Zeremi 15:1 - WẼNNAAM SEBRE 2014

¹ Sẽn-Ka-Saab yeela maam yaa: «Ba a Moyiis ne a Sãmwɛll sã n wa yals mam taoore, mam ka na n zoe nin-bãmbã nimbãaneg ye. Rig-b tɩ b menem mam taoor n bao zĩiga.

SEBR SÕNGO

¹ Ad Soaala-Wẽnd sẽn yeel-ma: «Ba yaa a Moyiiz ne a Samwɛl n yõkd m sɛɛg buud kãng yĩnga, b kõn tõog tɩ m yama tedg ye. Dig buud a woto t'a menem mam taoore n zãag zĩiga.

Zeremi 15:1 Iomraidhean Croise

Sɩngrẽ 19:27

A Abrahaam sãda beoog n kẽng zĩig ninga yẽnda sẽn dag n yals Sẽn-Ka-Saab taoorã.

2 Rĩm-dãmba 17:20

Woto, Sẽn-Ka-Saab basa Israyɛll buudã zãng n ning-b yãnde, n bas tɩ fãadb wa fã-ba. La Sẽn-Ka-Saab baas n dig-b lame tɩ b zãag ne bãmba.

Yɩɩn‑sõamyã 106:23

Wẽnnaam yeelame tɩ b na n menes-b lame, la b nin-tũusdg a Moyiis bal n na n põse. A Moyiis yõka Wẽnnaam sɛɛga, n na n kos-b tɩ b sik b sũuri, la b ra sãam nebã ye.

Yɩɩn‑sõamyã 99:6

A Moyiis ne a Aarõ sẽn dag n be Sẽn-Ka-Saab maan-kʋʋdbã sʋkã, ne a Samwɛll sẽn dag n be sẽn boond-b bãmb yʋʋrã sʋkã, b fãa boola Sẽn-Ka-Saabo, la b leoka bãmba.

Yelbũna 14:35

Rĩm nonga tʋmtʋmd sẽn tar gũus-m-menga, la a sũur puuda ne sẽn wat-a ne yãnde.

Zeremi 10:18

Bala, Sẽn-Ka-Saab yetame: «Mam na n lobga tẽngã nebã wa loaabg kugr tɩ b zãage. Mam na n dɩdg-b lame tɩ b ka tõog n põs ye.»

Zeremi 11:14

Bɩ foom a Zeremi ra pʋʋs maam, la f ra kelem n bool maam nin-bãmbã yĩng ye. Bala, bãmb sã n bool maam b toogã pʋgẽ, mam ka na n kelg-b ye.› »

Zeremi 14:11

Sẽn-Ka-Saab yeela maam yaa: «Da pʋʋs n kos sõngr nin-bãmbã yĩng ye.

Zeremi 14:12

Ba b sã n loe noore, mam ka na n kelg b sũ-sãang kelemsã ye. Ba b sã n wa ne maand sẽn yõogd bugum ne bõn-koaadl kũuni, mam ka na n deeg ye. Mam na n kʋ b fãa gill ne zabr sʋʋga, la ne kom la bã-longdse.»

Zeremi 15:19

Woto yĩnga, maam a Sẽn-Ka-Saab yetame: «Fo sã n lebg n wa, mam na n deega foom, n kɩt tɩ f leb n yɩ m tʋmtʋmda. Fo sã n bas gom-yaals n gom gom-sõamyã, fo na n leb n yɩ m no-rɛɛsa. Yaa nebã n tog n lebg n wa fo nengẽ, ka foom n tog n lebg n bao bãmb zĩig ye.

Zeremi 16:13

Mam na n diga yãmb n yiis tẽn-kãngã, tɩ y kẽng tẽng yãmb ne y yaab-rãmbã sẽn ka mi pʋga. Beenẽ, yãmb na n waoogda bu-zẽms wẽnnaam-dãmb wĩntoog ne yʋngo, bala mam ka na n leb n zoe y nimbãaneg ye.»

Zeremi 16:5

Bala, maam a Sẽn-Ka-Saab yetame: «Ra kẽng ned yiri, b sẽn yãbd b ned sẽn ki yĩng ye. Ra yãb b nedã yĩnga, la ra bels-b ye. Bala, mam yiisa m laafɩ wã ne m nonglmã, la m nimbãan-zoeerã nin-bãmbã sʋka. Maam a Sẽn-Ka-Saab n yeele.

Zeremi 18:20

Yel-sõmd yaood yaa beem la? Bãmb tuu bok n dat tɩ m lʋɩ a pʋgẽ. Tẽeg-y tɩ mam dag n yalsa yãmb taoore, n yõk yãmb sɛɛg bãmb yĩnga, tɩ y sũurã ra wa puug ne-b ye.

Zeremi 22:28

Rẽ yĩnga, a Koniya yaa wa bõn-zaok tɩ ned ka leb n dat-a la? Bõe tɩ b rig yẽnda ne a kambã tɩ b kẽng tẽng bãmb sẽn ka mi?

Zeremi 23:39

mam na n yĩma yãmb yelle. Mam na n basa yãmba, la m bas tẽng ning m sẽn dag n kõ yãmb ne y yaab-rãmbã.

Zeremi 35:19

maam a Saasẽ-Pãng-Soabã sẽn yaa Israyɛll Wẽnnaamã yetame: ‹Ned kõn tol n kong a Rekaab biig a Yonadaab yagensã sʋk sẽn na n yals mam taoor ye.› »

Zeremi 52:3

Sẽn-Ka-Saab sũ-puugrã yĩng n kɩt tɩ yel-kãngã paam Zeruzalɛm ne Zʋʋda nebã, hal tɩ Sẽn-Ka-Saab tol n dig-b n zãag ne b menga. A Sedesiyaas kɩɩsa Babilond dĩmã noore.

Zeremi 9:19

Pagba, kelg-y Sẽn-Ka-Saab goamã. Wʋm-y bũmb nins bãmb sẽn yetã! Zãms-y y kom-pugli yãbre, la y zãms y pʋg-taabã wiisgu.

Ezekiyɛl 14:14

la sã n mikame tɩ nin-bãmbã b tãabã be a pʋgẽ, a Nowe ne a Dãniyɛll la a Zoobe, bãmb na n fãaga b mensã vɩɩm b tɩrlmã yĩnga. Maam a Zu-soab a Sẽn-Ka-Saab n yeele.

Ezekiyɛl 22:30

Mam baoo ned bãmb sʋkã sẽn na n me lalga, ned sẽn na n yals mam taoor lalgã võorẽ, n yõk maam sɛɛg tẽngã yĩnga, tɩ m da sãam-a, la mam ka yãnd ye.

A Ooze 9:15

Bãmb wẽngã fãa pʋka Gilgalle! Yaa beenẽ la mam kisg bãmba. Bãmb yel-manesem wẽngã yĩnga, mam na n diga bãmb n yiis m doogã pʋga. Mam ka na n kell n nong bãmb ye. Bãmb nanamsã yaa kɩɩsdba.

Zakari 3:3

A Zozoe rag n yera fu-rẽgd n yas malɛɛkã taoore.

Yaoolem 9:26

Mam yõka Sẽn-Ka-Saab sɛɛg n yeele: «Wẽnnaam Sẽn-Ka-Saabo, da-y sãam-y y nebã sẽn yaa yãmb soolmã y sẽn fãag y kãosengã pʋgẽ, n yiis-b Ezɩpt tẽngã ne pãngã ye.

Ebre rãmba 9:24

Bala, Kiris ka kẽ manegr doog ning neb nus sẽn ti n mams a meng-mengã ye, la yaa arzãna, n na n yals Wẽnnaam taoor moasã tõnd yĩnga.

Bʋ-kaoodba 5:9

Mam nonga Israyɛll tãb-biis nanambsã, Mam nonga Israyɛll neb nins sẽn kẽng zabrã ne yamleoogã. Pẽg-y Sẽn-Ka-Saabo.

1 Sãmwɛlle 12:19

Nebã fãa yeela a Sãmwɛll yaa: «Pʋʋs-y Sẽn-Ka-Saab sẽn yaa y Wẽnnaamã, tõnd sẽn yaa y tʋmtʋmdbã yĩnga, tɩ d ra ki ye. Bala, tõnd paasa d yel-wẽnã sõore, tõnd sẽn kos tɩ d rata rĩmã yĩnga.»

1 Sãmwɛlle 12:23

Mam kõn tol n bas n ka pʋʋs Sẽn-Ka-Saab yãmb yĩnga, n wa beeg bãmb ye. Mam na n zãmsa yãmb sor sẽn yaa sõama, la tɩrga.

1 Sãmwɛlle 7:9

A Sãmwɛll dɩka pe-bil sẽn ket n yẽsemdẽ, n maan maoongo, n yõog-a fãa bugum Sẽn-Ka-Saab yĩnga. A Sãmwɛll kelmame n bool Sẽn-Ka-Saab Israyɛll nebã yĩnga, la Sẽn-Ka-Saab leoka a kosgã.