Zeremi 13:16 - WẼNNAAM SEBRE 2014

¹⁶ Waoog-y Sẽn-Ka-Saab sẽn yaa yãmb Wẽnnaamã, tɩ b ra wa kɩt tɩ lik bida wa, tɩ y naoor wa lak tãmsã zĩ-sobdã pʋg ye. Yãmb na n gũu vẽenem, la b na n kɩtame tɩ vẽenem lebg lika. B na n kɩtame t'a lebg lik bida.

SEBR SÕNGO

¹⁶ Yeel-b tɩ b waoog bãmb Soaala la b Wẽnnaam, tɩ b nin ket n neẽ n da wa kẽnd n lagsd tãms ne lik ye. Yãmb da gũuda beoog vẽegre, la m na n kɩtame tɩ vẽenem lebg lik bãm, wala saag n kʋɩ.

Zeremi 13:16 Iomraidhean Croise

A. Zoobe 3:5

Bɩ lik la kũum lik bida soog m dogmã daare, bɩ sawat kell n lud yẽnda, bɩ wĩndg lebg lik bida n kẽes-a rabeem!

Yɩɩn‑sõamyã 107:10

Kẽer dag n bee lik ne kũum maasmẽ, la namsgo, ne bãens balgr pʋga.

Yɩɩn‑sõamyã 107:14

Sẽn-Ka-Saab yiis-b-la likã ne kũumã maasmẽ, n kao b balgrã.

Yɩɩn‑sõamyã 29:2

Waoog-y Sẽn-Ka-Saab yʋʋrã sẽn tar ziirã! Wõgemd-y Sẽn-Ka-Saab taoore, bãmb sẽn pukd b sõmblmã pʋga!

Yɩɩn‑sõamyã 44:19

Tõnd ka wẽnemd n bas yãmb ye. Tõnd ka bʋdg n bas yãmb sorã ye.

Yikri 10:21

Sẽn-Ka-Saab yeela a Moyiisi: «Zẽk f nug n tees yĩngri, tɩ lik bida zĩnd Ezɩpt tẽngã pʋgẽ tɩ b tõe n sɩɩs-a.

Yelbũna 4:19

La nin-wẽnsã sor yaa wa yʋngo, bãmb ka mi bũmb ning sẽn na n lub bãmbã ye.

Kowelɛt 11:8

Ned sã n vɩ n kaoos yʋʋm wʋsgo, bɩ a maan sũ-noog yʋʋm-kãens fãa pʋgẽ. La bɩ a tẽeg tɩ likã rasem na n yɩɩ wʋsgo. Bũmb ning fãa sẽn na n wa wã yaa zaalem.

A Ezayi 5:30

Badaare, b na n guglma bãmb zut wa ko-kãsengã sẽn guglumdã. B na n gesa tẽngã, la yaa lik ne toog bala. La sawad-taok n na n wa kɩt t'a vẽenemã lebg lika.

A Ezayi 59:10

Tõnd babenda wa zoang sẽn tigsd lalga, tõnd babenda wa ned nin sẽn ka ne. Tõnd lagsd n lʋɩta wĩnto-sʋk wa zĩ-sobdo, tõnd vɩɩme la d yaool n yaa wa neb sẽn ki bala.

A Ezayi 59:9

Rẽ kɩtame tɩ zemsg zãr ne tõndo, la tɩrlem ka tõe n pẽneg tõnd ye. Tõnd dag n tẽeda vẽenem, la ade, d bee lik bida pʋga, tõnd dag n gũuda zĩ-yẽegre, la tõnd kẽnda lik-kãseng pʋga.

A Ezayi 60:2

Ade, lik bida luda dũniyã gilli, tɩ buud toay-toayã be lik pʋgẽ. La Sẽn-Ka-Saab yika fo zugu, bãmb ziirã puka fo zugu.

A Ezayi 8:22

la bãmb na n sulg n gesa tẽnga, n mik tɩ yaa sũ-sãanga, lik bida la yel-pak-kãsems bala. B na n tusa bãmb n kẽes lik bida pʋga.

Zeremi 14:19

Sẽn-Ka-Saabo, yãmb basa Zʋʋda la? Yãmb yam yii Sɩyõ? Yaa bõe tɩ y pogl tõnd hal tɩ d sãmpogrã ka tõe n maage? D dag n tẽedame tɩ yɛlã na n wa zemsame, la bõn-sõng ka be ye. D dag n tẽeda maagre, la yaa pelen-yɩk bal la d zĩ ne.

Zeremi 2:6

Bãmb ka soke: Sẽn-Ka-Saab ning sẽn dag n yiis-a tõnd Ezɩpt tẽngã bee yɛɛnẽ? Sẽn-Ka-Saab ning sẽn dag n lʋɩ-a tõnd taoor we-raoogã sẽn tar londo, ne ware, la lik bida tɩ ned yir ka be beenẽ wã bee yɛɛnẽ ye.

Zeremi 23:12

Yaa rẽ n kɩt tɩ b sorã na n yɩ sals ne lika. B na n tusa bãmb tɩ b lʋɩ, bala, yʋʋmd ning b sẽn na n sɩbg bãmbã, mam na n kɩtame tɩ toog paam-ba. Maam a Sẽn-Ka-Saab n yeele.

Zeremi 4:23

Mam gesa dũniyã, la ade, a ka tar yalẽ ye, a yaa vɩʋʋgo. Mam gesa saasẽ, la m yãame t'a ka leb n tar a vẽenemã ye.

Zeremi 50:6

Mam nebã rag n yaa wa piis sẽn meneme. Bãmb pe-kɩɩmbã rag n kẽesd-b-la moogo, b rag n basa bãmb tɩ b gilimd tãmsã zutu. Bãmb dag n kɩtame tɩ b yeebd tãmsã ne kunkubã zutu, n wa yĩm b vʋʋsg zĩigã yelle.

Zeremi 6:21

Woto yĩnga, maam a Sẽn-Ka-Saab yetame: mam na n ninga bõn-lakdg bãmb taoore, tɩ ned ne a biiga, ned ne a yaka, la ned ne a zoa lak n lʋɩ, la bãmb fãa na n sãamame.»

Zeremi 8:15

Tõnd dag n gũuda vɩ-bãane, la bõn-sõng ka wat ye. Tõnd dag n gũuda maagre, la rabeem bal n tar tõndo.

Kʋʋr yɩɩla 4:17

Tõnd dag n gũuda sõngr zaalem, tɩ d nin pãng booge. Tõnd dag n gũuda buud a to fãagre, la a ka fãag tõnd ye.

Ezekiyɛl 21:15

B saas-a-la kʋʋb yĩnga. B ruug-a lame t'a tõe n yãge. Yaa tõnd sũur na yɩ noog sɩda? M biigã dasaar paoogda tɩɩg buudã fãa.

Ezekiyɛl 34:12

Wa piis sẽn mi n sãeeg tɩ pe-kɩɩmã tigimd-b to-to wã, mam me na n tigma m piisã zĩis nins fãa b sẽn dag n sãeeg sãoongã la lik bida daarã.

Ezekiyɛl 36:15

Mam na n kɩtame tɩ f ra leb n wʋm buud a taabã tʋyã, neb a taabã paoogr kõn leb n zĩnd fo zug ye. Yãmb kõn leb n yɩ kug-lakdg y tẽngã yĩng ye. Maam a Zu-soab a Sẽn-Ka-Saab n yeele.»

A Zowɛlle 2:2

Yaa lik ne lik bida daare, na n yɩɩ sawat sẽn yaa lik tuu daare, ra-kãng wata wa zĩ-yẽegr sẽn pukd tãmsã zutu. Yaa buud sẽn yaa wʋsgo, n tar pãnga, Bu-kãng buud zɩ n zĩndi, la a buud kõn tol n leb n zĩndi, hal baa zamaan ning sẽn watã pʋgẽ ye.

A Amoose 4:13

Bala, yaa bãmb n maan tãmsã ne sebgã, la b wilg ninsaal b tagsgo. Bãmb n kɩtd tɩ yibeoog lebg lika. Bãmb tabda tãms nins sẽn yaa lug-lugã zut n kẽnda. Bãmb yʋʋr yaa Zu-soabã sẽn yaa Saasẽ-Pãng-Soabã.

A Amoose 5:18

Kayto! Neb nins sẽn gũud Sẽn-Ka-Saab daarã na paam toogo! Sẽn-Ka-Saab daarã na n nafa yãmb ne bõe? A ka na n yɩ vẽenem ye, a na n yɩɩ lik bida.

Malasi 2:2

«Ade, yãmb sã n ka kelge, la y sã n ka yãk yam n kõ mam yʋʋrã waoogre, mam na n tʋma kãab-wẽngã yãmb sʋka, la m kɩt tɩ y barkã lebg kãab-wẽnga. N-yẽe, mam na n kɩtame tɩ y barkã lebg kãab-wẽnga, yãmb sẽn ka kelg m keoogrã yĩnga.» Maam a Saasẽ-Pãng-Soabã n yeele.

A Zã Sõng 12:35

A Zeezi yeel-b lame yaa: Vẽenemã ket n bee yãmb sʋk wakat bilf yĩnga. Yãmb sẽn tar vẽenemã wakate, bɩ y kẽne, tɩ lik bida da wa n ling yãmb ye. Sẽn kẽnd-a lik bida pʋgẽ ka mi a sẽn dabdẽ ye.

Zozuwe 7:19

A Zozoe yeela a Akã yaa: «M biiga, zoe Sẽn-Ka-Saab sẽn yaa Israyɛll Wẽnnaamã la f togs sɩda. Togs maam fo sẽn maan bũmb ninga, la f ra solg maam ye.»

1 Pɩyɛɛr 2:8

Bãmb lakda kug-kãngã, b sẽn ka sakd Wẽnnaam goamã yĩnga. La Wẽnnaam dag n pĩnd n miime tɩ na n yɩɩ a woto ne-ba.

1 Sãmwɛlle 6:5

Maan-y noadã ne yõens nins sẽn sãamd-b yãmb tẽngã mamsdo, la y kõ Israyɛll Wẽnnaamã waoogre, tɩ daar ning bɩ Wẽnnaam boog yãmb ne y tẽngã sɩbgrã, la sɩbgr ning sẽn be y wẽnnaam-dãmbã zugã.