Zeremi 15:8 - WẼNNAAM SEBRE 2014

⁸ Mam kɩtame tɩ b pʋg-kõapã sõor yɩ wʋsgo, n yɩɩd bĩisrã sẽn be ko-kãsengã noorã. Mam kɩtame tɩ sãamd wa wĩnto-sʋka, n kʋ ra-sãmbã tɩ toog ne rabeem yõk b ma-rãmb wakat a ye pʋgẽ.

SEBR SÕNGO

⁸ M kɩtame tɩ b pʋg-kõapa sõore yɩɩd bĩisra sẽn be mogra noore. Mam kɩtame tɩ fãada wa wĩnto-sʋka n sɩng zabre ne tãb-biig ma, vugr bala a yɛɛsa yɛɛsg kãsenga.

Zeremi 15:8 Iomraidhean Croise

A Ezayi 3:25

Fo raopã na n paa tãpẽ, la fo gãndaadã na n paa zabrẽ.

A Ezayi 3:26

Zeruzalɛm tẽngã noy na n pida ne yãbr la wiisgu. Yẽnda nebã kaalem yĩnga, a na n zĩnda tomẽ n yãbe.

A Ezayi 4:1

Badaare, pagb a yopoe na n gãda rao a yembr n yetẽ: «Tõnd na n dɩlgda d mense, la d yeelgd d mens futu. Yãmb we n sak tɩ d reeg yãmb yʋʋrã bala! Yiis d yãndã kõ-do.»

Zeremi 16:3

Bala, ad bũmb nins sẽn na n paam kamb nins sẽn na n dog zĩ-kãngã, la sẽn na n paam b ba-rãmbã ne b ma-rãmbã sẽn na n dog-bã:

Zeremi 18:21

Woto yĩnga, kɩt-y tɩ kom ne zabr sʋʋg kʋ b kambã. Kɩt-y tɩ b kambã ki, la y kɩt tɩ b pagbã lebg pʋg-kõapa. Kɩt-y tɩ bã-longds kʋ b raopã, tɩ b ra-sãmbã pa tãpẽ.

Zeremi 22:7

Mam yãka sãamdb tɩ b wat n na n zab ne-yã. Bãmb ned kam fãa zãada a zab-teoogo. Bãmb na n kɛɛ yãmb sɛɛdr tɩɩs nins sẽn ya-b neeb n yɩɩdã n yõog bugum.

Zeremi 4:16

Keoog-y buud toay-toayã, la y moon n togs Zeruzalɛm nebã yaa: «Bɛɛb n yi tẽn-zãrgẽ n watẽ. Bãmb zẽkda b koees n tãsd Zʋʋda soolem tẽmsã.

Zeremi 5:6

Rẽ kɩtame tɩ bɛɛbã na n yi wa gɩgemd sẽn yi kãgrẽ n zab ne-ba, wa tẽn-nabd-koɛɛngẽ digd-n-yĩidga, n zendem bãmba. Bɛɛbã na n sora bãmb tẽmsã noy wa ãbga, n yõgd neb nins fãa sẽn yit-b beenẽ wã n zendemdẽ. Bala, bãmb beegrã yaa wʋsgo, la b kɩɩsgã tara yãngr bala.

Zeremi 6:26

Mam nebã, sẽgen-y boto, la y bilim tompeglmẽ. Yãb-y ne sũ-sãang wa ned sẽn yãbd a bi-yɛng kũum. Yãb-y n wiis-y-yã, bala, sãamdã watame, a na n wa linga tõnd n zab ne-do.»

Kʋʋr yɩɩla 5:3

Tõnd yaa kɩɩbs sẽn ka ba, la d ma-rãmbã yaa wa pʋg-kõapa.

Ezekiyɛl 22:25

Yẽnda no-rɛɛsdbã seta taab a pʋgẽ. Gɩgemd sẽn kelemd la a zendemd rũng a sẽn yõkã to-to wã, woto me, yẽnda no-rɛɛsdbã kʋʋda nebã, n wʋkd b arzegsã, ne b te-sõama wã, n kɩtdẽ tɩ pʋg-kõapã sõor lebgd wʋsg tẽngã pʋgẽ.

A Ooze 4:5

Fo na n laka wĩndga, la no-rɛɛsã sẽn be ne foomã na n laka yʋngo, la mam na n sãama f ma wã.

A Luk Sõng 21:35

wa zĩm-gãmbre, bala, ra-kãng na n waa n linga neb nins fãa sẽn be tẽn-gãongã fãa zugã.