Zeremi 12:12 - WẼNNAAM SEBRE 2014

¹² Sẽn sãamd-b fãa wã bee we-raoogã soayã fãa zut n watẽ. Bala, Sẽn-Ka-Saab sʋʋgã sãamda tẽngã zĩisã fãa, tɩ ned ba a yembr ka leb n tõe n vɩɩmd bãan yɛs ye.

SEBR SÕNGO

¹² Fãadba, tẽn-wãadba waa tãmsa zutu. Ad-y yaa wa Soaala zãada sʋʋg sẽn dɩte n vargd tẽnga fãa, la ned ba a ye ka na n põs ye.

Zeremi 12:12 Iomraidhean Croise

A Ezayi 34:6

Sẽn-Ka-Saab zabr sʋʋgã pida ne zɩɩm, kaam mad-a lame, yaa pe-ribli wã ne boeesã zɩɩm, kaamã yaa pe-raadã yiim kaam. Bala, b na n maana maoong Bosra Sẽn-Ka-Saab yĩnga, la koodg wʋsg n na n zĩnd Edom tẽngã.

A Ezayi 57:21

Mam Wẽnnaamã yeelame: «Vɩ-bãan ka be nin-wẽns yĩng ye.»

Zeremi 15:2

Ba b sã n sok foom tɩ yɛɛnẽ la b na n kẽnge, bɩ f leok-b tɩ maam a Sẽn-Ka-Saab yetame: Sẽn tog-a ne kũum, bɩ a ki! Sẽn tog n pa-a tãpẽ, bɩ a pa tãpẽ! Sẽn tog n ki-a kom, bɩ a ki kom! Sẽn tog-a ne yembdo, bɩ a loog yembdo!»

Zeremi 16:5

Bala, maam a Sẽn-Ka-Saab yetame: «Ra kẽng ned yiri, b sẽn yãbd b ned sẽn ki yĩng ye. Ra yãb b nedã yĩnga, la ra bels-b ye. Bala, mam yiisa m laafɩ wã ne m nonglmã, la m nimbãan-zoeerã nin-bãmbã sʋka. Maam a Sẽn-Ka-Saab n yeele.

Zeremi 25:11

Tẽn-kãngã fãa na n lebga raboogo, zĩ-vɩʋʋgo, la b na n yõga bu-kãensã n tɩ kẽes yembd Babilond yʋʋm pis-yopoe.

Zeremi 3:2

Zẽk-y y nens n ges tãn-bɛɛlã zutu. Rẽ yĩnga, tãng bee bãmb sʋkã yãmb sẽn ka maan wa yoaadb a zug sɩda? Yãmb yasa sor noor n gũud y rolsen-dãmba, wa Araab sẽn gũud neb we-raoog pʋgẽ. Yãmb dẽgma tẽngã ne y yoobã, la ne y wẽngã maanego.

Zeremi 3:21

B wʋmda Israyɛll neb yãbre, la b se-yõkr tãn-bɛɛlã zutu. Bala, bãmb bʋdgame n bas sorã, n yĩm Sẽn-Ka-Saab sẽn yaa bãmb Wẽnnaamã.

Zeremi 30:5

Sẽn-Ka-Saab yetame: Tõnd wʋmda bʋrg sẽn wat ne yɛɛsgo. Yaa rabeem bala, vɩ-bãan ka leb n be ye.

Zeremi 34:17

Bõn-kãng yĩnga, maam a Sẽn-Ka-Saab yetame: ‹Yãmb ned kam fãa rag n tog n kõ a yamb lohorem, t'a yaa y saam-biiga, la yãmb ka kelg maam ye.› Woto yĩnga, maam a Sẽn-Ka-Saab yetame: ‹Mam na n basame tɩ zabr sʋʋg ne bã-longds la kom kʋ yãmba, la mam na n kɩtame tɩ dũniyã soolem-dãmbã fãa sã n yãnd yãmba, bɩ rabeem-kãseng yõk-ba.

Zeremi 4:27

Ade, Sẽn-Ka-Saab yetame yaa: «Tẽngã fãa na n lebga raboogo, la m yaool n ka na n sãam-a zãng ye.

Zeremi 46:10

Rũndã yaa Zu-soabã sẽn yaa Saasẽ-Pãng-Soabã daare. Yaa sũ-dokr daare, yaa daar b sẽn na n dok b sũur ne b bɛɛbã. Zabr sʋʋg vargdame. A rɩtame n yũud bãmb zɩɩm n tɩgda. Yaa maoong Zu-soabã sẽn yaa Saasẽ-Pãng-Soabã yĩnga, wĩndg sẽn lʋɩtẽ dɩtg tẽngã pʋgẽ, Efrat kʋɩlgã noore.

Zeremi 47:6

Kayto! Sẽn-Ka-Saab sʋʋga, fo na n vargame n tɩ tek zĩ-bʋg n ka tol n vʋʋse? Leb f wʋʋgẽ, pa be n vʋʋs la f bas woto.

Zeremi 48:2

Moaab ziirã sɛɛme! Neb bee Hɛsbõ n segend n na n wa maan-a wẽnga. Wa-y tɩ d kɩt tɩ Moaab menem buud a taabã sʋka! Madmen tẽng nebã, zabr sʋʋg na n kɩtame tɩ b ka leb n wʋm yãmb me rãamd ye. B rigda yãmb ne zabr sʋʋga.

Zeremi 8:15

Tõnd dag n gũuda vɩ-bãane, la bõn-sõng ka wat ye. Tõnd dag n gũuda maagre, la rabeem bal n tar tõndo.

Kʋʋr yɩɩla 3:17

Yãmb kɩtame tɩ vɩ-bãan zãag ne maam. Mam yĩma naar yelle.

Ezekiyɛl 14:17

Bãmb sã n kɩt tɩ zabr sʋʋg kẽ tẽngã, bɩ mam sã n yeel tɩ zabr sʋʋg gilg tẽngã, wall mam sã n menes ninsaalbã ne rũmsã,

Ezekiyɛl 21:28

Zeruzalɛm dãmbã wẽenegã yĩnga, bãmb tagsdame tɩ bagrã Babilond dĩmã sẽn bʋgã yaa zaalem.» La Babilond dĩmã tẽeg-b-la b kongrã, la rẽnda yĩng n kɩt tɩ b na n tall-b n kẽng yembdã.

Ezekiyɛl 21:4

Nebã fãa na n yãame tɩ yaa maam a Sẽn-Ka-Saab n yõgen bugmã, la a ka na n tol n ki ye.› »

Ezekiyɛl 21:8

Yeel Israyɛll tẽn-gãongã tɩ maam a Sẽn-Ka-Saab yetame: ‹Ade, mam zabda ne foom. Mam na n wõoga m zabr sʋʋg n menes nin-tɩrsã ne nin-wẽnsã sẽn be fo pʋgẽ wã.

Ezekiyɛl 21:9

Mam sẽn na n menes nin-tɩrsã ne nin-wẽnsã yĩnga, mam sʋʋgã na n yi a wʋʋgẽ n kʋ b fãa, sẽn sɩng ne nug-goabg n tɩ tãag nug-rɩtgo.

Ezekiyɛl 5:2

B sã n wa gũbg tẽngã n zab n deeg-a n sɛ, bɩ f rɩk zoobdã rʋr a yembr n yõog bugum tẽngã sʋka. La f rɩk rʋr a yembr n kʋʋs ne sʋʋgã n lob n gilg tẽngã. La f rɩk rʋr a yembrã n fãeeg tɩ sebgã rɩke, tɩ mam na n kɩtame tɩ b rig-b ne zabr sʋʋga.

Maan‑kʋʋre 26:33

Mam na n sãeega yãmb n kẽes buud a taabã sʋka, n kɩt tɩ b rig yãmb ne zabr sʋʋga. Yãmb soolmã na n wãame, tɩ y tẽmsã lebg raboodo.

A Amoose 9:4

Baa bãmb bɛɛbã sã n yõg-b n tɩ kẽes yembdo, mam na n kɩtame tɩ b kʋ bãmb ne zabr sʋʋga. Mam na n gũusa bãmba, la ka na n yɩ b manegr yĩng ye, na n yɩ b sãoong yĩnga.

Sofoni 2:12

Yãmb a Kuus tẽng nebã, mam na n kɩtame tɩ yãmb pa tãpẽ.

Yaoolem 32:42

Mam na n kɩtame tɩ pɛɛmã monem ne zɩɩm, la m tɩgs m zabr sʋʋgã ne b sẽn yõg-b rãmb n kʋ wã nemdo, la b zɩɩm, la ne zɩɩm sẽn yit bɛɛbã nanambs zutu.

Vẽnegre 6:4

La wed-moaag a to kõbg sẽn yaa miuug wa bugum yiime. La b kõo sẽn da zao-a yẽnda wã pãn-tõog t'a yiis dũni laafɩ, tɩ nebã kood taaba. La b kõo yẽnda zabr sʋ-kãsenga.