãa, la a yaa wẽng wʋsgo! Ãnda n tõe n bãng-a?

Zeremi 18:12

La nebã na n yeelame: «Ra nams-y y meng ye! Tõnd ned kam fãa na n maana wa a sẽn tagsde, d na n maana wa sẽn zems d sũ-keglmã.»

Zeremi 22:28

Rẽ yĩnga, a Koniya yaa wa bõn-zaok tɩ ned ka leb n dat-a la? Bõe tɩ b rig yẽnda ne a kambã tɩ b kẽng tẽng bãmb sẽn ka mi?

Zeremi 7:24

La bãmb ka sak n kelge, bãmb yẽda b tʋba. Bãmb maana wa sẽn zems b sũ-keglmã, n tõdg b na ges maam n tud b kudga.

Zeremi 7:26

La bãmb ka sak n kelg ye, bãmb yẽda b tʋba. Bãmb kenga b sũur n maan sẽn yaa wẽng n yɩɩd b yaab-rãmbã.

Zeremi 9:14

Woto yĩnga, maam a Saasẽ-Pãng-Soabã sẽn yaa Israyɛll Wẽnnaamã yetame: Mam na n kõo bãmb zẽed sẽn yaa toog liga tɩ b rɩ, la m kõ-b ko-zẽnem tɩ b yũ.

Kʋʋr yɩɩla 5:7

Tõnd ba-rãmbã kongame, bãmb ka leb n be ye, la yaa tõnd n deegd bãmb yel-wẽnã sɩbgre.

Ezekiyɛl 20:30

Woto yĩnga, yeel Israyɛll buudã tɩ Zu-soab a Sẽn-Ka-Saab yetame: «Da maan-y wa y yaab-rãmbã n dẽgem y mens ye. Da maan-y lagem-n-taar ne bãmb yel-yoodã ye.

A Amoose 2:4

Ade, Sẽn-Ka-Saab yetame: Zʋʋda nebã yel-kɛg a tãabã yĩnga, m yeel tɩ naasẽ soabã yĩnga, mam sẽn yeelã ka na n vaal ye: Bala, bãmb zãgsa Sẽn-Ka-Saab tõodã, la b ka sak n deeg bãmb noyã ye. Zʋʋda nebã basame tɩ wẽn-naandsã kẽes-b moogo, yaa wẽn-naands nins bãmb yaab-rãmbã sẽn dag n pʋʋsdã.

Malasi 3:7

Hal sẽn sɩng ne y yaab-rãmbã wakate, yãmb bʋdg n basa mam noyã, yãmb ka sak-b ye. Lebg-y n wa-y mam nengẽ, tɩ mam me lebg n wa yãmb nengẽ. Maam a Saasẽ-Pãng-Soabã n yeele. La yãmb sokdame: «Tõnd tog n maana bõe n lebg n wa?»

A Mark Sõng 7:21

Bala, yaa pʋgẽ, ninsaalbã sũyã pʋs la bõn-wẽnsã yita: tags-wẽnse, tʋʋm-dẽgdo,

Yaoolem 29:19

Sẽn-Ka-Saab ka na n kõ yẽnda sugr ye. Sẽn-Ka-Saab sũ-kãbrã ne b sũ-kiirã na n yika ne a soaba, tɩ tood nins fãa sẽn gʋls seb-kãngã pʋgẽ wã wa a soab zugu. La Sẽn-Ka-Saab na n kɩtame t'a yʋʋr menem tẽng zugu.

Yaoolem 9:27

Tẽeg-y yãmb tʋmtʋmdb a Abrahaam ne a Izaak la a Zakoob yelle. Da-y ges-y nin-kãensã tõdgrã ne b yel-wẽnã la b kongrã ye.

2 Tɩmote 3:13

La nin-wẽnsã ne bɛlgdbã na n kell n kẽeda wẽngã pʋgẽ n paasdẽ. Bãmb mensã yaa neb sẽn meneme, la b menesda neb a taab me.

Ebre rãmba 3:12

Dẽ yĩngã, m ba-biisi, gũus y mens tɩ ned baa a yembr yãmb sʋkã da tall sũur sẽn yaa wẽng la sẽn ka tẽeda, hal t'a wa wẽnemd n bas Wẽnnaam sẽn vɩ wã ye.

Bʋ-kaoodba 2:19

La bʋ-kaoodã sã n wa n ki, bãmb lebd n wẽnemdame n maan wẽngã n yɩɩg b ba-rãmbã sẽn dag n maanã, n tũud wẽnnaam-dãmb a taaba, la b pʋʋsd-ba, n wõgemded bãmb taoore. La b ka basd b tʋʋm-beedã ne b sũ-keglmã ye.

1 Sãmwɛlle 15:23

Bala, kɩɩsg yaa wẽng wa bagr bʋgb sẽn yaa wẽngã, la tõdgr yaa wẽnga, wa bõn-naands pʋʋsg sẽn yaa wẽngã. La fo sẽn zãgs Sẽn-Ka-Saab noorã yĩnga, bãmb me basa foom tɩ f ka na n leb n yɩ rĩm ye.»