Zeremi 13:21 - WẼNNAAM SEBRE 2014

²¹ Fo sẽn kɩt tɩ neb nins minim foom n lebg fo sõsd-n-taasã sã n wa yik n dat n soog foom, fo na n yeelame tɩ bõe? Yaa toog bal n na n wʋm foom wa pag sẽn kũmd dogem.

SEBR SÕNGO

²¹ Fo na n yeelame tɩ bõe, fo sẽn minim b rãmba, sẽn lebg-b fo sõsd-n-taasa sã n wa yik ne foo n na n soog foo, ad-f na n wʋma toog bala wa paga sẽn kũmd dogem.

Zeremi 13:21 Iomraidhean Croise

2 Rĩm-dãmba 16:7

A Akaaz tʋma neb tɩ b kẽng Tɩlgat-Pilezɛɛr n tɩ yeel Asiiri rĩmã yaa: «Mam yaa yãmb tʋmtʋmda, la y biiga. Wa-y n fãag-y maam Siiri rĩmã ne Israyɛll dĩmã nugẽ, bala, b yik n dat n zaba ne maam.»

A Ezayi 10:3

Yãmb na n maana a wãn n põs sɩbgrã daare, daar ning sɩbgrã sẽn na n yi zĩ-zãrg n wa wã? Yãmb na n zoe n kẽnga ãnda nengẽ n tɩ paam sõngre? Yãmb na n tɩ bĩnga y arzegsã yɛɛnẽ?

A Ezayi 13:8

Rabeem-kãseng na n yõka bãmba, toog la namsg na n paama bãmba, la bãmb na n wẽndgda wa pag sẽn kũmd dogem. Bãmb na n yɛɛsame n ges taaba, bãmb nemsã midgame.

A Ezayi 21:3

Rẽ kɩtame tɩ mam põaagã bondge, toog tara maam, toog tara maam wa pag sẽn dat n doge. Bõn-kãng sãama mam sũur tɩ m ka leb n wʋmdẽ ye. Toogã kɩtame tɩ mam ninã ka leb n neẽ ye.

Zeremi 2:25

Israyɛll nebã, gũus-y y mense, sã n ka rẽ, yãmb na n wa zoee nao-zaala, la y koeesã me na n kʋɩɩme! La yãmb yeelame tɩ rẽ ka yell ye, tɩ y nonga bu-zẽms wẽnnaam-dãmba, la y na n pʋg-b lame.

Zeremi 22:23

Yãmb sẽn be Libã wã, yãmb sẽn maan y tʋgdã sɛɛdr tɩɩsã zutã, toog sã n wa yãmb zutu, y na n wõosame. Yãmb na n kũsa wa pag sẽn kũmd dogem.»

Zeremi 30:6

M kotame tɩ y sok n gese, rao rogdame la? La yaa bõe tɩ m neẽ tɩ raopã fãa teeg b seese, wa pag sẽn kũmd dogem? Bõe yĩng tɩ b fãa nensã pelge?

Zeremi 38:22

‹Ade, b na n talla pagb nins fãa sẽn pa Zʋʋda rĩmã na-yirã n tɩ kõ Babilond dĩmã nanambse, la pagbã na n yeelame: Yãmb zo-rãmbã belga yãmb n tõoge. La yãmb naoã sẽn wa n sud begdã pʋgẽ wã, bãmb targ n leba poorẽ.›

Zeremi 4:30

La yãmb a Zeruzalɛm nebã, yaa bõe tɩ y yeelg fu-miidu, la y ning sãnem fan-teedo, la y ning y nin kɩrʋ? Yãmb sẽn nags y mens n yaa neerã yaa zaalem. Yãmb dolsen-dãmbã ka leb n dat-y ye, b sẽn baood yaa y kũum.

Zeremi 4:31

Mam wʋmda kelems sẽn wẽnd pag sẽn kũmd dogem kelemse. Yaa kelems sẽn wẽnd pag sẽn kũmd a pʋg-sadem dogem kelemse. Yaa Sɩyõ tẽn-neerã koɛɛga. A tẽega a nus n yãbd n sesd n yetẽ: «Toog paam maam! M lʋɩɩ nin-kʋʋdb nusẽ!»

Zeremi 48:41

B reega Moaab tẽmsã, b reega a pãng zĩisã. Badaare, gãndaadã na n lebga rabɛɛmba, wa pag sẽn kũmd dogem.

Zeremi 5:31

No-rɛɛsdbã yagda zĩrẽ, la maan-kʋʋdbã maanda b sẽn date, tɩ mam nebã me nong rẽnda. La yãmb na n maana bõe bõn-kãens loogr zugẽ?

Zeremi 6:24

Tõnd wʋma kibarã, la tõnd gĩin maagame. Sũ-sãang yõka tõndo. Toog paama tõnd wa pag sẽn kũmd dogem.

Ezekiyɛl 28:9

Fo kʋʋdbã taoore, fo tõe n leb n yeelame tɩ fo yaa wẽnnaam sɩda? Fo kʋʋdbã nifẽ, fo yaa ninsaal bala, fo ka wẽnnaam ye.

A Matiye Sõng 24:8

Yõwã fãa na n yɩɩ wa rogem toog sɩngr bala.

1Tesalonik Rãmba 5:3

Wakat ning ninsaalbã sẽn na n yeel tɩ yaa laafɩ la bãanã, wakat-kãng la sãoong na n ling bãmba. La na n yɩɩ wa rogem toog sẽn paamd pag sẽn tʋte, la b kõn põs ye.