Zeremi 14:2 - WẼNNAAM SEBRE 2014

² Zʋʋda nebã bee sũ-sãang pʋga. Bãmb tẽmsã sãamdame. Bãmb nebã gãee tẽng ne sũ-sãanga. Zeruzalɛm kelemsã zẽkd n kuiisa saasẽ.

SEBR SÕNGO

² A Zɩɩda rɩta a kamb kʋʋre sũ-noog fãa sɛ-la a tẽn-kogsẽ, fãa pida ne lik la sũ-sãanga, Zerizalɛɛm waasg bal la b wʋmda.

Zeremi 14:2 Iomraidhean Croise

A. Zoobe 34:28

Nin-wẽns kɩtame tɩ naong rãmb yãbd n boond Wẽnnaam. La Wẽnnaam wʋmda nimbãan-nebã kɛlenga.

Yɩɩn‑sõamyã 144:14

Tõnd niigã tara pʋse. Rũm-kũum wall rũng sẽn fabd ka be be ye. Sũ-sãang kɛleng ka be tõnd sõasg zĩigẽ ye!

Yikri 2:24

Dẽ, Wẽnnaam wʋma bãmb yãbrã, n tẽeg kaool ning bãmb sẽn dag n maan ne a Abrahaam la a Izak ne a Zakoobã yelle.

A Ezayi 15:5

Mam kelemda Moaab yĩnga. Neb n zoe n ta hal Soaar tẽnga, b taa hal Eglat-Selisiya tẽnga. Bala, bãmb bee Luyit tãngã rʋʋdg zugu, n kẽnd la b yãbda. Bãmb bee Horonayim tẽngã sor zug n kẽnd la b wiisd sãoongã yĩnga.

A Ezayi 24:11

Nebã yãbda tẽngã soay zutu, bala, reezẽ rãam ka leb n be ye. Sũ-noog buudã fãa loogame. B riga kɩdeng t'a yi tẽngã.

A Ezayi 24:4

Tẽnga bee sũ-sãang pʋga, a yɛɛme. Dũni gill yɛɛme n sãamdẽ. Tẽngã nin-kãsemsã me pãng sɛɛme.

A Ezayi 24:7

Reezẽ rãam ka leb n wẽkdẽ ye, reezẽ tɩɩs zelgame. Neb nins fãa sẽn dag n maand sũ-noogã wẽeda siri.

A Ezayi 3:26

Zeruzalɛm tẽngã noy na n pida ne yãbr la wiisgu. Yẽnda nebã kaalem yĩnga, a na n zĩnda tomẽ n yãbe.

A Ezayi 33:9

Tẽngã bee sũ-sãang pʋga, la a sãamdame. Yãnd tara Libã tãngã t'a kʋɩtẽ. Saaron tẽn-nabdrã lebga wa rasempʋɩɩga. Basã ne Karmell tɩɩsã vãad sʋʋgame.

A Ezayi 5:7

Ade, Saasẽ-Pãng-Soabã reezẽ tɩɩs pʋʋgã yaa Israyɛll nebã. La tɩɩs nins bãmb sẽn dag n nongã yaa Zʋʋda nebã. Sẽn-Ka-Saab rag n tagsdame tɩ b na n yãnda zemsg beenẽ, la b mika zɩɩm daagr bala! Bãmb dag n tagsdame tɩ b na n yãnda tɩrlem beenẽ, la b mikame tɩ yaa b sẽn kʋʋd-b rãmbã kelems n be beenẽ.

Zeremi 11:11

Woto yĩnga, maam a Sẽn-Ka-Saab yetame: ‹Mam na n kɩtame tɩ toog paam bãmb tɩ b ka tõog n põs ye. La baa bãmb sã n bool maam, mam ka na n kelg-b ye.

Zeremi 12:11

B kɩtame tɩ tẽngã lebg zĩ-vɩʋʋgo. Tẽngã bee sũ-sãang pʋga. A sãamame n be mam taoore. Tẽngã fãa sãamame, la ned kae n yãbd-a ye.

Zeremi 12:4

Warã na n zĩnda tẽngã pʋg hal tɩ ta dabʋre? Pʋtã mood na n kʋɩta a woto hal tɩ ta dabʋre? Rũmsã ne bõn-yɩgdɩ wã kiime, tẽn-kãng nebã sẽn maan wẽng n yeel tɩ Wẽnnaam ka na n yãnd b manesmã yĩnga.

Zeremi 18:22

Kɩt-y tɩ b wʋm b kelems b yiyã pʋsẽ, wakat ning b bɛɛbã sẽn na n wa ling bãmb n wʋk b teedã. Bãmb tuu bok n dat n bẽd maam, bãmb dɩgla bẽdg mam naoã sẽn na n tabgẽ wã.

Zeremi 4:28

Bõn-kãng yĩng kɩtame tɩ tẽngã fãa be sũ-sãang pʋga, tɩ saasẽ lebg lik bida. Yaa maam n yeele, la m yam-yãkr la a woto. Mam ka maand m bãngẽ, la m kõn lebs m noor poorẽ me ye.»

Zeremi 46:12

Buud a taabã wʋmda f yãndã yelle, la f kelemsã zẽk n pida dũniyã gilli, bala, gãndaadã kanda taab n lʋɩtẽ, bãmb naaga taab n lʋɩtẽ.

Zeremi 8:21

Mam sũur sãamame, mam nebã m sẽn nongã sãoong yĩnga. Mam bee lik pʋgẽ, la sãoong rɩta maam.

Kʋʋr yɩɩla 2:8

Sẽn-Ka-Saab yãka yam n dat n sãam Sɩyõ tẽn-neerã lalse. Bãmb tẽega wĩiri, la b ka yõbg b nugã hal tɩ b sãam fãa. Bãmb kɩtame tɩ pãng zĩigã ne lalgã siigi. Bãmb ned kam fãa lʋɩɩme.

Kʋʋr yɩɩla 2:9

A kʋɩlemsã suda tẽngã pʋga. Bãmb sãama a ra-bɩlmã, b kaoo a kʋɩlen-kuyã. A rĩmã ne a nanambsã bee buud toay-toay sʋka. Tõog ka leb n beẽ ye. Yẽnda Wẽnnaamã no-rɛɛsdb ka leb n paamd vẽnegre sẽn yit Sẽn-Ka-Saab nengẽ ye.

Kʋʋr yɩɩla 5:10

Komã wɩnga tõnd wʋsg hal tɩ tõnd gãndã yõog wa wʋng bugum sẽn dɩ.

A Ooze 4:3

Woto n kɩte, tɩ sũ-sãang na n kẽ tẽngã. Tẽngã nebã ne we-rũmsã, la yĩngr liuuli wã, hal baa ne zĩmã sẽn be ko-kãsengã pʋgẽ wã na n sãamame.

A Zowɛlle 1:10

Pʋtã fãa sãamame, tẽn-gãongã bee sũ-sãang pʋga. Bala, b sãama koodã, reezẽ rãam ka leb n beẽ ye, kaam ka leb n beẽ ye.

A Zowɛlle 1:11

Ka-koaadba, maan-y sũ-sãanga, sẽn send-b reezẽ tɩɩse, wiis-y-yã, bala, bɩle wã ne orzã sãamame, pʋtã bõn-koaadl sãama zãnga.

A Zowɛlle 1:14

Yãk-y daar no-loeer yĩnga, moon-y tigin-kãseng daare, tigm-y kãsem-dãmbã, ne tẽngã nebã fãa, tigm-y-b Sẽn-Ka-Saab sẽn yaa yãmb Wẽnnaamã roogẽ, la y kelem n bool Sẽn-Ka-Saabo!

A Zowɛlle 2:6

Nebã sã n yãnd b sẽn watã, lebga rabeem la rigbu, tɩ nebã fãa nens bendge.

A Aaze 1:11

Mam kɩtame tɩ war kẽ tẽngã, tɩ tãmsã zut kʋɩ, tɩ bɩle wã, ne reezẽ rãamã la kaamã sɛ, la m kɩt tɩ tẽn-gãongã bõn-koaadl kʋɩ, tɩ ninsaalb ne rũms namsdẽ, la y tʋʋmã fãa yɩɩ zaalem.

Zakari 7:13

Saasẽ-Pãng-Soabã yeelame: «Mam sẽn bool bãmbã, b ka kelg ye. Dẽ wã, bãmb sã n wa bool maam, mam me ka na n kelg ye.

1 Sãmwɛlle 5:12

Nod-kegemsã yõga neb nins sẽn dag n põs kũumã, la nebã sẽn dag n baood sõngrã kelems rag n zẽkd n tata saasẽ.»

1 Sãmwɛlle 9:16

«Beoog woto wẽnde, mam na n tʋma Benzame buudã rao a yembr fo nengẽ, la fo na n ninga a zug rĩung kaam t'a lebg Israyɛll sẽn yaa mam nebã rĩmã. Yẽnda na n fãaga mam nebã Filistẽ-dãmbã nusẽ, bala, mam yãnda m nebã namsgã, la m wʋma b kɛlengã.»