Zeremi 15:4 - WẼNNAAM SEBRE 2014

⁴ Mam na n kɩtame tɩ dũniyã soolem-dãmbã fãa sã n yãnd bãmba, bɩ rabeem-kãseng yõk-ba, Zʋʋda rĩm a Ezekɩyaas sẽn yaa a Manaase biigã sẽn maan bũmb nins Zeruzalɛm pʋgẽ wã yĩnga.»

SEBR SÕNGO

⁴ Woto dũni wã pʋgẽ dãmba fãa na yãend la b yɛɛse. Ad-y ka ned a to yell ye, yaa Zɩɩda dĩma a Ezekiyas biiga, a Manase, yelle; a maana sẽn ka neere Zerizalɛɛm.

Zeremi 15:4 Iomraidhean Croise

2 Rĩm-dãmba 21:1

A Manaase sẽn wa n na n deeg naamã t'a tara yʋʋm piig la yiibu. A Manaase rɩɩ naamã yʋʋm pis-nu la a nu Zeruzalɛm tẽngã pʋga. Yẽnda ma yʋʋr dag n yaa a Hɛfsiba.

2 Rĩm-dãmba 21:15

Bala, bãmb maana sẽn yaa wẽng n beeg maam. Bãmb kɩɩsa maam hal sẽn sɩng ne daar ning bãmb ba-rãmbã sẽn yi Ezɩpt tẽngã tɩ ta rũndã.› »

2 Rĩm-dãmba 21:2

A Manaase maana sẽn yaa wẽng Sẽn-Ka-Saab nifẽ. Bala, yẽnda maana togs-n-taar ne buud nins Sẽn-Ka-Saab sẽn dag n kɩt tɩ Israyɛll nebã rigã, n maan tʋʋm-beedo.

2 Kibayã 33:1

A Manaase sẽn wa n na n deeg naamã t'a tara yʋʋm piig la yiibu. Yẽnda rɩɩ naam n kaoos yʋʋm pis-nu la a nu Zeruzalɛm tẽngã pʋga.

2 Kibayã 33:2

A Manaase maana sẽn yaa wẽng Sẽn-Ka-Saab nifẽ. Bala, yẽnda maana yel-beed wa buud a taab nins Sẽn-Ka-Saabã sẽn dag n kɩt tɩ Israyɛll nebã rigã.

Zeremi 24:9

Mam na n kɩtame tɩ b lebg pelen-yɩk la yel-beed dũniyã soolem-dãmbã fãa yĩnga. Zĩig ning fãa mam sẽn na n dig bãmb tɩ b kẽnge, b na n paooga bãmba, la b na n lebga yel-bũndi. B na n yaala bãmb la b kãab-b wẽnga.

Zeremi 29:18

Mam na n diga bãmb ne zabr sʋʋga, la kom ne bã-longdse. Mam na n kɩtame tɩ dũniyã soolem-dãmbã fãa sã n yãnd bãmb bɩ rabeem-kãseng yõk-ba. Soolem nins fãa mam sẽn na n dig bãmb tɩ b kẽngã pʋsẽ, nebã na n gesa yãmb wa kãab-beedo, wall bũmb sẽn kẽesd rabeem, wall yãnd bũmbu,

Zeremi 34:17

Bõn-kãng yĩnga, maam a Sẽn-Ka-Saab yetame: ‹Yãmb ned kam fãa rag n tog n kõ a yamb lohorem, t'a yaa y saam-biiga, la yãmb ka kelg maam ye.› Woto yĩnga, maam a Sẽn-Ka-Saab yetame: ‹Mam na n basame tɩ zabr sʋʋg ne bã-longds la kom kʋ yãmba, la mam na n kɩtame tɩ dũniyã soolem-dãmbã fãa sã n yãnd yãmba, bɩ rabeem-kãseng yõk-ba.

Zeremi 9:16

Saasẽ-Pãng-Soabã yetame: Tags-y-yã! Bool-y pagb sẽn mi yãbrã tɩ b wa. Kẽng-y n tɩ bool-y sẽn mi-b yãbr sõamã wã tɩ b wa!

Kʋʋr yɩɩla 1:8

Zeruzalɛm maana yel-wẽn wʋsgo, rẽ kɩtame t'a lebg bõn-dẽgdo. Neb nins fãa sẽn da waoogd yẽnda wã paoogda yẽnda moasã. Bãmb yãame t'a yaa zaala. La yẽnda meng wẽeda sir n tarda.

Ezekiyɛl 18:19

La yãmb sokame: «Bõe yĩng tɩ ba kongr ka lʋɩt biig zugu? Yaa tɩ biigã maana sẽn zemse, la sẽn yaa tɩrga. Yaa t'a kẽna wa sẽn zems mam noyã fãa la a sak-ba. Dẽ, a na n vɩɩmdame.

Ezekiyɛl 23:46

Ad maam a Zu-soab a Sẽn-Ka-Saab sẽn yeta: «Tigim neb kʋʋng tɩ b wa zab ne-ba, n kẽes-b rabeem-kãseng la b fã-ba.»

Maan‑kʋʋre 26:33

Mam na n sãeega yãmb n kẽes buud a taabã sʋka, n kɩt tɩ b rig yãmb ne zabr sʋʋga. Yãmb soolmã na n wãame, tɩ y tẽmsã lebg raboodo.

Yaoolem 28:25

Sẽn-Ka-Saab na n kɩtame tɩ yãmb bɛɛbã tõog yãmba. Yãmb na n tũu sor a ye n tɩ zab ne-ba, la y bɛɛbã na n diga yãmb tɩ y tũ soay a yopoe n zoe. La yãmb na n kẽe dũniyã nebã fãa soolem pʋsẽ n lebg wa bõn-wẽnga.

Yaoolem 28:64

Sẽn-Ka-Saab na n kɩtame tɩ y sãeeg n kẽ buud a taabã fãa sʋka, n ta dũniyã ween-vɩɩsã fãa. La beenẽ, yãmb na n tũu neb a taab wẽnnaam-dãmb sẽn maan ne daad la kuga, yãmb ne y yaab-rãmbã sẽn dag n ka mi.