Zeremi 15:7 - WẼNNAAM SEBRE 2014

⁷ Mam yelgda bãmb tẽn-kãngã rignoyẽ wã mam kʋʋ bãmb kambã, mam menesa m nebã, la bãmb ka tek yam ye.

SEBR SÕNGO

⁷ Tẽnga fãa sagsẽ, m waa ne m zɛɛdga, n na n yelg tɩ sobg loog ne-ba. M monga m buuda kamba, n boog a neba sõore. Ne rẽ fãa a pa tek a manesem ye.

Zeremi 15:7 Iomraidhean Croise

Yɩɩn‑sõamyã 1:4

La ka woto ne nin-wẽnsã ye. Bãmb wẽnda wudg sobg sẽn dɩkde.

A Ezayi 41:16

Fo na n yelga bãmb tɩ sobg rɩk n looge, sob-kãseng na n sãeega bãmba. La sã n yaa ne foom, fo na n maana sũ-noog Sẽn-Ka-Saab yĩnga. Fo na n kɩdma Israyɛll Pʋ-Peelem-Soabã yĩnga.

A Ezayi 9:12

Baoosgo, Israyɛll nebã ka na n lebg n wa Sẽn-Ka-Saab sẽn yaa soab ning sẽn pãbd bãmbã nengẽ ye. Bãmb ka na n wẽnemd n bao Saasẽ-Pãng-Soabã ye.

A Ezayi 9:13

Dẽ, daar a yembr pʋgẽ, Sẽn-Ka-Saab na n fiuuga Israyɛll zugã, la b kʋʋg a zʋʋrã, b na n kʋʋga koangã willi, la b kʋʋg tãnwiigã.

Zeremi 18:21

Woto yĩnga, kɩt-y tɩ kom ne zabr sʋʋg kʋ b kambã. Kɩt-y tɩ b kambã ki, la y kɩt tɩ b pagbã lebg pʋg-kõapa. Kɩt-y tɩ bã-longds kʋ b raopã, tɩ b ra-sãmbã pa tãpẽ.

Zeremi 5:3

Sẽn-Ka-Saabo, rẽ yĩnga, ka pʋ-peelem dãmb la yãmb baood sɩda? Yãmb wẽ-b lame la ka zab bãmb ye. Yãmb dag n dat n sãam-b lame, la b ka sak n deeg remsg ye. Bãmb kenga b nens n yɩɩg pĩig kugri. Bãmb ka sak n na n lebg n wa yãmb nengẽ ye.

Zeremi 51:2

Mam na n tʋma bu-zẽms tɩ b wa sãeeg Babilond n bas tẽngã vɩʋʋgo. Bala, a toogã daar sã n ta, neb na n yii zĩig fãa n wa zab ne-a.

Zeremi 9:21

Bɩ foom a Zeremi yeel tɩ maam a Sẽn-Ka-Saab yeelame tɩ kũum na n dʋra tẽng wa birg sẽn be pʋt pʋsẽ, la wa b sẽn kẽeb ki n dʋʋg n bas n loog tɩ ned ka wʋk-a ye!»

Ezekiyɛl 24:21

«Yeel Israyɛll buudã tɩ Zu-soab a Sẽn-Ka-Saab yetame: ‹Mam dẽgemda m zĩig ning sẽn welg toorã, zĩig ning sẽn yaa yãmb zu-zẽkre, n yaa y pãngã, la yãmb sẽn get a soab tɩ noom yãmbã, tɩ y yam loe ne a soabã. Yãmb kom-dibli wã ne y kom-pugli nins yãmb sẽn loog n bas Zeruzalɛmã na n kii ne zabr sʋʋga.

Ezekiyɛl 24:25

Sã n yaa ne foom a ninsaala, sɩd hakɩɩka, daar ning mam sẽn na n sãam bãmb zu-zẽkrã sẽn yaa bãmb pãngã, bãmb sẽn get a soab tɩ noom bãmbã, tɩ b yam loe ne a soabã, la m sẽn na n sãam bãmb kom-dibli wã ne b kom-pugli wã daare,

Ezekiyɛl 36:12

Mam na n kɩtame tɩ ninsaalb kẽn yãmb zutu. Yaa Israyɛll sẽn yaa mam nebã. Bãmb na n deega foom n sooge. Fo na n yɩ bãmb pʋɩɩre, la fo kõn leb n kʋ bãmb kambã ye.

Zakari 1:4

Saasẽ-Pãng-Soabã leb n yeelame: «Da yɩ-y wa y yaab-rãmbã ye. Wakat sẽn looge, no-rɛɛsdbã rag n moondame n yet bãmb tɩ Saasẽ-Pãng-Soabã yetame yaa: ‹M kot-y lame tɩ y bas y manesem-wẽnsã ne y tʋʋm-wẽnsã n lebg n wa mam nengẽ!› La bãmb ka kelg ye. Bãmb maana b toog kae ne maam ye. Maam a Sẽn-Ka-Saab n yeele.

A Matiye Sõng 3:12

Bãmb zãada b kaorgo. Bãmb na n pɩɩsa b zɛɛga, n wʋk b ki n sui b baoorẽ, la b na n yõoga wudgã ne bugum sẽn ka kiida.

Yaoolem 28:18

Yãmb kambã ne y koodã la y rũm-bɛdã ne y rũm-bãoonegã na n paama kãab-wẽnga.

Yaoolem 28:32

B na n dɩka fo kom-dibli wã ne kom-pugli wã n kõ buud a to tɩ f yã. Fo na n dat-b-la daar fãa hal tɩ f sũur sãame, la f ka tõe n maan bũmb ye.

Yaoolem 28:41

Yãmb na n doga kom-dibli, ne kom-pugli, la y ka na n soog-b ye. Bala, b na n kẽes-b-la yembdo.