Zeremi 16:11 - WẼNNAAM SEBRE 2014

¹¹ Dẽ, bɩ f leok bãmb tɩ maam a Sẽn-Ka-Saab yetame: «Yaa yãmb yaab-rãmbã sẽn bas maam la b kɩɩs mam zãmsgã, n yaool n tũ bu-zẽms wẽnnaam-dãmb n wõgemd n waoog-bã yĩnga.

SEBR SÕNGO

¹¹ Fo na n leok-b lame: ‹Yaa yãmb ba rãmba sẽn bas maama yĩnga, n bas maam n tũ wẽn-sãamse, n maan b yam, la b wõgemd b taoore n waoog-bã. Sã n ya maam, m leokd-b lame tɩ b basa maam, b ka reeg mam noor ye. Soaalã n gomde!

Zeremi 16:11 Iomraidhean Croise

1 Rĩm-dãmbã 9:9

La b na n leoka a soab yaa: ‹Ad yaa Israyɛll nebã sẽn bas Sẽn-Ka-Saab sẽn yaa bãmb Wẽnnaamã, sẽn yiis-a bãmb yaab-rãmbã Ezɩpt tẽngã, n tɩ pʋgd wẽn-naands n waoogd-bã yĩng n kɩte, tɩ Sẽn-Ka-Saab me bas tɩ yel-beed a woto paam-ba.› »

2 Kibayã 7:22

La b na n leok-b lame n yeele: ‹Yaa b sẽn bas Sẽn-Ka-Saab sẽn yaa b yaab-rãmbã Wẽnnaamã, sẽn yiis-a bãmb Ezɩpt tẽngã, n tɩ tũ wẽn-naands n waoog-bã yĩng la Sẽn-Ka-Saab kɩt tɩ yel-beed a woto fãa paam-ba.› »

Zeremi 13:22

La fo sã n wa sokd f meng tɩ maana a wãn tɩ yel-kãngã wa lʋɩt f zugu, bɩ f bãng tɩ yaa fo kongrã sẽn yaa wʋsgã yĩngã la b sẽn kool fo fuugã la b yõg-fã.

Zeremi 2:8

Maan-kʋʋdbã ka sok tɩ Sẽn-Ka-Saab bee yɛɛnẽ ye. Tõogã karen-saam-dãmb ka mi maam ye. Taoor dãmbã zãgsa maam. No-rɛɛsdbã togsa pĩnd-n-bãngr goam ne Baall yʋʋre, n waoog bũmb sẽn ka tar yõodo.

Zeremi 22:9

La b na n leok-b lame n yeele: Yaa tẽn-kãngã nebã sẽn bas Sẽn-Ka-Saab sẽn yaa bãmb Wẽnnaam kaoolã, n wõgemd n waoog buud a taab wẽnnaam-dãmba, la b sak-bã yĩng n kɩt tɩ yaa a woto.

Zeremi 44:3

La yaa wẽng ning bãmb sẽn maanã yĩnga. Bãmb yõoga wisd n waoog wẽn-sãams bãmb ne yãmb la y yaab-rãmbã sẽn ka mi, n beeg maam.

Zeremi 8:2

n dʋʋg wĩndgã ne kiuugã la yĩngr ãdsã bãmb sẽn dag n nong la b waoogdẽ la b pʋgd la b baoodẽ la b wõgemded b taoor n waoogd-bã vẽenemẽ. B ka na n naag-b taaba, la b ka na n mum-b me ye. B na n lebga birg tẽn-gãongã yĩnga.

Zeremi 9:14

Woto yĩnga, maam a Saasẽ-Pãng-Soabã sẽn yaa Israyɛll Wẽnnaamã yetame: Mam na n kõo bãmb zẽed sẽn yaa toog liga tɩ b rɩ, la m kõ-b ko-zẽnem tɩ b yũ.

Kʋʋr yɩɩla 5:7

Tõnd ba-rãmbã kongame, bãmb ka leb n be ye, la yaa tõnd n deegd bãmb yel-wẽnã sɩbgre.

Ezekiyɛl 11:21

La sã n yaa ne neb nins sũyã sẽn noom ne b mens yel-yoodã la yel-beedã, mam na n kɩtame tɩ b yel-manesmã taal lebg n lʋɩ b zugu. Maam a Zu-soab a Sẽn-Ka-Saab n yeele.»

A Amoose 2:4

Ade, Sẽn-Ka-Saab yetame: Zʋʋda nebã yel-kɛg a tãabã yĩnga, m yeel tɩ naasẽ soabã yĩnga, mam sẽn yeelã ka na n vaal ye: Bala, bãmb zãgsa Sẽn-Ka-Saab tõodã, la b ka sak n deeg bãmb noyã ye. Zʋʋda nebã basame tɩ wẽn-naandsã kẽes-b moogo, yaa wẽn-naands nins bãmb yaab-rãmbã sẽn dag n pʋʋsdã.

Malasi 3:7

Hal sẽn sɩng ne y yaab-rãmbã wakate, yãmb bʋdg n basa mam noyã, yãmb ka sak-b ye. Lebg-y n wa-y mam nengẽ, tɩ mam me lebg n wa yãmb nengẽ. Maam a Saasẽ-Pãng-Soabã n yeele. La yãmb sokdame: «Tõnd tog n maana bõe n lebg n wa?»

1 Pɩyɛɛr 4:3

Sɩd me, wakat sẽn looge, yãmb dag n maanda wa neb nins sẽn ka pʋʋsd Wẽnnaamã sẽn maandã. Yaa n sekame. Yãmb dag n kẽnda raglem pʋga, ratem wẽnse la yũ rãam n tuumdẽ wã pʋga, la rã-tɩgrã ne yão-beedã pʋga, la wẽn-naandsã pʋʋsg sẽn yaa bõn-wẽng wʋsgã pʋga.

Bʋ-kaoodba 2:11

Israyɛll nebã maana sẽn yaa wẽng Sẽn-Ka-Saab nifẽ. Bãmb pʋʋsa Baall wẽn-naandse.