Zeremi 15:6 - WẼNNAAM SEBRE 2014

⁶ Maam a Sẽn-Ka-Saab yetame: Yãmb basa maam, yãmb tuda maam y kudga. Woto yĩnga, mam zẽka m nug n sãamd yãmba. Mam yam ya n yii ne yãmb nimbãaneg zoeese.

SEBR SÕNGO

⁶ Mik yaa fo meng n yeele tɩ f toog ka le be ne maam ye, fo n tud maam f zãnkudga. Yaa rẽ yĩnga la m sɩbg-fo. Mam yɛɛ ne belsgo!

Zeremi 15:6 Iomraidhean Croise

A Ezayi 1:4

Toog bee bu-kãngã sẽn yaa yel-wẽn-maandã zugu, bãmb yaa koangdba, bãmb yaa tʋʋm-wẽns rãmba, bãmb yaa kom-wegemse! Bãmb basa Sẽn-Ka-Saabo, bãmb paooga Israyɛll Pʋ-Peelem-Soabã, bãmb wẽnemd n basa bãmba.

A Ezayi 28:13

Ne nin-bãmbã, Sẽn-Ka-Saab goamã na n yɩɩ wa: Yaa noor ne noore, yaa tõog ne toogo, toadg ne toadga, yaa bilf ka, la bilf ka sẽnẽ. Sẽn na n yɩlẽ tɩ b sã n kẽnd bɩ b lagsd n lʋɩt zãmbɛɛl n kaoodẽ, bɩ bẽodgã paam-b n yõke.

A Ezayi 31:3

Ezɩpt nebã yaa ninsaalb bala, b ka Wẽnnaam ye. Bãmb wiidã yaa nemd bala, b ka sɩɩs ye. Sẽn-Ka-Saab sã n tẽeg b nugã bala, sẽn wat-a n na n sõngã lakd n lʋɩɩme, b sẽn sõngd a soabã na n lʋɩɩme, la bãmb fãa na n naaga taab n sãame.

Zeremi 1:16

Mam na n kaoo bãmb bʋʋdo, tʋʋm-wẽns nins fãa b sẽn maanã yĩnga: bãmb sẽn bas maam n yõogd wisd n kõt buud a taabã wẽnnaam-dãmbã, la b wõgemded n waoog bõn-naandsã sẽn yaa b nug tʋʋmdã yĩnga.

Zeremi 13:14

Mam na n kɩtame tɩ ba-rãmb ne b kamb fão taaba. Maam a Sẽn-Ka-Saab n yeele. Mam ka na n bas-b ba a yembr ye, mam ka na n zoe ned ba a yembr nimbãaneg ye. Bũmb kõn tõog n gɩdg maam tɩ m ka sãam-b ye.»

Zeremi 2:13

Bala, mam nebã maana yel-wẽn a yiibu. Bãmb basa mam sẽn yaa vɩɩm ko-bundum b yĩngã, n tu ko-bao n kõ b mense. La b ko-baoã yaool n yaa võy n ka tõe n tall koom ye.

Zeremi 2:17

Yel-kãngã sẽn paam yãmbã ka yãmb sẽn bas Sẽn-Ka-Saab sẽn yaa y Wẽnnaamã, wakat ning b sẽn yãag yãmb sorã zugã sɩda?

Zeremi 2:19

Bɩ wẽng ning y sẽn maanã rɩ-yã, la bɩ y sẽn bas maamã sɩbgr lʋɩ y zugu, tɩ y bãng tɩ yãmb sẽn bas maam a Sẽn-Ka-Saab sẽn yaa yãmb Wẽnnaam n ka leb n zoet maamã wata ne wẽng la toogo. Saasẽ-Pãng-Soabã n yeele.

Zeremi 20:9

Mam sã n yeel tɩ m ka na n leb n togs Sẽn-Ka-Saab yelle, wall m gom ne bãmb yʋʋre, a lebgda wa bugum m sũurã pʋgẽ, a bee m kõabã pʋsẽ. Mam maoodame n dat n sĩndi, la m ka tõe ye.

Zeremi 44:22

Sẽn-Ka-Saab yam dag n yii ne yãmb tʋʋm-wẽnsã ne yel-beed nins yãmb sẽn maanã. La yãmb tẽngã lebga raboogo, la zĩ-vɩʋʋgo, ne kãab-beedo, tɩ ned ba a yembr ka leb n be beenẽ ye. Yaa rẽ n kɩt t'a ya a woto hal tɩ ta rũndã.

Zeremi 6:11

Sẽn-Ka-Saab sũ-puugrã reeg n tara maam, hal tɩ m ya n yɛ n ka tõe n gɩdg-a ye. Sẽn-Ka-Saab yetame: «Bas tɩ sũ-puugrã nams kambã soayã zutu, la a nams ra-sãmbã b tiging zĩisẽ. B na n yõga pagbã ne raopã, la nin-kẽembã ne nin-kẽem-kulkuudã me n tall n looge.

Zeremi 6:12

Mam sã n wa tẽeg m nugã n sɩbg tẽngã nebã, bãmb dotã ne b pʋtã la b pagb na n lebga neb a taab rẽnda. Maam a Sẽn-Ka-Saab n yeele.

Zeremi 6:19

Dũni rãmba, kelg-y-yã! Mam na n kɩtame tɩ toog paam nin-kãense. Na n yɩ b tags-wẽnsã biisi. Bala, bãmb ka kelg mam goamã ye. Bãmb zãgsa m tõodã.

Zeremi 7:16

La foom a Zeremi, ra pʋʋs maam nin-kãensã yĩng ye. Ra zẽk f koɛɛg wall f yõk maam sɛɛg ye. Bala, mam ka na n kelg-f ye.

Zeremi 7:24

La bãmb ka sak n kelge, bãmb yẽda b tʋba. Bãmb maana wa sẽn zems b sũ-keglmã, n tõdg b na ges maam n tud b kudga.

Zeremi 8:5

La yaa bõe tɩ Zeruzalɛm nin-kãensã bas maam n kɩɩsd maam wakat fãa? Bãmb kẽngda taoor ne zãmbã maanego, bãmb ka sak n na n lebg n wa mam nengẽ ye.

Zeremi 8:9

Yam dãmbã ninga b mens yãnde. Bãmb yɛɛsame n ka leb n mi b sẽn dabdẽ ye. Bãmb sẽn zãgs Sẽn-Ka-Saab goamã, bõe yam la bãmb tara?

Ezekiyɛl 14:9

No-rɛɛsã sã n bas tɩ b belg-a, la a sã n togs koɛɛga, yaa maam a Sẽn-Ka-Saab n belg no-rɛɛs-kãnga. Mam na n tẽega m nug yẽnda zug n kɩt t'a menem Israyɛll sẽn yaa mam nebã sʋka.

Ezekiyɛl 25:7

Bõn-kãng yĩnga, bãng-y tɩ mam na n wilga yãmb m pãngã. Mam na n basame tɩ bu-zẽmsã fã yãmba. Mam na n yiisa yãmb buud a taabã sʋka, mam na n menesa yãmb tẽms pʋse, mam na n sãama yãmba. Woto, yãmb na bãng tɩ mam yaa Sẽn-Ka-Saabo.»

Ezekiyɛl 35:3

‹Yeel bãmb tɩ maam a Zu-soab a Sẽn-Ka-Saab yetame: Seyɩɩr soolem ning sẽn be tãms sʋka, mam na n yika zabr ne foom, m na n tẽega m nugã fo zugu n kɩt tɩ f lebg zĩ-vɩʋʋgo.

A Ooze 11:7

Mam nebã ka rat n bas b kɩɩsgã ye. B boonda bãmb tɩ b naag taab n yiki, La bãmb ka yik ye.

A Ooze 13:14

Mam na n fãaga bãmb kɩɩm-kulgu, La m na n fãag-b-la ne kũum. Kũum, fo toog bee yɛɛnẽ? Kɩɩm-kulgu, fo sãoong bee yɛɛnẽ? Mam ka leb n tar nimbãan-zoeer ye!

A Ooze 4:16

Israyɛll nebã yaa tõatb wa nag-sadga, la moasã Sẽn-Ka-Saab na n wãbnega bãmb wa pe-bil sẽn be zĩ-yalengẽ n wãbdẽ.

Sofoni 1:4

Mam na n tẽega m nugã n sɩbg Zʋʋda ne Zeruzalɛm nebã, la m na n menesa bũmb ning sẽn ket zĩ-kãngã pʋgẽ, n yaa wẽn-naandg a Baall dẽndã, la m menes a Baall tʋmtʋmdbã sẽn yaa a maan-kʋʋdbã.

Zakari 7:11

La bãmb zãgsame tɩ b ka na n kelg ye. Bãmb kɩɩsame n yẽd b tʋba, sẽn na n yɩl n da wʋm ye.