Zeremi 15:9 - WẼNNAAM SEBRE 2014

⁹ Sẽn dog-a kom-dibli a yopoe wã pãng sɛɛme t'a vʋʋsem leebdẽ. A wĩndgã lʋɩɩ wĩnto-sʋka. Yãnd tar-a lame t'a zĩ ne paoogre. Mam na n basa sẽn kell-bã b bɛɛbã nusẽ tɩ b kʋ-b ne zabr sʋʋga. Maam a Sẽn-Ka-Saab n yeele.»

SEBR SÕNGO

⁹ Pag ninga sẽn doga kamb a yopoe wã pʋg kang vʋʋsma tulga a yãoogẽ, A wĩndga lʋɩɩme tɩ daara nan ka ta a pʋɩ-sʋk ye. A konga waoor n zĩ ne yãnde. Neb a taaba sẽn kell-ba ra tẽ põasg ye; m na n bas-b-la bɛɛba nusẽ: Soaala n togs rẽnna.

Zeremi 15:9 Iomraidhean Croise

A Ezayi 47:9

Yel-bãmbã b yiibã n na n paam foom wakat-yɛnga, daar a yembr pʋgẽ: yaa f kambã kaalem ne f pʋg-kõtã. Baa fo bag-bʋgdbã sẽn yaa wʋsgã, la baa ne fo tɩɩmã rɩɩb sẽn tar pãngã, yel-bãmbã b yiibã na n lʋɩɩ fo zug ne b pãngã tɛka.

Zeremi 19:7

Mam na n kɩtame tɩ bũmb nins Zʋʋda nebã ne Zeruzalɛm nebã sẽn dat n maanã lebg zaalem zĩ-kãngã pʋgẽ. La bãmb mensã, zabr sʋʋg n na n kʋ b nebã. B bɛɛb na n tõog-b lame tɩ b pa tãp pʋgẽ. La mam na n kɩtame tɩ b lebg yĩngr bõn-yɩgdɩ ne we-rũms rɩɩbo.

Zeremi 21:7

Sẽn-Ka-Saab yetame: «Dẽ poore, mam na n basa Zʋʋda rĩm a Sedesiyaas ne a tʋmtʋmdbã, la neb nins sẽn põs bã-longdsã ne komã la zabr sʋʋgã, Babilond dĩm a Nebukatnedzaar ne bãmb bɛɛb nins sẽn baood bãmb n dat n kʋ wã nugẽ. Babilond dĩmã na n kʋʋ bãmb ne sʋʋs n ka bas bãmb tɩ b põse, wall b zoe b nimbãaneg ye.»

Zeremi 44:27

Mam na n gũusa bãmba, la ka b manegr yĩng ye. Yaa sẽn na n yɩlẽ tɩ toog paam-ba. Zabr sʋʋg ne kom na n kʋʋ Zʋʋda neb nins fãa sẽn be Ezɩptã, hal n sãam-b zãnga.

Zeremi 50:12

Yãn-kãseng tara y ma wã! Pag ning sẽn dog-a yãmbã zĩi ne paoogre! Yẽnda n yaa poorẽ tẽmsã fãa sʋka. A yaa we-raoogo, zĩ-koɛɛnga, la zĩ-peen-daaga.

Zeremi 6:4

Bãmb na n yeelame: «Sũ-y tãp n tɩ zab ne-a! D tɩ zab ne-a wĩnto-sʋka! Toog paama tõndo! Wĩndg kẽedame, la zaabr maasem sigdame.

Zeremi 7:19

La maam a Sẽn-Ka-Saab yetame: Rẽ yĩnga, yaa mam sũur la b sãamd sɩda? Ka b mensã sũy la b sãamd n ningd b mens yãnd sɩda?

Kʋʋr yɩɩla 1:1

Kayto! Tẽng ning neb wʋsg sẽn dag n be a pʋgã lebga tẽn-vɩʋʋgo. A lebga wa pʋg-kõore. Yẽnda rag n yaa kãseng buudã fãa sʋka, yẽnda rag n yaa rĩm-poaka, n so soolem wʋsgo, la b kẽes-a-la tʋʋm-wɛgl pʋga.

Kʋʋr yɩɩla 4:10

Mam buudã sẽn yaa mam nin-nongdsã sãoong wakate, baa pagb nins sẽn dag n yaa nimbãan-zoɛtbã, b rɩgsa b kambã ne b nus n dʋg n wãbe.

Ezekiyɛl 5:12

Fo nebã sʋka, nin-yɛng neb a tãab sʋk na n kii ne bã-loangdga, bɩ kom. La nin-yɛng neb a tãab sʋk na n kii ne zabr sʋʋga, la mam na n sãeega neb a taabã zĩig zãnga, n kɩt tɩ b rig-b ne zabr sʋʋga.

Ezekiyɛl 5:13

Mam na n basame tɩ m sũ-puugrã maan a tʋʋmd ne bãmb n tãag a tɛka, m na n doka m sũurã ne bãmba, tɩ m sũurã yaool n sigi. Woto, bãmb na bãng tɩ yaa maam a Sẽn-Ka-Saab n gom ne bãmb m nonglem-kãsengã pʋgẽ, mam sũurã sẽn na n yik ne bãmb n tãag a tɛkã yĩnga.

1 Sãmwɛlle 2:5

Sẽn dag n dɩt-b n tɩgdã koosda b mens rɩɩb yĩnga, tɩ kom sẽn dag n tar-b rãmbã rɩt n tɩgda. Pʋg-kiir dogda naoor a yopoe, tɩ sẽn dag n dogd-a wʋsgã lebg kiiri.